Albistea entzun

Zentsura

Pirritx, Porrotx eta Marimototsek Oteitzan egingo dute Lizarran zentsuratu zieten ikuskizuna

Navarra Sumako alkateak herriko kiroldegia ukatu zien Lizarrako euskaltzaleei, eta beste leku bat bilatu behar izan dute.

Pirritx, orrotx eta Marimototsen 'izi dantza' ikuskizuna.
Pirritx, orrotx eta Marimototsen 'izi dantza' ikuskizuna. Iñigo Uriz / Foku Tamaina handiagoan ikusi

Berria -

2020ko urtarrilak 29

Lizarran egiten utzi ez zietena Oteitzan (Nafarroa) egingo dute, handik 11 bat kilometrora. Lizarrako Garean euskaltzale elkarteak iragarri du Pirritx, Porrotx eta Marimototsen Bizi Dantza ikuskizuna otsailaren 5ean egingo dutela, Oteitzako Iturtxipia kiroldegian, 17:30ean. Navarra Sumaren esku dago Lizarrako Udala, eta ikuskizuna herriko kiroldegian egiteko baimena ukatu zion elkarteari, hamar urteotan han egin badute ere.

Ikuskizuna otsailaren 5ean egin egingo zela hitzeman zuen elkarteak orduan, eta beste leku baten bila hasi ziren. Denbora gutxi eduki arren, bilaketa ondo amaitu da. «Garean elkarteak eskerrik beroena eman nahi dio Oteitzako Udalari eta herriari, besteak beste horren epe estuarekin Elkartearen eskaera begi onez hartu duelako». Horrez gain, Lizarrako euskaltzaleek eskerrak eman dizkie egunotan elkartasuna adierazi dietenei. «Elkartasuna gure inguru hurbiletik haratago joan da; izan ere, Gaztea irratian Maddalen Arzallusek Maite zaitut kantaren bertsio bat egin du eta Lizarraraino bidali ditu bere maitasun adierazpenak».

Lizarrako eta inguruko jendea Oteitzara joan ahal izateko, trafikoa eta aparkalekua antolatuko du elkarteak. La Estellesa konpainiaren autobus zerbitzua ere badagoela gogoratu dute: Oteitzara joateko, 16:15ean Lizarratik, eta, Oteitzatik itzultzeko, berriz, 18:45 eta 19:45ean. Sarrerak salgai daude dagoeneko.

Navarra Sumaren zentsura

Elkarteak urriaren 31n egin zuten eskaera ofiziala Udaleko erregistroan, urtero egiten duen legez. Aurrematrikulazio garaian egiten du emanaldia elkarteak, gurasoak animatzeko haurrak euskal ereduetan matrikulatzera. Dagoeneko hamaika urtez egin dute emanaldia, eta horietako azken hamarrak Lizarrerria kiroldegian. Emanaldi bakoitzean 700 ikusle inguru bildu dituzte azken urteotan. Lizarrak 13.800 biztanle pasatxo ditu.

Baina Gonzalo Fuentes Urriza buru duen udalak ukatu egin zien kiroldegia otsailaren 4an eta 5ean, «kirol entrenamenduak» zeudela argudiatuta. Elkarteak esan zuenez, kiroldegia kudeatzen duen enpresak eta han entrenatzen diren kirol taldeek ez zuten inolako eragozpenik jaso.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

COVID-19a: urtebete gure artean

Izurri arorako lezioa

Arantxa Iraola

Zientzia ezinbestekoa izan da COVID-19a ulertzeko. Miren Basaras, Izortze Santin eta Ana Galarraga batu zituen BERRIAk 'online' solasaldi batean, ikasteko, ikasitakoa kontatzeko eta azken lezioak esplikatzeko; sarean dago.

Marienea barruko mural bat. ©Marienea

Eragiteko topagunea

Natalia Salazar Orbe - Bizkaiko Hitza

Hainbat herritan emakumeen etxeak sortzen ari dira. Portugaleten, esaterako, emakumeen ahalduntzea eta ahizpatasuna helburu nagusi dituen leku bat osatzen ari dira. Galdakaon, erreferentziazko toki bat eratu nahi dute.

Jendea paseatzen, Bilbon, iazko maiatzean. ©LUIS TEJIDO / EFE

HAMAIKA BIDE EBAKI DITU

Edurne Begiristain-Mikel P.Ansa

Gaur urtebete da SARS-CoV-2 birusaren lehen kasuak atzeman zirela Euskal Herrian. Lehen kasu haien ondorengo erauntsiak milaka lagunen bizitza jo du: birusaren ondorioz, 5.000 lagun hil dira, eta 20.000 inguru ospitaleratu behar izan dituzte. Urtebetean, hamaika bizitza zeharkatu ditu gaitzak.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna