Libiako kostaldean egin ditu erreskate guztiak Ocean Viking itsasontziak. Azken 72 orduetan, bost ontzitan zihoazen 407 pertsona atera dituzte uretatik; azken biak Maltako uretan topatu dituzte. Orain haiek porturatzeko toki seguru baten bila dabil Mugarik Gabeko Medikuen eta SOS Mediterranee erakundearen itsasontzia.
6⃣ 27 gen 10:49
— Sergio Scandura (@scandura) January 27, 2020
184 persone salvate in nottata, due eventi SAR: 102+82.
5 operazioni notturne in meno di 72 ore:
🔻 407 naufraghi a bordo di #OceanViking, fuggiti dagli "orrori inimmaginabili della Libia" (cit. ONU), in attesa di un POS di sbarco.https://t.co/BJtylf6T82pic.twitter.com/SexQKLU8Nh
Iheslarientzako Nazio Batuen Goi Mandatariaren arabera, urtea hasi zenetik hirurogei pertsona baino gehiago hil dira itsasoz Europara heldu nahian. Nazio Batuen Erakundeak eta gobernuz kanpoko erakundeek eskatu diote EBri antola dezala prozedura bat erreskatatutako migratzaileak modu seguru eta azkarrean porturatu ahal izateko.
IOM Nazioarteko Migrazio Erakundea zenbaketa egiten hasi zenetik, 33.686 iheslari hil dira munduan. Erakunde horren kalkuluen arabera, azken 25 urteetan 75.000 lagun hil dira zeharkaldietan, horietatik 40.000 Mediterraneoan.
