Noiz sortua: 2020-02-16 15:03:31

Jaurlaritzak dio inguruko furano eta dioxina mailek ez dutela eraginik osasunean

Azaldu dute «hilabeteetako» esposizioa beharko litzatekeela eraginik izateko. Suteak itzaltzeak eta eguraldiak egoera «hobetzen» lagunduko dute.

Zabortegiko lanak.
Zabortegiko lanak. Aritz Loiola/Foku Tamaina handiagoan ikusi

Iosu Alberdi -

2020ko otsailak 16

Eusko Jaurlaritzako Osasun Sailak adierazi du Zaldibarko (Bizkaia) zabortegiaren inguruko airean dauden furano eta dioxina mailek ez dutela eraginik osasunean, «ez epe laburrera, ez luzera». Azaldu dute «agian» hasieran ez zela «ongi azaldu» nola zegoen eremua ingurumen aldetik. Datu falta argudiatu dute: «Hasieran ez genuen dioxina maila hori espero. Ez genekien zer ari zen erretzen, eta harritu egin gaitu».

Jaurlaritzak azaldu du ostiraletik une oro ari direla airearen kalitatea aztertzen, Ermuan (Bizkaia) eta Eibarren (Gipuzkoa) kokatutako laborategi mugikorren bidez. Horiek 172 konposatu organiko lurrunkor neurtzen dituzte. Horrez gain, beste hainbat eremutan ere eskuz neurtu dute. Uneotan airea parametro normaletan dagoela azaldu dute. Halere, neurketa horiek ez dituzte dioxinak eta furanoak neurtzen. 24 orduan behin egiten da partikula horien neurketa, baina emaitzak jakiteko ostegunera arte itxaron beharko da. Orduan iritsiko dira CSIC laborategiaren emaitza berriak. «[Dioxina eta furano] mailak jaitsiz joatea espero dugu, baina suteek eta eguraldiak baldintzatuko dute».

Leku urbano batean egon ohi den furano eta dioxina maila baino 40-50 aldiz handiagoa topatu zuten otsailaren 9an eginiko neurketetan. Halere, adierazi dute haize indartsuek sakabanatu egiten dituztela partikulak, eta urrunago eraman. Era horretan, aireko toxina kontzentrazioa murriztu egiten da.

Horiek herritarren osasunean eragiteko «hilabete eta urteetako» esposizio bat beharko litzatekeela adierazi dute: «Substantzia horien aire bidezko sarrera oso mugatua da gorputzean. Gizakiek substantzia horiekin duten esposizioaren %95 elikagaien bidez izaten da».

Bien bitartean, bi helburu nagusirekin ari dira lanean. Batetik, bi langileak aurkitzea, eta, bestetik, dioxinak sortzen dituzten suteak itzaltzea. Erreskate lanei dagokionez, lurra egonkortzen ari dira, ustez langileak egon daitezkeen eremura gerturatzeko. A-8 errepidetik gertu egon daitezkeela uste dute. Makineria lanean da inguruan dauden hiru edo lau suteak itzaltzeko ere. Lurra botatzen ari dira horien gainera. Datozen egunetan guztiz itzaltzea espero dute, baina biharko aurreikusten den euriak lana atzeratu dezake.

Urkullu, bisitan

Iñigo Urkullu lehendakaria ezbeharraren inguruan izan da gaur. Hark zuzendu du luiziaren inguruko mahai teknikoaren bilera. Harekin izan dira Bizkaiko ahaldun nagusi Unai Rementeria ere, baita Jaurlaritzako sailburu Iñaki Arriola eta Estefania Beltran de Heredia ere. Jaurlaritzak adierazi duenez, lehendakaria zabortegian ere egon da, oraindik desagertuta jarraitzen duten bi langileen senideekin.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna