Noiz sortua: 2020-02-26 11:52:23

EUSKO LEGEBILTZARRERAKO BOZAK

EH Bilduren zuzendaritzak Jasone Agirre proposatu du zerrendaburu Bizkairako, eta Mikel Otero Arabarako

Koalizioaren oinarriek gaur eta bihar bozkatuko dute, eta zuzendaritzak ostiralean izendatuko ditu hautagaitzak

Jasone Agirre, joan den abenduan, Durangon (Bizkaia)
Jasone Agirre, joan den abenduan, Durangon (Bizkaia) Aritz Loiola / Foku Tamaina handiagoan ikusi

Igor Susaeta -

2020ko otsailak 26

Jasone Agirre izango da EH Bilduren Bizkaiko zerrendaburua Eusko Legebiltzarrerako hauteskundeetan, Mikel Otero Arabakoa, eta Maddalen Iriarte Gipuzkoakoa —lehendakarigaia ere bada—. Hori proposatu du koalizio independentistaren zuzendaritzak. Oinarriek gaur eta bihar bozkatuko dute, eta zuzendaritzak etzi, ostiralarekin, izendatuko ditu hautagaitzak.

Gipuzkoako zerrendako bigarren postuan Nerea Kortajarena jarri du zuzendaritzak, eta hirugarrenean, Rebeka Ubera; azken legegintzaldian parlamentariak izandakoak dira biak. Laugarren postuan Arkaitz Rodriguez Sortuko idazkari nagusia dago. Lore Martinez, Ander Rodriguez, Oihana Etxebarrieta eta Eraitz Saiz de Egilaz dira hurrengoak.

Bizkaiko zerrendan, Iker Casanova 2016tik legebiltzarkide izandakoa da bigarrena, Pazis Garcia hirugarrena, eta parlamentari izandako Leire Pinedo eta Julen Arzuaga laugarrena eta bosgarrena, hurrenez hurren. Ikoitz Arrese, Diana Urrea, eta Mikel Ruiz Oar-Arteta dira hurrengoak.

Araban, Eba Blanco EAren behin-behineko idazkari nagusia jarri du bigarren tokian zuzendaritzak, Josu Estarrona hirugarrenean, Maria Garde laugarrenean, eta Unai Fernandez de Betoño bosgarrenean.

Zerrenda «kontinuistak»

Zuzendaritzak proposatutako zerrendak «kontinuistak» dira, Arnaldo Otegi koalizioaren koordinatzaile nagusiak Radio Euskadin adierazi duenez. Eta erabaki hori hartu du zuzendaritzak, «hamarkada baterako» taldea osatu nahi duelako.

Otegiren esanetan, bestalde, Gemma Zabaletak, Dani Arranzek, Javier Madrazok eta Manuel Diaz de Rabagok EH Bilduren inguruan «ezkerreko alternatiba bat» sortzeko egindako deia «adierazgarria eta oso garrantzitsua da».

 

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta gaineratu duenez, ikerketak ez ditu “gizabanakoen mugimenduak atzemango”, baizik eta datu “anonimoak eta multzoka”.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzan eskatzeko. Ohartarazi du oinarrizko zerbitzu batzuetan «kolapso egoeran» daudela. Materiala bermatzeko eskatu dio ELAk EAEko Auzitegi Nagusiari.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Urkulluk esan du «neurri zorrotzak» hartu dituztela; oposizioak, berriz, «gardentasun falta» salatu du

Irati Urdalleta Lete

Iñigo Urkullu lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna