Autodeterminazioa

Indar independentistek "batera aritzeko adostasuna" aldarrikatu dute

Euskal Herriko, Herrialde Katalanetako eta Galiziako indar independentistek agiri bateratua aurkeztu dute Bartzelonako Llotja de Maren. EAJk ez du bat egin.

Adierazpena sinatu dute ordezkari politikoak; lehen lerroan eskuinetik bigarrena eta hirugarrena, Maddalen Iriarte eta Arnaldo Otegi EH Bilduko ordezkariak.
Adierazpena sinatu dute ordezkari politikoak; lehen lerroan eskuinetik bigarrena eta hirugarrena, Maddalen Iriarte eta Arnaldo Otegi EH Bilduko ordezkariak. Jesus Diges/Efe

Gotzon Hermosilla -

2019ko urriak 25 14:44

EH Bildu, BNG, Crida Nacional, CUP, Democrates, Esquerra Republicana, Esquerra Valenciana, MES per Mallorca, MES per Menorca eta PDeCAT-Junts per Catalunya indar independentistek bost punturen inguruan "aritzeko adostasun politikoa lortzeko beharrizana" azaldu dute adierazpen horretan. Bost puntu horiek autodeterminazio eskubidea, ekinbide politikoaren "izate demokratiko eta bakezalea", presoen askatasuna eta erbesteratuen itzulera, askatasun zibil eta politikoak eta "gizarte politikak eta politika ekonomikoak" dira.

Agirian, indar independentistek egiaztatzen dute "ezinezkoa" dela Espainiako Estatuaren "erabateko demokratizazioa", frankismoaren eratorritako erregimenaren "erresistentziarengatik" eta Espainiako alderdi politikoen "borondate faltagatik". Halaber, azaldu dute azken urteotan egoera hori zalantzan jartzen duten zenbait "joera" agertu direla, baina horren erantzuna izan dela Espainiako Estatua "geroz eta autoritarioagoa, demokrazia txikiagokoa eta errepresiboagoa den atzerabide batean" sartzea.

Indar independentisten ustez, Espainiako Estatuak ez du autodeterminazio eskubidea errespetatzen, baina, horrekin batera, beste "atzerapauso demokratiko" ugari ere egin ditu. Horri aurre egiteko, dei egin dute Espainiaren menpeko nazioek estatuarekin dituzten gatazka politikoak "modu demokratikoan eta egonkorrean" konpontzeko eta nazioarteko komunitateak "konponbide hauetan lagun dezan" bultzatzeko.p>

Bost puntuak

1. Geure herrien autodeterminazio eskubidea. 

2. Geure ekimen politiko guztien izate demokratikoa eta bakezalea. 

3. Preso politikoen askatasuna eta erbesteratuen itzulera. 

4. Askatasun zibil eta politikoak. 

5. Geure herrien garapena ahalbidetzeko gizarte politikak eta politika ekonomikoak.

"Edukia eta testuingurua"

EAJk ez du bat egin Llotja de Mareko adierazpenarekin, eta "edukia eta testuingurua" aipatu ditu bere jarrera arrazoitzeko. Edukiari dagokionez, EAJk uste du adierazpenak "espiritu eraikitzailerik" ez duela, 1998an EAJk, CiUk eta BNGk izenpetutako Bartzelonako adierazpenak ez bezala. Testuinguruari ere ez deritzote "egokiena", hauteskunde kanpaina hasteko hamar egun falta direla eta giro politikoa "nahasirik" egonda.

Edozelan ere, EAJ prest azaldu da datozen hilabeteetan "1998ko Bartzelonako adierazpenaren gaurkotzea" ekar dezakeen prozesu bati ekiteko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

 ©BERRIA

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan. Gaur, koronabirusaren larritasuna.

Santos Indurain Osasun kontseilariaren agerraldia, artxiboko irudi batean. ©Jesus Diges, EFE

Nafarroako egoera «egonkortzen» ari dela esan du gobernuak

Uxue Rey Gorraiz

Azken egunean, 223 positibo atzeman dituzte foru erkidegoan. Kutsatuen kopuruak behera egin du bigarren egunez jarraian.

EHUko ikasle batzuk, artxiboko irudian ©Luis Jauregialtzo / Foku

EHUk espedientea ireki dio irakasle bati, eskolak maskararik gabe ematen zituelakoan

Irati Urdalleta Lete

Farmazia Fakultateko irakasleak positibo eman du PCR proban. Hamabost eguneko epean ebatziko dute espedientea.

PCR probak, Gurutzetako ospitalean. ©Luis Jauregialtzo

Ia ehun kasu gutxiago atzeman dituzte egun bakarrean

Uxue Rey Gorraiz

Azken egunean, 608 kasu detektatu dituzte Hego Euskal Herrian. Positiboek behera egin dute Nafarroan, Bizkaian eta Araban; Gipuzkoan ugaritu egin dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna