Albistea entzun

Itzali dute herenegun gauean piztutako sutea

Herritarrentzako gomendioak bertan behera utzi zituen herenegun Jaurlaritzak, eta, handik ordu gutxira, 22:30ean, berriro piztu zen sua zabortegian. Ondorioz, Jaurlaritzak babes neurriak berriz hartzeko esan du, baina zabortegiaren inguruko auzoan bakarrik. Ingurumen Sailak esan du «normala» izango dela datozen egunetan halakoak berriz gertatzea.

Zaldibarko zabortegia, gaur goizean.
Zaldibarko zabortegia, gaur goizean. Joseba Elustondo Tamaina handiagoan ikusi

Berria -

2020ko otsailak 21

Herenegun gauean berriz ere sutea piztu ostean, airearen kutsaduratik babesteko neurriak berriz hartzeko esan die Eusko Jaurlaritzako Osasun Sailak Ermuko (Bizkaia) Sallabente auzoko bizilagunei: etxea ez egurasteko eta kanpoan kirola ez egiteko, alegia. Auzo horretara mugatu dute neurria, zabortegitik gertuen dagoelako. Zaintzako zerbitzuak berehala joan ziren lekura, baina, sutea ikusita, jakinarazi zuten gauean ezer egitea ezinezkoa zela. Izan ere, oso zaila da piztu den gunera heltzea. Argitutakoan hasi ziren makinak sartzen, eta sua hondarrarekin itzaltzen, azkeneko aldian egin zuten bezala. Modu horretan, atzo eguerdi aldera lortu zuten hura itzaltzea.

Eusko Jaurlaritzako Osasun Sailak bertan behera utzi zituen herenegun Zaldibarko (Bizkaia) hondakindegiaren inguruko herrietan ezarritako behin-behineko neurriak, baina, handik bost ordura, berriro piztu zen sua zabortegian. 22:30 zirela, hainbat herritar hasi ziren larrialdi zerbitzuetara deika, argi handi bat ikusten zelako zabortegiaren aldean. Ermuko Udalak baieztatu zuen, 23:00ak aldean, zabortegiaren zati batek su hartu zuela berriro ere.

Eguneko lehen argiekin nabaritu zen atzo zabortegitik ateratzen zen ke handia. «Su bakarra da, txikia. Ez dauka zerikusirik aurreko suarekin. Baina ez dago bide errazik hara heltzeko», esan du Aitor Zulueta Ingurumen saileko Ondare Natural eta Aldaketa Klimatikoko zuzendariak, Euskadi Irratian. Gaineratu du datozen egunetan suteek berez sortzen jarraituko dutela; «halakoetan, normala da». Arduradunak adierazi du sua berriz piztu arren herritarrei emaniko gomendioak atzera ezartzeko «arrazoirik ez» dagoela, neurketak berriro egin arte.

Kokein eta Deus ez taldeek gaur Eibarren (Gipuzkoa) eman behar zuten kontzertua bertan behera utzi dutela adierazi du Kokeinek, Twitterren bidez. «Zaldibarko zabortegiak sortutako egoerak eta Joaquin eta Albertok desagertuta jarraitzeak erabaki hau hartzera eraman gaitu», idatzi dute. «Familiekin bat egin nahi dugu momentu latz honetan».

Sutearen foku nagusiak asteartean itzali zituztela jakinarazi zuen Eusko Jaurlaritzak. Gaur, CSIC laborategiaren analisien emaitza berriak eskuetan zituztela, eta zabortegiko sutea itzali izanak egoera aldatu duela nabarmenduz, Iñaki Berraondo Osasun sailburuordeak adierazi du bertan behera gelditu direla joan den ostiralean emandako aholkuak —etxeetako leihoak ahalik eta gutxien irekitzea eta kirolik ez egitea kalean—. Berraondok esan zuen bazegoela sua berriz pizteko aukera, eta hori gertatuz gero herritarrei emaniko aholkuak berriz indarrean jartzeko aukera aztertuko zutela.

Zaldibar inguruko hainbat eskolak salatu dute Hezkuntza Sailak ez diela eman informaziorik hartu beharreko neurriei buruz. Ikasleak patiora ez ateratzearen eraginak jasan dituzte.

Otsailaren 14an, sua piztu eta astebetera, Eusko Jaurlaritzako Osasun Sailak osasuna babesteko prebentzio neurri batzuk aholkatu zizkien zabortegiaren inguruan bizi diren herritarrei, dioxina eta furano kopuru handiak ari zirelako askatzen airera. Etxeetako leihoak ahalik eta gutxien irekitzeko eta kalean kirolik ez egiteko eskatu zuten. Atzo, osteguna, aholku horiek bertan behera utzi eta alerta kendu zuen Jaurlaritzak; sutea itzali ostean, babes aholku horien beharrik ez zegoela ebatzi zuen. Aixolako errekaren beheko partean, berriz, amonio kantitatea handitu egin dela ere jakinarazi duten.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

Ezkerretik eskuinera: Otxandiano, Otegi, Aranburu eta Tobar bileraren osteko agerraldian, atzo, Donostian. ©ANDONI CANELLADA / FOKU

«Konfluentzia» nahi dute EH Bilduk eta LABek, publikoen eta ikastolen «onena» hartuta

Irati Urdalleta Lete

EH Bildu eta LAB hezkuntzaz aritzeko bildu dira. Aitortza egin diete sare publikoari eta ikastolei. Grebak aipatuta, esan dute bat egiten dutela langileen eskaerekin
Alternatibak atzo Gasteizen antolatutako mahai ingurua. ©JAIZKI FONTANEDA / FOKU

«Ez gara arrisku bat: gu gaude arriskuan»

Edurne Begiristain

Alternatibak antolatuta, Espainiako trans legeari buruzko «gezurrak» ezeztatu dituzte mahai inguru batean. Mar Cambrollek esan du transek «subjektu aktiboak» izan behar dutela
Euskarari eta teknologiari buruzko solasaldia, atzo, Donostian. ©MAIALEN ANDRES / FOKU

Puntako teknologia euskaraz

Isabel Jaurena

Hizkuntza gutxituak eta berrikuntza uztartzeari buruz jardun dute Donostian, Gipuzkoako Foru Aldundiak antolatuta. Euskaraz funtzionatzen duten zenbait gailu aurkeztu dituzte
Lodosa Bizirik taldeko kideak, bi kaleren izenak euskaraz jarri eta gero. ©BERRIA

'Ahobizi' izan nahi, eta ezin

Itsaso Jauregi

Aurten ez da egingo Euskaraldia Lodosan, baina Lodosa Bizirik elkartekoek lanean jarraituko dute euskara normalizatzeko asmoz

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Hitzen, ekintzen eta errimen eztanda. Herri bat BERRIAren kulturaren plazan. Baliatu udazkenean BERRIAlagun egiteko eskaintza.