Albistea entzun

Merkataritza

Muga zergarik gabeko itun bat eskaini dio EBk Erresuma Batuari

Bruselak Boris Jonhsoni ohartarazi dio ezinbesteko baldintza dela arrantzari buruz ados jartzea.

Michel Barnier EBko negoziatzailea, gaur, Bruselan.
Michel Barnier EBko negoziatzailea, gaur, Bruselan. Olivier Hoslet / Efe Tamaina handiagoan ikusi

Iker Aranburu -

2020ko otsailak 3 13:31

Erresuma Batua ofizialki Europako Batasunetik atera den arren, bi aldeek oraindik finkatzeke dute zer harreman izango duten etorkizunean. Europako Batzordeak espero du harreman ekonomiko estua izaten jarraituko dutela, baina Londresi ohartarazi dio gauzak ez direla orain arte bezalakoak izango. «Batasunik estuena lehen genuena zen. Harremanik onena EBko kide izatea da», ziurtatu du Michel Barnier EBko negoziatzaileak gaur, Bruselan.

Europako Batzordea prest dago bilerak aurki hasteko. Londresek gogoko duen proposamen bat egingo du: merkataritza libreko akordio bat EBren eta Erresuma Batuaren artean. Hau da, alde bateko produktuei muga zergak ez jartzea beste aldeak, eta kuotarik ez izatea.

Produktuei ez ezik, zerbitzu batzuei ere eragingo lioke itun horrek, hala nola telekomunikazioei, ingurumen zerbitzuei, merkataritza digitalari, jabetza intelektualari eta kontratazio publikoei.

Antzeko jokalekua

Baina itun horren truke EBk jarritako baldintzak ziur aski ez dira Johnsonen hain gustuko izango. Lehenengo baldintza da aurrerantzean EBk eta Erresuma Batuak «lehia irekia eta bidezkoa» izan behar dutela. Hau da, Erresuma Batuak ezingo dituela ingurumenari, langileen eskubideei, higieneari eta ekoizpenerako beste gutxieneko arauak bigundu askoz merkeago produzitu ahal izateko. Bruselak «level playing field» esamoldea darabil arlo horretan, hots, bi aldeek jokaleku antzekoa izan behar dutela. «Luzera begira, baldintzen berdintasuna bermatu behar dugu. Horrek esan nahi du maila sozialean, ingurumenekoan, zerga kontuetan edo estatuko laguntzen arloan ditugun estandarrak» errespetatu beharko dituela Erresuma Batuak. Kontu horretan, Ursula von der Leyen Europako Batzordeko lehendakariak egindako oharra errepikatu du Barnierrek: EBren arauak zenbat eta gehiago onartu, orduan eta sarbide handiagoa izango du Erresuma Batuak Europako Batasuneko merkatu bakarrean.

Baliteke baldintza horrek arazoak sortzea, Johnsonek dagoeneko iragarri baitu ez dagoela prest EBren estandarrak onartzeko, eta arau propioak bilatuko dituela. Erresuma Batuko lehen ministroak ere azaldu ditu negoziazioari begira dituzten lehentasunak: EBk Kanadarekin sinatutako CETA merkataritza itunaren antzeko bat nahi du. Baina argi erantzun dio Bruselari: halako akordio batek «ez du derrigorrezkoa egiten» EBren arau guztiak bete behar izatea.

Arrantza

Bruselaren bigarren baldintzak ere negoziazio arantzatsua iragartzen du: EBk nahi du aldaketarik ez izatea arrantza kontuetan. Hau da, batasuneko arrantzaleek Ingalaterrako eta Eskoziako kala oparoetan arrantzatzen jarraitu ahal izatea, eta, trukean, britainiarrek bere arrainak eta itsaskiak EBko merkatuetan libre saldu ahal izatea —hara doa orain beren ekoizpenaren zatirik handiena—. Baldintza horren arazoa da brexitzaleen aldarrikapen nagusietako bat izan dela uren gaineko kontrola berreskuratzea. Horregatik, Ingalaterran ez ezik Eskozian ere bai, arrantzaleak brexit-aren aldekoak izan dira oro har.

Arrantzari buruz hitz egin du Johnsonek ere. Kuotei buruzko negoziazioak nahi ditu urtero Bruselarekin. 

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

ELAk hauteskunde sindikaletarako prestatu duen kanpainaren aurzkezpena. ©Berria

Sindikatuek ordezkarien erdiak izango dituzte jokoan hurrengo hilabeteetan

Imanol Magro Eizmendi

ELAk %36ko ordezkaritza du Hego Euskal Herrian, eta kopuru hori hobetzeko asmoz aurkeztuko da hauteskunde sindikaletara. Ordezkarien %47 berrituko dira urritik ekainera arteko tartean.

Nord Stream 1 gasbidea, Alemanian sartzen den puntuetak batean ©STEFAN SAUER (Efe)

Berlinek eta Moskuk «sabotajetzat» jo dituzte Nord Streameko isuriak

Jokin Sagarzazu

Gertakariak ez du eraginik izango Europarako gas horniduran, gaur egun bi gasbideak zerbitzuz kanpo baitaude. Zer gertatu den ikertzen ari dira.

Macron, Sant Nazaerko parke eolikoaren inaugurazioan. ©STEPHANE MAHE / EFE

Parisek arindu egin nahi du berriztagarrien tramitazioa

Iker Aranburu

Auzoekiko atzerapena murrizte aldera, proiektu eolikoak eta fotovoltaikoak moteltzen dituzten tramiteak eta auzibideak laburtzeko lege proiektua egin du Frantziako Gobernuak

Metalgitzako langile bat jardun betean. ©Marisol Ramirez / FOKU

Metalgintzako negoziazioak: Nafarroan akordioa gertuago dago; Bizkaian, urrun

Imanol Magro Eizmendi

Nafarroako metalgintzako patronalak UGTren eta CCOOren eskaintzak aztertuko ditu. Bizkaikoak, berriz, ez du aldatu lan ituna berritzeko eginiko azken eskaintza.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...