Pentsiodunen martxa

Madrilera iritsi dira pentsiodunak

Manifestazioa egingo dute bihar, jarduneko Espainiako Gobernuari pentsio duinak bermatzeko neurriak eskatzeko.

Kiko Huesca / Efe
Kiko Huesca Efe Pentsiodunak Madrilgo kaleetan/gaur.

Iker Aranburu -

2019ko urriak 15

Jaka horia soinean, «nekatuta» baina bidean jasotako babesarekin pozik, gaur arratsaldean iritsi dira Madrilera irailaren 23an Bilbotik oinez joandako pentsiodunak.

Espainiako hiriburuko Sol plazan batu dira Andaluziatik abiatutako pentsiodunekin. "Une hunkigarria izan da", Luki Gomez Bilbotik abiatutako pentsiodunetako batek ziurtatu duenez. Elkar besarkatu dute, eta negar malkoak ikusi dira martxa egin duten batzuetako begietan.

Ondoren, Kongresura jo dute, eta ibilbidea egiteko erabili dituzten oinetakoak utzi dituzte han, beren aldarrikapenen ikur gisa.

Gaur goizean manifestazioa egingo dute, pentsio duinak eta erosteko ahalmena bermatzen duen eguneraketa sistema eskatzeko. "Madrilgo kaleak duintasunez beteko ditugu", iragarri du Gomezek, eta gazteak ere protestara batzea espero du, haien pentsioak baitira jokoan daudenak. Sol plazatik abiatuko dira, 11:00etan, eta Kongresuaren aurrean bukatuko dute manifestazioa.

%0,9ko eguneraketa

Hain zuzen ere, gaur iragarri du Espainiako jarduneko gobernuak 2020an %0,9 igo nahi dituela pentsioak, abenduan, horretarako botoak lortuz gero. Europako Batzordera igorritako 2020rako aurrekontu planean aipatu du Pedro Sanchezen gobernuak asmo hori duela. Aurrekontu proiekturik ez du aurkeztu PSOEren gobernuak, 2019koa aurrera ateratzeko nahikoa babes jaso ez zuelako. Edonola ere, Bruselari kopuru orokor batzuk erakutsi behar dizkio, hari dagokiolako kontu publikoak gainbegiratzea. Aurtengorako, BPGaren %2ko defizita espero du Espainiak, eta %1,7koa 2020rako.

Espainiako Gobernuaren iragarpena eszeptizismo handiz hartu du Andaluziatik abiatutako pentsiodunen bozeramaileetako batek, Angel Novok: "Ez dugu sinisten PSOEk edo beste gobernu batek esaten duen ezer".

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna