Noiz sortua: 2019-10-15 09:42:39

Eskozia

Sturgeonek "urtea bukatu baino lehen" eskatuko du independentziari buruzko erreferenduma egiteko baimena

"Nire nahia da erreferenduma hurrengo urtean egitea", adierazi du Eskoziako lehen ministroak, SNP alderdiaren konferentzian.

Eskoziaren independentziaren aldeko manifestazioa, hilaren 5ean, Edinburgon.
Eskoziaren independentziaren aldeko manifestazioa, hilaren 5ean, Edinburgon. Robert Perry / Efe

Mikel Rodriguez -

2019ko urriak 15

Epea zehaztu du Nicola Sturgeon Eskoziako lehen ministroak. "Gaur baieztatu dezaket urtea bukatu aitzinetik exijituko dudala erreferenduma zalantzarik gabe legezkoa izateko botereen transferentzia", adierazi du SNP Eskoziako Alderdi Nazionalak ipar-ekialdeko Aberdeen hirian egin duen konferentzian. "Hurrengo urterako gure prestaketa legegile guztiak bukatuko ditugu". Erresuma Batuko Gobernuarekin negoziatu beharko du horretarako, eta Boris Johnson lehen ministroak errana du ez duela Eskoziako Gobernuari baimena emateko asmorik. 

Sturgeonek erran du Londresek ezetz erantzunen balu garrantzitsuena izanen litzatekeela arreta osoa ematea "hitza ukatzeko jarrera" horri, eta ez Eskoziako Gobernuak emanen liokeen erantzunari. 

Brexit-aren aferaren ondorioen araberakoa izanen da erreferendumaren inguruko eztabaida eta indar lehia. Erresuma Batuko eta EB Europako Batasuneko talde ordezkariak hitzartutako brexit bat egiteko akordioa negoziatzen ari dira gaur, etzi Europar Kontseilua hasterako itun bat prest izateko, EBko estatuetako agintari gorenek onar dezaten. Hori gertatu ezean, Johnson legez behartuta dago asteburuan brexit-a gibelatzeko eskaera bat egitera Bruselari —hurrengo urteko urtarrilaren 31ra arte, gutxienez—. Hori eginen ez balu, Erresuma Batua urriaren 31n atera liteke EBtik, automatikoki. 

Egoera horretan, oso litekeena da Erresuma Batuko hauteskundeak aitzinatzea, eta, horren jakitun, Sturgeonek duela bi egun independentziari buruzko erreferendum bat babesteko eskatu zion Jeremy Corbyn Alderdi Laboristako buruzagiari, SNPren babesa bermatu nahi badu Erresuma Batuko lehen ministro izateko. 

 

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Lehen arretako profesionalen protesta bat, iaz, Gasteizen. ©ENDIKA PORTILLO / FOKU

Murgak egoera hauskorraz ohartarazi du, 15 kutsatu gehiagoren berri emanda

Ane Eslava

Egoera «kontrolpean» dagoen arren, «zuhurtzia» eskatu du. Nafarroan ez da kasu berririk egon. Lehen arretako langileek protesta egin dute

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna