Tortura

Torturak ikertzeko ikerketa profesional, independente eta zientifikoa eskatu du Nafarroako Torturatuen Sareak

Tortura ikertzeko neurri zehatzak hartzeko eskatu die sareak Maria Txibiteri eta Unai Hualderi.

Nafarroako Torturatuen Sareko kideak gaurko agerraldian./
Nafarroako Torturatuen Sareko kideak gaurko agerraldian./ Iñigo Uriz/FOKU Tamaina handiagoan ikusi

Ainhoa Larretxea Agirre -

2020ko otsailak 13

Nafarroako Torturatuen Sareak ikerketa profesional, independente eta zientifikoa egin dezan urratsak egiteko eskatu dio Nafarroako Parlamentuari eta Gobernuari. Torturaren aurkako eguna kari, Nafarroako Parlamentuko atean bildu dira sareko kideak, eta, ondotik, parlamentura joan, eta gutuna eman diete Maria Txibite Nafarroako lehendakariari eta Unai Hualde parlamentuko lehendakariari. Gutun horretan, bilera bat eskatzeaz gain, tortura ikertzeko neurri zehatzak hartzeko eskatu diete. Exijitu dute hamargarren legealdia izan dadila torturak ikertu gabeko azken legealdia. Unai Hualdek sare sozialen bidez zabaldu du bilera egiteko prestasuna.

Nafarroako Torturatuen Sarearen hitzetan, ezinbestekoa da Nafarroan tortura “errealitate gordina” izan dela onartzea: “Estatuko segurtasun indarrek torturatu duen sistema bat izan dute indarrean. Epailetzak onartuta eta instituzioek beste alde batera begiratzen zutelarik.”. Salatu dute, gainera, Nafarroan mila torturatu izan direla eta erakunde nagusiek ez dutela pausorik eman gertatutakoa ikertzeko. Gaineratu dute bertze alde batera begiratzeak oinazea «handitu» bertzerik ez duela egin.

Egia, aitorpena eta erreparazioa behar direla ihardetsi dute. Erran dutenez, argi dute ikerketa egiteko orduan Nafarroako Auzitegiak zein Konstituzio Auzitegiak trabak jarriko dituztela. Horregatik nabarmendu dute konpromiso eta erabaki politikoen garaia dela. “Legealdi honetatik ezin da pasatu. Nafarroako erakundeek zor bat dute milatik gora torturatuekin, senideekin eta lagunekin”.

 

 

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna