Eskozia

Johnsonek ukatu egin dizkio Eskoziari bigarren independentzia erreferenduma egiteko eskumenak

Sturgeonek adierazi du Erresuma Batuko Gobernua «demokrazia blokeatzen» ari dela, eta beste galdeketarik ez onartzea bere buruaren aurka aritzea dela.

Johnson hitzaldi batean, atzo, Ipar Irlandako parlamentuan.
Johnson hitzaldi batean, atzo, Ipar Irlandako parlamentuan. Mark Marlow / EFE Tamaina handiagoan ikusi

Andoni Imaz -

2020ko urtarrilak 14

Eskozian ez da bigarren independentzia erreferendumik egingo datozen urteetan, ez behintzat Boris Johnson Erresuma Batuko lehen ministro den artean. Johnsonek gutun bat bidali dio gaur Nicola Sturgeon Eskoziako lehen ministro eta SNP Eskoziako Alderdi Nazionaleko buruari, esateko Westminsterko parlamentuak ez duela baimenik emango galdeketa egiteko eskumenak eskualdatzeko. Sturgeonek abenduan eskatu zizkion eskumenak, uste baitu «egiazko aldaketa esanguratsuak» izan direla 2014ko independentzia erreferendumetik hona. Haren esanetan, «toryei izua ematen die Eskoziak bere etorkizuna aukeratzeko eskubidea izateak».

Johnsonek Sturgeoni esan dio 2014ko erreferenduma egin zutenean Eskoziako agintariek «hitzeman» zutela «belaunaldi batean behin» egingo zutela galdeketa, eta hark «Eskoziako herritarren erabaki demokratikoa errespetatu» behar duela: «Beste independentzia erreferendum batek Eskozian azken hamarkadetan izan den geldialdi politikoa luzatuko luke», idatzi du. Twitterren nabarmendu du «elkarrekin» lan egiteko garaia dela, eta 2020. urteak garrantzi handia izango duela herrialdearentzat. Erresuma Batua urtarrilaren 31n irtengo da EB Europako Batasunetik.

Sturgeonek ere Twitter bidez erantzun dio. Haren ustean, Johnson «demokrazia blokeatzen» ari da, badakielako galdeketa eginez gero eskoziar gehienek independentziaren alde bozkatuko luketela. SNPko buruak esan du Londresek ezin duela trabarik jarri Eskoziak bere etorkizuna erabakitzeko egingo duen bidean. Sturgeonek uste du Johnsonen jarrerak independentismoa hauspotuko duela, eta Alderdi Kontserbadoreari kalte egingo diola: «Erresuma Batuko Gobernuak hartu duen erabakia bere buruaren kontrakoa da». Adierazi du urrats gehiago egingo dituztela, eta Eskoziako Parlamentuari eskatuko diotela galdeketa babesteko.

Iragan larunbatean, 100.000 lagun atera ziren kalera Glasgown, independentzia eske. All Under One Banner (Denok Bandera Bera) Eskoziako mugimendu independentistak zortzi mobilizazio antolatu ditu 2020rako, Johnsoni presio egiteko, eta hura izan zen lehenengo ekintza.

Eskozian 2014an egin zuten independentziari buruzko lehen erreferenduma, eta hautesleen %55ek Erresuma Batuan jarraitzearen alde egin zuten. Bi urte geroago, herritarren %62k brexit-aren aurka bozkatu zuten, eta SNP bera EBtik irtetearen aurka agertu da. Hori dela eta, Sturgeonek iragarri zuen ezen, kontserbadoreek irabazi eta akordioak aurrera egiten bazuen, beste erreferendum bat egingo zutela 2020an.

2016tik hona, Eskoziako lehen ministroa bere alderdiak hauteskundeetan izan dituen emaitzetan oinarritu da beste galdeketa bat egiteko beharra dagoela argudiatzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Murga eta Tapia jarduneko sailburuak, gaur, Eusko Jaurlaritzaren Bilboko egoitzan. ©Javier Zorrilla / Efe

Eusko Jaurlaritzak neurri murriztaileak ezarriko ditu pilaketarik ez sortzeko

Andoni Imaz

Tapia jarduneko sailburuak adierazi du «agertoki berri bat» iritsiko dela, eta osasun larrialdia ezartzeak ez duela esan nahi iragan hilabeteetako neurriak hartuko dituztenik. Jendea ez pilatzeko, edukiera murriztuko dute zenbait lekutan, eta ordutegiak mugatuko dituzte.

Bilboko Zorrozgoiti zahar etxeko egoiliar bat, atzo. ©MIGUEL TOÑA / EFE

Etsipena, beldurra eta nekea zahar etxeetan

Aloña Beraza Peña

Zahar etxeetako kutsatzeek gorakada nabarmena izan dute azken asteetan, eta langileak beldur dira ez ote diren itzuliko gaitzaren lehenengo olatuko egoerara. Egoiliarren artean ere kezka da nagusi.

Salvador Illa Espainiako Osasun ministroa, atzoko agerraldian. ©CHEMA MOYA / EFE

Jaurlaritzak osasun larrialdia ezarriko du astelehenetik aurrera

Irati Urdalleta Lete - Olatz Esteban Ezkati

Tapia eta Murga sailburuek gaurko agerraldian emango dituzte xehetasunak. Madrilek hartu ditu lehen neurriak, egoera epidemiologikoak okerrera egin duela eta: tabernek 01:00ean itxi beharko dute, eta gauerditik aurrera ezingo da bezero gehiagorik sartu. Kalean erretzea ere debekatuta egongo da, bi metroko tartea bermatu ezin bada.

 ©ARITZ LOIOLA / FOKU

«Martxoko egun zailenetan PCRak orain bezala eginda, 6.000 kasu izango genituen»

Maite Asensio Lozano

Pandemiaren jarraipena egiten ari den lantaldeari esker COVID-19aren transmisioa moteldu egin dela uste du Ignacio Garitano epidemiologoak. Bigarren olatua iritsi dela berretsi du, baina orain askoz positibo gehiago detektatzen direla nabarmendu du.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna