INDARKERIA MATXISTA

Gizonezko bat atxilotu dute Donostian emakume bati sexu abusuak egitea egotzita

Jaurlaritzako segurtasun sailak azaldu du gizonezkoak «izaera sexualeko ukituak» egin zizkiola andrezkoari. Ertzaintzak atxilotu zuen, eta gaur jarri dute epailearen eskuetan.

Sexu erasoen aurkako elkarretaratzea Orkoienen (Nafarroa) Jagoba Manterola / FOKU Tamaina handiagoan ikusi

Amaia Ramirez de Okariz Kortabarria -

2020ko urtarrilak 16

Atzo eguerdian 40 urteko gizonezko bat atxilotu zuten Donostiako Egia auzoan, emakume bati sexu abusuak egitea egotzita. Eusko Jaurlaritzako segurtasun sailak jakinarazi duenez, gizonezkoak «izaera sexualeko ukituak» egin zizkion emakumeari, eta jarrera «lizuna» izan zuen. Emakumeak gizonezkoari izan zituen jarrerak aurpegiratu zizkion, eta abisu eman zion Ertzaintzari.

Donostiako Mandasko dukearen pasealekuan atxilotu zuen poliziak ustezko erasotzailea, abisua jaso eta gutxira. Atxilotuak aurrekariak zituen hainbat deliturengatik. Gaur goizean jarri dute epailearen eskuetan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna