Espainiako estatitiska institutuak telefonoetako datuak erabiliko ditu

Konpainia nagusiekin akordio bat egin du: haiek bildu eta jasoko dituzte datuak, eta INEri emango dizkiote gero. Lehen ikerketaren helburua da herritarren desplazamenduak aztertzea.

Gizon bat telefonotik hizketan
Gizon bat telefonotik hizketan / Berria

Jokin Sagarzazu -

2019ko urriak 29

INE Espainiako estatistika institutuak sakelako telefonoetako datuak erabiliko ditu bere ikerketetarako. Horretarako, akordio bat egin du telefono zerbitzua eskaintzen duten konpainia nagusiekin —Movistar, Vodafone eta Orange—; haiek bildu eta prozesatuko dituzte datuak, eta gero emango dizkiote INEri.

Datu horiek erabilita, lehen ikerketa bat egingo du estatistika institutuak: telefono erabiltzaileak nondik nora mugitzen diren aztertuko du; azaldu duenez, egunerokoan herritarrek ohikoenak dituzten desplazamenduak ezagutzeko, opor egunetakoak, eta landa eremuetakoak.

Honako egun hauetan jasoko dituzte erabiltzaileen datuak: azaroaren 18tik 21era, azaroaren 24ean, zehaztu ez duten jaiegun batean, abenduaren 25ean, eta 2020ko ekainaren 20an eta abuztuaren 15ean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna