Katalunia

Kataluniako Parlamentuko zerbitzu juridikoek indargabetu dute autodeterminazio eskubideari buruzko ebazpena

Alderdi independentistek onartutako mozioa ez da Parlamentuko Aldizkari ofizialean aterako. JxCk eta ERCk Miquel Buchi dimiti zezala eskatzen zion puntuaren aurka bozkatu dute.

Roger Torrent Kataluniako Parlamentuko presidentea, gaur goizeko saioan.
Roger Torrent Kataluniako Parlamentuko presidentea, gaur goizeko saioan. Quique Garcia / EFE

Paulo Ostolaza -

2019ko azaroak 12

Kataluniako Parlamentuak gaur goizean onartu du «autodeterminazio eskubidea erabili eta Kataluniako herriaren nahia errespetatzeko asmoa» adierazten zuen mozioa; minutu gutxi batzuk geroago, ordea, indargabetu egin du Espainiako Auzitegi Konstituzionalak, Espainiako gobernuaren eskaera onartuta. CUPek aurkeztutako mozioak eskaera gehiago ere biltzen zituen: Miquel Buch Generalitateko Barne ministroa kaleratzea —Mossoek azken asteetan izandako jokabideagatik—; amnistia osoa ematea «erregimenak errepresaliatutakoei»; Espainiako Polizia eta armada Kataluniatik kanporatzea; eta istiluen aurkako mosso taldeak desegitea.

Gaur arratsaldean, ordea, parlamentuko zuzenbide zerbitzuek indargabetu egin dute onartutako ebazpenaren zati bat, baita pasa den astean buruzagi subiranisten kontrako epaiari buruzkoa ere, eta, beraz, ez dira aterako Parlamentuko Aldizkari Ofizialean. Independentistek zuzenketak egin eta puntu horiek berriz sartzeko asmoa dute.

Roger Torrent Kataluniako Parlamentuko presidenteak 09:30era aurreratu du gaurko saioa, Konstituzionalak mozioaren tramitazioa oztopatu ez ezan. Gauza bera egin du, ordea, auzitegiak, eta ordu berean bildu dira Madrilen. Dena den, ez du lortu mozioaren bozketa saihestea, eta JxCk, ERCk eta CUPek bozkatu dute autodeterminazio eskubidearen alde; Catalunya en Comu, berriz, abstenitu egin da.

JxCk eta ERCk ebazpenaren beste puntuen aurka bozkatu dute —abstenitu egin dira ERCko hiru kide—, eta koalizio antikapitalistak gogor kritikatu ditu. Maria Sirvent diputatuak «errepresioa amaitu eta polizien biolentziaren biktimei egindako kalteak konpontzeari» uko egitea egotzi die: «Horrenbeste gorbata eta horren lotsa gutxi». Espainiaren errepresioaren elkarlanean jardun direla ere esan du. ERCko Ernest Maragallek azaldu duenez, haiek autodeterminazioaren puntua soilik babestu dute, «ezin baitugu sinetsarazi Poliziarik gabeko paradisu bat sortuko dugula».

Parlamentuko saioaren ordu aldaketak eztabaida sortu du. Hasieran, 15:00etan egitekoak ziren, baina Torrentek 9:30etara aurreratu zuen, Suitzara bidaia bat zuela argudiatuta. Gainera, gai hori eztabaidatu dute aurrena, berez gai ordenako zazpigarrena zen arren. JxCk kritikatu egin du erabakia, jendaurrean ezagutarazi duten gutun batean. Gaur goizeko ordu berean zen Kataluniako gobernuaren asteroko bilera, eta horregatik ezin izan dute parlamentura joan Quim Torra Kataluniako presidenteak eta Miquel Buchek.

Ez da azken hilean Espainiako Auzitegi Konstituzionalak bertan behera utzi duen lehen mozioa. Duela egun batzuk, hiru alderdi independentistek antzeko mozio bat adostu zuten, baina orduko hartan ez ziren eztabaidatzera ere iritsi. Desobedientzia delituagatik zigortua izateko arriskuan dago Torrent.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna