Katalunia

Jonquerako muga blokeatu dute, Tsunamiaren deiari erantzunez

AP-7 autobidean trafikoa eten dute manifestariek eta ehunka ibilgailuk, bi noranzkoetan. Ahal duen herritar oro Jonquerako mugara (Girona, Katalunia) joateko eskatu du Tsunami Demokratikoak. Hogei kilometrotik gorako auto ilarak eratu dira.

Gorka Berasategi Otamendi -

2019ko azaroak 11

Hiru eguneko mobilizazio jarraitua iragarri zuen Tsunami Demokratikoak gaurtik asteazkenera bitartean, eta hasi dute protesta ekintza. Goizeko lehenengo orduan, Ipar eta Hego Katalunia arteko mugara joatera deitu du plataformak, AP-7 autobidea blokeatzeko. Berehala erantzun dute manifestariek, eta ehunka ibilgailu mugan pilatuta, trafikoa eten dute bi noranzkoetan. "Deialdia egin dugu aplikazioaren bidez, eta orain sare sozialen bidez zabalduko dugu. Iparraldeko Kataluniako kideen laguntzarekin, AP-7 autobideko trafikoa blokeatzea lortu dugu mugan, bi noranzkoetan. Hemendik aurrera, deialdi orokorra zabaltzen dugu mugara joateko, autoarekin ala gabe", adierazi du Tsunami Demokratikoak sare sozialen bidez zabaldu duen mezuan.

Autobidean bertan agertoki bat muntatu dute, eta asteazkenera arte han gelditzeko prestatu dira. Komunak jarri dituzte; janaria eta edaria eraman. Tsunamiak iragarri duenez, musikari ezagunen emanaldiak izango dira. 16:00etan, Lluis Llach hasi da jotzen autobideko agertokian. Goizean, mossoak errepidea blokeatu duten ibilgailuen matrikulak jasotzen aritu dira. Frantziako polizia ere bertaratu da, eta hainbat ibilgailu kendu ditu errepidetik, garabi batekin. Manifestariek eserialdi batekin erantzun dute.

Plataformak jakinarazi du jendea etengabe ari dela iristen Jonquerako mugara. Laguntza eskatu diete motor gidariei, autobideko protesta ekintzarekin bat egin nahi duten baina ibilgailurik ez duten manifestariak errepidea moztuta dagoen gunera arte garraiatu ditzaten.


Manifestariak AP-7 autobidearen mozketan, Jonquerako mugan, jaten eta edaten. ALEJANDRO GARCIA / EFE

Tsunami Demokratikoak azaldu duenez, mobilizazioaren bidez nazioarteko komunitateari zuzentzea dute helburu, Espainiari ulertarazi diezaion "autodeterminazioari buruz, oinarrizko eskubide eta askatasunei buruz eta presoei, erbesteratuei eta errepresaliatuei buruz hitz egitea dela bide bakarra".

Bestalde, gaineratu du gaurko mobilizazioa desobedientzia zibileko molde berri baten adibide dela. "Estatuak argi utzi du herritarrek euren eskubideak defendatzen gorputza jartzen badute Poliziaren indarkeriarekin erantzungo duela". Bartzelonako aireportua hartzeko ekintzan hala gertatu zela gogorarazi du. "Hori dela eta, gorputza ibilgailuarekin ordezkatzea proposatu dugu".

Plataformaren esanetan, ibilgailuen bidez eginiko protesten eredua "aztertzeko eredu" bat da, orain arte egin diren gisa horretako protestak inolako ondorio penal edo administratiborik gabe amaitu direla eta.

Tsunami Demokratikoak adierazi du gaurkoa hiru eguneko mobilizazioen hasiera dela, eta, plataformaren ekintza guztiak bezala, helburua lortutakoan bertan behera utziko dela. Esan dute orain arte egin dituzten ekintzen artean "anbizio handienetakoa" izango dela.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

18 kasatzeman dituzt azken ordueta Zangozan. ©Iñigo Uriz/FOKU

Beste neurri batzuk hartuko dituzte Zangozan

Berria

Azken orduetan, 18 positibo atzeman dituzte han. Hego Euskal Herrian, 234 positibo izan dira.

Karpak jarri dituzt basurto ospitalearen kanpoaldean, PCR probak egiteko. ©Javier Zorrilla/EFE

PCR proba egitera deitu ditu Jaurlaritzak Bilboko Fever diskotekan eta Erandiogoikoko batzokian egon zirenak

Berria

Bihar goizean hasiko dira testak egiten. Diskotekarekin lotutakoei, Basurtuko ospitalean, eta batzokian izandakoei, Urdulizkoan.

Kaltzda Zahar eguneko zenroa, Bizkaian. ©Marisol Ramirez/FOKU

Eguneko zentroak irekiko dituzte gaur Araban, Bizkaian eta Gipuzkoan

Berria

Zahar etxeetako murrizketek abuztuaren 9ra arte jarraituko dute indarrean.

Hiru pertsona maskara jantzita ©Jon Urbe / FOKU

Gazte Kontseiluak sare sozialetan kanpaina bat hasi du maskarak erabiltzera deitzeko

Aloña Beraza Peña

Bi bideo egin dituzte eta sare sozialetan, telebistan eta komunikabideetan zabalduko dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna