'De Miguel auzia'

Zenbat De Miguel daude?

 

Enekoitz Telleria Sarriegi -

2019ko abenduak 17

Tamainako matazarik ez da sortzen hura harilkatzen laguntzen duen sistemarik gabe. De Miguel auzian izenak epaitu omen dira, eta neur dezala nahi duenak matazaren tamaina izen horiei jarritako zigorretan, baina auzitan jarri dena —beharko litzatekeena— sistema oso bat da. Batzuek «legez kanpoko sarea» deitu diote —epaiak ere halaxe dio— eta beste batzuek laster egin diote ihes horri, esanez haiek ez dituztela baliatu sare horrek legez kanpo lortutakoak. Kontuan izan gabe ez legokeela sarerik haren sorrera baliatuko ez lukeen sistemarik gabe. Ustel kiratsa sartzeko zirrikiturik ez, horiek sartzeko eta sortzeko aukerarik eman eta sortu gabe.

Mesede, eskari, truke eta inpunitate jardun oso bat jarri behar da auzitan. Urteen poderioz eraikia, eta atzean beti irabazlearen babesa izateak ematen duen lasaitasunez, zigorgabetasunez eta gehiegikeriez josia —publikoak diren tokietan eta publikoak diren mezu elektroniko, kontu eta barrunbeetatik modu nabarmenean eta ezkutatzeko batere beharrik gabe arituz—. Sare bat bai, baina sistema jakin batek eta aritzeko modu jakin batek baimendua. Inpunitate eta zigorgabetasun jardun hori izan baita -keria guztien sorburua. Deitu agintekeria, deitu boterekeria, deitu gizonkeria... Emakumezko baten salaketak atera zuen auzia argitara (Ainhoa Alberdi enpresariak), eta ez ahaztu De Miguelek berak salaketa jarri zuen emakumezkoaren aitari —EAJko militante ezaguna bera— bazkari baten bueltan eta ohartarazpen modura esan ziona: «Zure alabak nahaspila handi samar batean sartu behar nau». Eta egin kontu auzipetu nagusiak absolbitu egin dituztela azkenean hertsatze delitutik.

Eta esan(go) dute pertsona gutxi batzuen jarduna izan dela, jeltzaleen «balio etikoen» aurka aritu zirela, eta «beren interesen alde». Eta esan(go) dute neurriak garaiz hartu zituztela haiek: alderdiaren karnetak kendu, bakartu, albo batera utzi... Eta eskatu(ko) diote barkamena «euskal gizarteari». Eta esan(go) dute haiek ez zirela sareaz baliatu, esan gabe sarea haien sistemaz baliatu zela. Egitura oso batez. Urteetan jositako matazaz, hari mutur bati tira egin eta oraindik gehiago kiribiltzen den horretaz. Batzuek gustura onartu eta besteek ez dutela eman dioten horretaz. Alegia, babesaz.

Galdera ez baita zenbat urtekoak diren De Miguel auziko zigorrak. Galdera baita zenbat De Miguel dauden sistema horretan.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Basurtuko erietxearen kanpo aldean ostiralean hasi ziren PCR probak egiten. ©JAVIER ZORRILLA / EFE

Berriro ere berrehun positibo baino gehiago egun bakarrean: 255

Mikel P. Ansa

Bezperan baino 39 kasu gutxiago detektatu dituzte azkeneko 24 orduetan, baina berrehuneko langatik gora jarraitzen dute eguneko kasu berriek. Nafarroak osasun arreta indartuko du.

Emakume bat Zisjordaniako Bani Naim herrian maskarak saltzen, hil hasierako irudi batean. ©ABED AL HASHLAMOUN / EFE

Palestinako kasuek gora jarraitzen dute, neurriak gogortu arren

Ander Perez Zala

PANek 11.000 positibo baino gehiago baieztatu ditu, eta haren diru sarrerak %80 txikitu dira

Adinekoen aldeko mezua. ©L. J / FOKU

Eguneko zentroak berriz martxan ipiniko dituzte

Berria

Orain bi aste, COVID-19aren kasuen igoerak arduratuta, eguneko zentroak ixtea komeni zela jakinarazi zuen Eusko Jaurlaritzako Osasun Sailak.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna