Noiz sortua: 2019-11-14 11:28:49

Biktimak

Eusko Legebiltzarrak askotariko biktimak omendu ditu, PP gabe

Memoriaren Eguna egin dute gaur, eta, goizean, Eusko Legebiltzarrean lore sorta bat eskaini diete biktimei. Etxerat-ek elkarretaratze bat egin du aldi berean, sakabanaketaren biktimak aintzat hartzeko eskatzeko.

Bakartxo Tejeria eta Iñigo urkullu, gaur, legebiltzarreko omenaldian.
Bakartxo Tejeria eta Iñigo urkullu, gaur, legebiltzarreko omenaldian. Juanan Ruiz / Foku

Edurne Begiristain -

2019ko azaroak 14

PPkoak salbu, legebiltzar talde guztietako ordezkariek parte hartu dute gaur goizean Eusko Legebiltzarrak biktimen alde antolatutako ekitaldian. Memoriaren Eguna dela-eta, askotariko biktimak gogoan izan dituzte goizeko ekitaldi instituzionalean. Bakartxo Tejeria Legebiltzarreko presidentearekin batera, EAJko, EH Bilduko, PSEko eta Elkarrekin Podemoseko legebiltzarkideak izan dira biktimen aldeko omenaldi xumean.  Eusko Jaurlaritzako lehendakari Iñigo Urkulluk eta gobernuko sailburu guztiek ere parte hartu dute legebiltzarraren atarian egindako ekitaldian. PPko ordezkariek, ohi bezala, ez dute parte hartu, biktimak parekatzen dituela iritzita. 

Azaroaren 10ean izaten da Memoriaren Eguna, baina aurten Espainiako Gorteetarako hauteskundeak egun horretan izan direnez, Eusko Legebiltzarrak gaur arte atzeratu du ekitaldi instituzionala. 2010ean, Eusko Legebiltzarrak azaroaren 10a aukeratu zuen biktimak omentzeko, hain justu, euskal gatazkan ez alde bateko eta ez besteko biktimarik egon ez den eguna delako. Ordutik, ez da inoiz erabateko kontsentsurik egon biktima guztiei gorazarre egiteko, batez ere PPk alboratu egin duelako ETArenak ez diren gainerako biktimak gogoratzea. Aurten ere PPkoek beren kabuz omendu dituzte ETAren biktimak; astelehenean egin zuten, Gasteizen.

Goizeko 9etan egin dute Eusko Legebiltzarreko omenaldia. Ateak zabalik egin da, eta biktimen aldeko oroitarriaren inguruan bildu dira ordezkari politikoak. Su ontzia piztuta, isilik eta lore zuriekin gogoratu dituzte biktima guztiak.

Ekitaldian ez da irakurri inolako adierazpenik, baina, amaitutakoan, EAJk ohar bat bidali du aldarrikatzeko biktima guztiek merezi dituztela oroimena eta duintasuna, "bazterketarik eta parekotasunik gabe".  EAJk oharrean eskatu du "iraganeko akatsak" ez betikotzeko eta "memoria kritikoa eta iraganaren justifikaziorik gabea eraikitzea".

Sakabanaketak hildakoak

Eusko Legebiltzarraren ekitalditik metro gutxi batzuetara, Etxerat elkarteak elkarretaratze bat egin du, sakabanaketa politikaren ondorioz hildako hamasei senideen eta lagunen «memoria eta aitortza» aldarrikatzeko. EH Bilduko legebiltzarkideek ere parte hartu dute bilkuran, hamasei hildakoen omenez paratutako panelaren aurrean beste hainbeste arrosa gorri jarrita.  Etxeraten elkarretaratzean parte hartu dutenek txalo artean eskertu dute elkartasun keinua.

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 24ko datuekin eguneratua. ©BERRIA

Koronabirusaren azken datuak

Berria

Azkeneko 24 orduetan ez da hildakorik izan, 23 positibo berri detektatu dituzte PCR probekin, eta hiru gaixo ospitaleratu dituzte. Euskal Herrian 28.474 gaixok eman dute positibo guztira, koronabirusa atzemateko probaren bat eginda. Horietatik 2.013 hil dira. Grafikoak, albiste barruan.

Ordiziako institutua hutsik, aurreko astean. ©Jon Urbe / Foku

Ikasgeletara itzuliko dira gaur Araba, Bizkai eta Gipuzkoan

Berria

DBHko laugarren mailako ikasleak, batxilergoko bigarren mailakoak eta lanbide heziketako bigarren mailakoak izango dira lehenak. Halere, ez da presentzia handirik espero. Eusko Jaurlaritzako Hezkuntza Sailaren arabera, lanbide heziketako zentroen %20 inguruk irekiko ditu ateak.

Bihar irekiko dituzte hondartzak Donostian. Argazkian, atzo. / ©Juan Carlos Ruiz, Foku

Bigarren faserako jakin beharrekoak

Jon Ordoñez Garmendia

Gaurtik aurrera araudi berri bat dago indarrean Hego Euskal Herrian eta ordutegiei, saltokiei, taberna eta jatetxeei, hezkuntza zentroei, kirola jarduerei, eta igerileku eta hondartzei eragingo die.

Zaintzaile bat adineko pertsona bati eskua ematen. ©BRAIS LORENZO / EFE

Hauskor azaldu da

A. Iraola - M. Peruarena Ansa

Krisiaren hasieratik jakina zen COVID-19ak gogor erasaten diela adineko pertsonei; edadekoen zentroetan izan diren heriotza ugariek agerian utzi dituzte egoitzen sistemaren inguruko hainbat gabezia, eta galderak sortu dituzte toki horietan egoiliarrek jasotzen duten osasun artaren inguruan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna