OSAKIDETZA

Osakidetzak oposizioetako beste bi adarretako esleipenak etengo ditu, kautela neurri gisa

Neurofisiologiako eta neurokirurgiako adarrak ikertuko ditu Gasteizko 2.Instrukzio Epaitegiak, ESK sindikatuak egindako salaketa abiapuntutzat hartuta. Hilaren 21ean, asteartea, epailearen aurrean deklaratu beharko dute Bilbo-Basurtuko ospitaleko neurologia zerbitzuetako buruak eta Arabako neurofisiologia zerbitzuetako buruak.

Osakidetzako lan eskaintza publikoko azterketa, BECen (Barakaldo, Bizkaia)
Osakidetzako lan eskaintza publikoko azterketa, BECen (Barakaldo, Bizkaia) Marisol Ramirez / FOKU Tamaina handiagoan ikusi

Amaia Ramirez de Okariz Kortabarria -

2020ko urtarrilak 16

Gasteizko 2.Instrukzio Epaitegiak Osakidetzako oposizioetako neurofisiologiako eta neurokirurgiako adarrak ikertuko ditu, eta, Eusko Jaurlaritzako Osasun sailak ohartarazi duenez, epaitegiaren baieztapen ofiziala jaso du. Adierazi duenez, jada abian jarri du oposizioetako lan eskaintza publikoak eteteko prozesua, «kautelazko neurri gisa». Hain zuzen ere, joan den azaroaren 25ean ESK sindikatuak epaitegiari eskatu zion azter zitzala bi adar horietan egondako ustezko filtrazioak, eta, abenduan, epaitegiak onartu egin zuen eskaria; egun, hamahiru espezialitate daude ikerketapean. Jakinarazi dute datozen egunetan argitaratuko dutela erabakiaren gaineko informazioa Araba, Bizkai eta Gipuzkoako aldizkari ofizialean.

Jose Antonio Elexpuru Bilbo-Basurtuko ospitaleko neurologia zerbitzuetako buruak eta Eduvigis Alvarez Arabako neurofisiologia zerbitzuetako buruak deklaratu beharko dute epailearen aurrean. Patxi Nicolau ESK-ko ordezkariak jakinarazi duenez, astearte goizean, hilaren 21ean, igaro beharko dute bi zerbitzuetako buruek epailearen aurretik. Zigortuak izanez gero, hiru urte arteko kartzela zigorra eta hiru eta bost urte arteko inhabilitazioa ezarri diezazkiokete.

Justiziaren lana

Nicolauk nabarmendu du «poztekoa» dela justiziak Osakidetzako 2016. eta 2017. urteetako lan eskaintza publikoko ustezko filtrazioen gainean egin duen ikerketa, eta gaineratu du hark erakutsiko duela sindikatua ez dagoela «oker». Aldi berean, Osakidetzak ia azken bi urteetan izan duen jarrera ere salatu du: «Osakidetzaren eta Osasun sailaren ardura da gertaera hauen gaineko salaketak ikertzea; ez dute beren lana egin». Areago, dei egin die oposizioetako «bezero sistemarekin» amaitzeko.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Iruñeko Erruki Etxea Nafarroako zahar etxe handiena da eta han pandemiak eragin handia izan du ©Iñigo Uriz

Zahar etxeen tamaina eta kokagunea faktore erabakigarriak izan dira COVID-19aren eraginean

Berria

Nafarroako Gizarte Errealitatearen Behatokiak lurraldeko 74 zahar etxeetan eta 14 menpekotasun zentroetan pandemiaren olatuak izandako ondorioak ikuskatu ditu txosten batean, eta hainbat gomendio eman dizkio gobernuari.

Arrauntzeko eskola. Artxiboko irudia. ©Bob Edme

Miarritzeko Andre Maria eskola hetsi dute

Oihana Teyseyre Koskarat

Irakasle batek positibo eman du PCR proban. Pirinio Atlantikoetako departamenduko prefeturak erabaki du eskola hestea.

Boris Johnson, rresuma Batuko lehen ministroa, gobernu bilera baino lehen./ ©Neil Hall, EFE

Londresek murrizketa gehiago iragarriko ditu kutsatzeak eragozteko

Arantxa Elizegi Egilegor

Aurreratu dituzten neurrien artean dago tabernak lehenago ixtea eta telelana sustatzea.

Ikasle batzuk, Nafarroako ikasgela batean, ikasturteko lehen egunean. ©IDOIA ZABALETA / FOKU

Itzuli orduko, berriz etxera

Irati Urdalleta Lete

Hego Euskal Herrian, 205 eskolatako 348 talde daude bakartuta. Ikastetxeek, besteak beste, ordezkapenak, irakasleentzako PCRak eta protokolo zehatzak eskatu dituzte

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna