Katalunia

Ponsati, Comin eta Puigen kontrako euroagindua eman du Espainiako Auzitegi Gorenak

Pablo Llarena magistratuak Kataluniako hiru kontseilari kargugabetu eta erbesteratuen Espainiaratzea eskatu du. Espainiako Auzitegi Konstituzionalak Torrenti beste abisu bat eman dio, eta esan bertan behera uzteko Parlamentuko mahaiak tramiterako onartutako ebazpenak.

Clara Ponsati eta Toni Comin Kataluniako Hezkuntza eta Osasun kontseilari kargugabetuak, hurrenez hurren, Bruselan, joan den maiatzean.batean.
Clara Ponsati eta Toni Comin Kataluniako Hezkuntza eta Osasun kontseilari kargugabetuak, hurrenez hurren, Bruselan, joan den maiatzean.batean. Aida Sanchez Alonso/EFE

Gorka Berasategi Otamendi -

2019ko azaroak 5

Clara Ponsati, Toni Comin eta Lluis Puig Kataluniako kontseilari kargugabetu eta erbesteratuak Espainiaratzeko euroaginduak igorri ditu Pablo Llarena Espainiako Auzitegi Goreneko instrukzio magistratuak. Ponsatiren eta Cominen kasuan, sedizio delituagatik eta diru publikoa bidegabe erabiltzeagatik eskatu du horiek Espainiaratzea. Eskozian dago Ponsati, eta Belgikan Comin. Eta Cominekin batera, Bruselan da Puig ere. Hari, berriz, diru publikoa bidegabe erabiltzea leporatzen dio Llarenak.

Ponsatik, Cominek eta Puigek datozen egunetan aurkeztuko dute beren burua Eskoziako eta Belgikako epaileen aurrean. Carles Puigdemont Kataluniako presidente kargugabetu eta erbesteratuak babesa agertu die, bere gobernuan Hezkuntza, Osasun eta Kultura kontseilari izan zituenei. "Zuekin, beti!", idatzi du Twitter sare sozialean.

Fiskaltzak joan den astean eskatu zuen hiru kontseilari ohien kontrako euroagindua aktibatzea, eta eskari horri bide eman dio gaur Llarenak.

Magistratuak Puigdemonten kontrako euroagindua igorri zuen, hirugarrenez, Espainiako Auzitegi Gorenak Kataluniako auziko zigor epaia jakinarazi eta ordu gutxira. Puigdemontek bere burua aurkeztu zuen Belgikako Justiziaren aurrean, handik hiru egunera. Bruselako epaitegiak abenduaren 16an aztertuko du presidente ohiaren kontrako euroagindua.

Pedro Sanchez Espainiako jarduneko presidenteak hitzeman du Puigdemonten Espainiaratzea gauzatuko duela. Hauteskunde kanpainako eztabaidan egin zituen adierazpen horiek, Pablo Casado PPko presidentegaiari erantzunez. "Zuei Puigdmeontek ihes egin zizuen. Ni hemen eta orain konprometitzen naiz hura Espainiara bueltan ekartzera, Espainiako justiziarekin zorrak kitatu ditzan". Puigdemontek Twitter bidez erantzun dio gaur Sanchezi. Presidente kargugabetuak ohartarazi dio bi modu dauzkala soilik bere hitza betetzeko: botere judizialari dagozkion erabakiak ministro kontseiluan hartzea eta botere banaketaren printzipioa urratzea, ala "pertsonen bahiketetara itzultzea, zure alderdiko [PSOEko] arduradunek iraganean egin ohi zuten bezala".

Konstituzionala, Torrenti abisuka

Espainiako Auzitegi Konstituzionalak beste abisu bat eman dio Kataluniako Parlamentuko presidente Roger Torrenti; hilabetean baino gutxiagoan eman dion hirugarrena. Parlamentuko presidenteak eta mahaiko gainontzeko kideek auzitegiaren abisuei men egiten ez badiete, "ondorio penalak" izan ditzakeela azaldu dute epaileek. Auzitegi Konstituzionaleko magistratuak gaur bildu dira, Espainiako Gobernuak jarritako errekurtso berriei erantzuna emateko. Era horretan, hiru dira auzitegiak tramiterako onartu dituen errekurtsoak. Lehenengoari entzungor eginez, JxCk, ERCk eta CUPek buruzagi independentisten aurkako epaiari erantzun bateratua eman, eta autodeterminazio eskubidea defendatzeko ebazpena onartu zuen mahaiak. Eta, azkenik, Torrentek ezezkoa eman zion Ciudadanosek, PSCk eta PPk ebazpen horien tramitazioa birpentsatzeko eskariari. Horiek eragin dute Auzitegi Konstituzionalaren erantzun berria.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiari 1813an su eman ziotela oroitzeko Dora Salazarrek egindako eskultura, maskara jantzita ©JUAN CARLOS RUIZ / FOKU

COVID-19aren uste ustelak

Mikel P. Ansa

COVID-19aren pandemia ukatzen duten joera batzuek indarra hartu dute uda honetan. Haiek zabaldutako uste batzuk zeinen okerrak diren azaldu dute Miren Basaras eta Guillermo Quindos mikrobiologoek artikulu sorta honetan.

PCR proba bat, Indian. Bigarren herrialde kaltetuena da hura. ©SANJEEV GUPTA / EFE

Milioi bat lagun baino gehiago hil ditu COVID-19ak

Iosu Alberdi

AEBetan erregistratu dute kasu eta heriotza gehien. Euskal Herriak munduko heriotza tasa handienetako bat du: 77 heriotza 100.000 biztanleko.

Konfinamendua ezarri zuten Azkoienen. ©Idoia Zabaleta / Foku

Hegoaldeko kasuen erdiak baino gehiago, Nafarroan

Uxue Rey Gorraiz

Beste 603 positibo zenbatu dituzte Hego Euskal Herrian; Nafarroan atzeman dituzte horietatik 318. Halaber, bi pertsona zendu dira birusaren ondorioz.

Maria Txibite, agerraldi batean. ©Jesus Diges / Efe

Txibitek esan du egoera «kontrolatuta» dagoela Nafarroan

Arantxa Iraola

Positibo «asko» izan arren konfinamendu orokorrik ezartzeko asmorik ez dutela adierazi du

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna