Noiz sortua: 2019-10-08 20:44:01

Alardea

Hondarribiko Udalak "errespetuz" hartu du aldarri parekidea babestu duten gazteen adierazpena

Jaizkibelentzat, "aurrerapauso" bat da auzia konpontzeko, eta azpimarratu du gazteen ekimenak konpainia parekideak egindako bidea "berresten" duela.

Hondarribiko Udalak
Hondarribiko Udalak "errespetuz" hartu du aldarri parekidea babestu duten gazteen adierazpena

Arantxa Iraola -

2019ko urriak 8

Mezu arrunt argia eman dute alarde ez-parekidearen inguruko Hondarribiko hainbat gaztek, gatazkaren inguruko tentsioa urritzearekin konformatzen ez dena, eta jaiaren parekidetasuna bermatzera egin nahi duena. Andreek horretarako duten «eskubide osoa» gogora ekarri dute. Igandean bat egin zuten agiria aurkezteko, eta atzo eman zuten horren berri. Gaur, balorazioen eguna izan da. Emakunde eta EAEko Arartekoa aldarri parekidearen hauspo izan dira hasiera-hasieratik, eta ontzat hartu dute biek gazteen mezua.

«Gure balorazioa oso positiboa da. Bereziki itxaropentsua gazteengandik datorrelako», adierazi du Emakundeko zuzendari Izaskun Landaidak. «Beti defendatu dugu elkarrizketa dela bidea, eta gazte hauek ere elkarrizketarako deia egiten dute; beraz, espero dugu atzera egin ezin duen pauso bat izatea, eta Hondarribiak behingoz bere egun handia ospatu ahal izatea emakumeen parte hartzea bermatuz». Antzera solastatu da Manu Lezertua arartekoa. «Erakunde honi oso ona iruditu zaio berri hori, argi eta garbi erakusten baitu gizartea aurrera doala», azaldu du. «Emakumeen eta gizonen erabateko berdintasuna ukatu ezin den  baldintza da», gogora ekarri du. Gaia hizpide hartu zuen atzo Eusko Jaurlaritzako eledun Josu Erkorekak ere: baikor. «Proposamen onargarria da, eta aparteko garrantzia du jende gazteak egina izateak».

Aldiz, aurreko horiekin alderatuta, zuhurra izan da Hondarribiko Udalaren erantzuna: lehorra. Gaur arratsaldean zabaldu du komunikatu bat albistearen harira. «Hondarribiko Udalak errespetu osoz hartu du herriko hainbat gaztek sinatu duten adierazpena eta sortu duten plataforma», adierazi du. «Horrekin batera, argi utzi nahi du urte osoan zehar bizikidetza hobetzeko lanetan jardungo duela, hori baita bere helburu nagusiena». Bizikidetza aipatu du, beraz;  alardea ikusteko bi era daudela eta biak onartu behar direla dioen ikuskerari atxikita mintzatu da guztiz: parekidetasuna, emakumeek jaian parte hartzeko duten eskubidea, aipatu ere ez du egin.

 Ez da deus berria. Keinuetan eta ekintzetan ere beti egon da hor Hondarribiko Udala; inoiz ez du urratsik egin aldarri parekidearen alde, eta, aldiz, oparoa izan da beti desfile baztertzaileari atxikimendua erakusteko keinuetan. Areago, emakumeen parte hartzearen alde dihardutenen kontra egin diren jazarpen eta itsuskerien aurrean ere isilik egon da. Aurten alardea egin aurreko egunetan Hondarribiko alkate Txomin Sagarzazuk egin zuen proposamenak ere argi utzi zuen jarrera hori; izan ere, desfileen ordutegietan aldaketak egitea proposatu zuen. Helburu nagusia zen alarde baztertzailea ikusteko zain egoten direnen aurretik Jaizkibel konpainia —parekidea, hain justu— ez igarotzea, eta, era horretan, «tentsioa» baretzea. Hautu baztertzailearen aldekoen aspaldiko eskakizuna da hori, eta Jaizkibelek ez zuen aintzat hartu ere egin. Gainera, erakutsi zuen betiko ordutegian ere, ederki asko desfila dezakeela; inoiz baino babes keinu gehiago jaso zituen , eta inoiz baino partaide gehiago erakarri zituen: ia mila.

Jaizkibel, "pozik"

Jaizkibel konpainiak adierazi du "pozten" dela "guztion alardearen bidean" eman den "aurrerapausoarekin". "Aspalditik antzematen genuen eta mahai gainean jarri izan dugu Hondarribiko herrian emakumeak alardean parte hartzeko eskubidearen inguruko iritziaren eboluzio bat egon dela. Jaizkibel Konpainia bera geroz eta handiagoa izateaz gain, kaleko babes eta begiradek erakutsi digutelako hala dela. Eta ekimen honek berretsi egin du".

Konpainia parekideko kideek adierazi dute dinamika horren bultzatzaileekin biltzeko prest daudela, eta berretsi dute elkarrizketa "ireki eta anitzak" sustatzeko borondatea, herritar guztien artean auziari konponbidea emateko. "[Alardea] Denona delako, eta ez elkarte konkretu batzuena. Horretarako Alardeak publikoa, parekidea eta bakarra izan behar du. Herri bat, Alarde bakarra".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 6an eguneratua. ©BERRIA

Koronabirusaren azken datuak

Berria

Azkeneko 24 orduetan zazpi lagun hil dira COVID-19 gaitzaren eraginez. Hamalau positibo atzeman dituzte PCR probekin, eta gaixo bat ospitaleratu dute. Euskal Herrian 29.723 gaixok eman dute positibo guztira, koronabirusa atzemateko probaren bat eginda. Horietatik 2.089 hil dira. Grafikoak, albiste barruan.

Haur bat, konfinamenduan, etxean jolasten. / ©Iñigo Uriz, Foku

Astelehenetik ireki ahal izango dituzte haur eskolak Araban, Bizkaian eta Gipuzkoan

Irati Urdalleta Lete

Hiru herrialde horietako herritarrek hiruretan mugitzeko aukera izango dute. Ostalaritzan ez da gehienezko edukierarik egongo, eta barran zerbitzatzeko aukera ere izango dute. Diskotekek eta gaueko tabernek itxita jarraitu beharko dute. Hogei pertsona arte elkartu ahal izango da, bai etxean eta bai kalean.

Atzo Villabonan egin zuten bertso saiora sartzeko segurtasun neurriak. / ©Gorka Rubio, Foku

Alarma egoera amaitu ondoren ere maskarak erabiltzea beharrezkoa izango da Hego Euskal Herrian

Jon Ordoñez Garmendia

Ehun euro arteko isunak aurreikusten ditu Espainiako Gobernuak prestatu duen dekretuak, maskara erabiltzen ez dutenentzat. Urgentziazko kasuetan Osasun Ministerioak eskuduntzak bereganatzeko aukera izango du berriro.

Herritar batzuk Debako (Gipuzkoa) parke batean, elkarren arteko distanziak zainduz. ©GORKA RUBIO / FOKU

Araba, Bizkai eta Gipuzkoa artean ibili ahalko da astelehenetik aurrera

Jakes Goikoetxea

Espainiako Gobernuak jakinarazi du Hego Euskal Herria hirugarren fasera pasatzea onartu duela. Jaurlaritzak eta Nafarroako Gobernuak izurritearen kudeaketaren kontrol osoa berreskuratuko dute

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna