Politika

Guardia Zibilak Euskal Herrian jarraituko duela diote Espainiako Gobernuaren ordezkariek

Lozak ziurtatu du Madrilen "konpromisoa" dela Guardia Zibila bertan geratuko dela bermatzea. "Inoiz baino beharrezkoagoa da", esan du Arastik.

Gasteizko Sansomendi kuartelean gaur egindako ekitaldia
Gasteizko Sansomendi kuartelean gaur egindako ekitaldia Berria

Berria -

2019ko urriak 12

Guardia Zibilak Araban, Bizkaian eta Gipuzkoan jarraitzeko "konpromisoa" du Espainiako Gobernuak. Hala ziurtatu du gaur goizean Jesus Loza Espainiako Gobernuak Araba, Bizkai eta Gipuzkoan duen ordezkariak, Hispanitatearen Egunaren harira Gasteizko Sansomendi auzoko kuartelean egindako ekitaldian. Nafarroako ordezkari Jose Luis Arastik ere gauza bera esan du, eta gaineratu "Guardia Zibila erkidegoan inoiz baino beharrezkoagoa" dela.

ETAren aurka egindako lana eta "ahalegina" eskertu die Lozak guardia zibilei: "Ez dizkiegu nahikoa eskertuko zuen familiei sufritutako estualdi guztiak. Bene-benetan, eskerrik asko". Lozaren esanetan, gaur egun Guardia Zibilak bere lana "duintasunez, zuhurtziaz eta irmotasunez" garatzen jarraitzen du "herritar guztien bizikidetza bakean eta askatasunean" bermatzeko.

Hala, Guardia Zibila joatea eskatzen dutenei mezua bidali die Lozak: "Argi eta ozen esan behar dugu gera daitezela! Batzuek zuek joatea eskatzen dute euren porrotean ezinbestekoak izan zaretelako. Baina Espainiako Gobernuak bermatuko du zuek Euskadin geratzea".

Iruñean egindako ekitaldi batean, Arastik guardia zibilei esan die "baloratzen eta estimatzen" duela haien lana, eta kritika egin die "errealiate hau manipulatu" nahi dutenei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna