EAE-ko Estatutu Berria

Urkulluk uste du "sentimenduak modulatu" behar direla "akordioak zabaltzeko"

EAEko estatus politiko berriak "bizikidetza esparru berritua" eskaini beharko lukeela esan du Eusko Jaurlaritzako lehendakariak, kontrol saioan. Aditu taldeak astelehenean utziko du testu artikulatua Eusko Legebiltzarrean.

Iñigo Urkullu lehendakaria, gaurko saioan
Iñigo Urkullu lehendakaria, gaurko saioan David Aguilar/ Efe

Edurne Begiristain -

2019ko azaroak 29

Atzo amaitu zituen lanak Arabako, Bizkaiko eta Gipuzkoako estatus politikoari testu artikulatuaren forma eman behar dion aditu taldeak, eta datorren astelehenean utziko du txosten osoa Eusko Legebiltzarrean. Ofizialki orduan jakingo da txosten horren edukia, baina honezkero filtrazioen bidez jakin da lan horrek nola jasoko duen erabaki eskubidea. Hiru formulazio proposamenarekin egingo duela jakin du Berria-k.

PPko Alfonso Alonsok Eusko Legebiltzarreko kontrol saiora eraman du gaur goizean gaia, eta lehendakariari eskatu dio aditu taldearen lanari buruzko balorazioa egiteko. Izan ere, Alonso "oso kezkatuta" agertu da aditu taldeak egindako lanarekin, bere ustez "Ibarretxe Plan berri bat" izango delako eta "kale itsu" batera eramango duelako.

Lehendakariak gogoratu du EAEko estatutuaren erreforma ez dela amaituko aditu taldearen lanekin, eta astelehenetik aurrera taldeen egiteko nagusia izango  dela "adostasunak zabaltzea". "Beharrezkoa izango da sentimenduak modulatzea adostasunak zabaltzeko", ohartarazi du Urkulluk.  Lehendakariaren ustez, estatus politiko berriak "bizikidetza esparru berritua" eskaini beharko lioke euskal gizarteari, eta horretarako, alderdiei "errealismoz eta erantzukizunez" lan egitea eskatu die. "Lortutako akordioen gainean eraiki behar da eta desadostasunetan akordioak lortu behar dira", esan du.

EAJ eta inbestidura

Idoia Mendia PSE-EEko idazkari nagusia elkarrizketatu dute gaur goizean irrati kate batean, eta estatus politiko berriaz mintzatu da. Adierazi du EAJk erabakitzeko eskubidea babesteak ez duela oztopatuko Espainiako Gobernuko inbestidurarako negoziaketa. Estatutuaren erreformaren lanak hastapenetan daudela eta oraindik "bide luzea" geratzen dela azpimarratu du Mendiak, baina ziur da ez dela "fronte subiranista" bat sortuko. PSEko buruak gogoratu du EAJ-PSE gobernu akordioan jasota dagoela gobernuak ez parte hartzea estatutuaren erreforma batean, eta lan hori legebiltzarraren esku uztea. 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Bi pertsona maskarak soinean daramatzatela, autobusean. ©JUAN CARLOS RUIZ / FOKU

Lau gako asintomatikotasunaz

Arantxa Iraola

Kutsatu guztiek ez dituzte izaten sintomak. Adituek diote COVID-19an positibo emandakoen erdiek-edo, birusa izan arren, ez dutela batere sintomarik. Horrek zaildu egiten du izurriaren kontrola.

Ikasgela huts bat, artxiboko irudi batean. ©Jon Urbe, FOKU

Beste hamabost ikasgela itxi ditu Jaurlaritzak

Uxue Rey Gorraiz

Eusko Jaurlaritzak esan du 280 ikasgela daudela bakartuta Arabako, Bizkaiko eta Gipuzkoako hezkuntza sisteman, pandemiarengatik.

Sindikatuek jantoki zerbitzua bermatzeko egindako elkarretaratze bat, artxiboko irudian ©luis jauregialtzo / foku

Hezkuntza Sailak 630 langile kontratatu ditu jantokietarako

Irati Urdalleta Lete

EHIGEren iritziz, ez da nahikoa Arabako, Bizkaiako eta Gipuzkoako eskola publikoetako jantokietarako 630 langile kontratatzea. Hezkuntza Sailak ez du jardunaldi jarraitua ezarriko Haur Hezkuntzako eta lehen Hezkuntzako ikasleentzat.

PCR probak, Urdulizko ospitalean. ©Aritz Loiola, FOKU

Positibo gutxiago atzeman dira

Uxue Rey Gorraiz

Beste 679 detektatu dituzte Hego Euskal Herrian, eta apaldu egin da ospitaleratuen kopurua: 42 lagun sartu dituzte erietxean azken egunean. 72 gaixo daude ZIUetan. Gizonezko bat hil da, Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna