Albistea entzun

zubietako erraustegia

Lau lagun epaituko dituzte, iaz Zubietako erraustegira egindako martxa batean parte hartzea egotzita

Desordena publikoak eragitea egozten diete. Erraustegiaren Aurkako Mugimenduak mobilizazioetara deitu ditu, epaituei elkartasuna adierazteko.

Iaz erraustegira egindako martxa
Iaz erraustegira egindako martxa Berria Tamaina handiagoan ikusi

Irati Urdalleta Lete -

2019ko azaroak 29

Iazko irailean Zubietako erraustegira egindako martxa baten harira, lau pertsona epaituko dituzte, desordena publikoak egitea egotzita. Horietako bi Zubietakoak (Gipuzkoa) dira, bat Lasarte-Oriakoa (Gipuzkoa) eta bestea Donostiakoa.

Erraustegiaren Aurkako Mugimenduak salatu duenez, Ertzaintzak indarkeria erabili zuen egun hartan, era «baketsuan» protestan ari ziren herritarren aurka. «Erraustegien aurka mundu osoko 900 elkarte biltzen dituen GAIA aliantzak ere Ertzaintzaren bortizkeria salatu zuen», gaineratu dute.

Lau pertsona horiek epaitegietara deituz, Eusko Jaurlaritzak eta Gipuzkoako Foru Aldundiak herritarrak «beldurtu» nahi dituztela nabarmendu du Erraustegiaren Aurkako Mugimenduak: «Protesta sozial erabat zilegia kriminalizatzeko ahalegina da». Borrokan jarraitzeko konpromisoa ere hartu dute, indarkeriarik gabe, baina «ereduen talka» eraginez: «Etsita eta etxean nahi gaituzten arren, protestan jarraituko dugu».

Epaiketarako zitazioa jaso duten herritarrei elkartasuna adierazteko mobilizazioak egingo dituzte. Hain zuzen, Donostiako, epaitegiaren aurrean elkartuko dira, abenduaren 4an, 11:00etan eta abenduaren 9an eta urtarrilaren 9an, 10:30ean, Egian.

Albiste hau Zubietako erraustegian suzko proben hasieraren biharamunean dator. Izan ere, atzo hasi ziren lehenengo aldiz zaborra erretzen, probetan. Erraustegiarekin «zaborraren arazoa» konpondu beharrean, «beste arazo larri bat» sortu dela sentitzen dute, eta hurrengo belaunaldiei eta inguruan bizi diren milaka eta milaka herritarrei «modu larrian» eragingo diela. «Protesta sozialen aurkako epaiketen gainetik, guk argi dugu: erraustegirik ez!», gaineratu dute.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Avanzako langileek segurtasun neurriak eskatzeko egindako mobilizazioa. ©HITZA

Falta duten segurtasunaren bila

Beñat Alberdi, Gipuzkoako Hitza

Lurraldebuseko langileak geldialdiak egiten hasi dira astean bi aldiz. Segurtasuna bermatzeko neurri hobeak eskatu dituzte, gauetako txandetan ez ezik, aste osoan ere bai.

Elhadji Ndiaye omentzeko ekitaldia, Iruñeko Arrotxapea auzoan, iaz. ©JESUS DIGES / EFE

ESPALOIAN ITOTAKO BIZITZA

Ion Orzaiz

Duela bost urte, 2016ko urriaren 25ean, Elhadji Ndiaye senegaldarra zendu zen, Espainiako Poliziaren zaintzapean, Iruñean. Atxiloketa bortitz baten ostean konfirmatu zuten hila zela. Poliziaren jokabide arrazisten ondorio dela uste dute Ndiayeren lagunek eta gobernuz kanpoko erakundeek.
Egonkorrak bilakatu dira Ipar eta Hego Euskal Herriaren artean Frantziako indar armatuek egiten dituzten kontrolak. ©BOB EDME

Sistemaren belauna lepoan

Oihana Teyseyre Koskarat - Jone Arruabarrena - Ion Orzaiz -Javi West Larrañaga

Migratzaileen aurkako jazarpena fenomeno orokortua da Euskal Herrian. Adituek eta gobernuz kanpoko erakundeek salatu dute Poliziak «sistematikoki» erabiltzen duela bortxa pertsona arrazializatuen aurka.
 ©BERRIA

«Polizia, nahitaez, giltzarri da gizarte arrazista iraunarazteko»

Maite Asensio Lozano

Segurtasunaren zein mehatxuen inguruan zabaltzen diren ideiak «eraikuntza politikotzat» dauzka Douhaibik; horrekin lotu ditu kolektibo arrazializatuen aurkako kriminalizazioa eta jazarpen poliziala.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.