Noiz sortua: 2020-02-27 10:11:02

Hauteskundeak

Miren Gorrotxategi izango da Elkarrekin Podemosen lehendakarigaia

Rosa Martinezek baino boto gehiago bildu ditu alderdiko kideen artean egindako bozketan. EAEko buruzagitzaren babesa Martinezek zuen.

Miren Gorrotxategi, bere hautagaitzaren aurkezpenean.
Miren Gorrotxategi, bere hautagaitzaren aurkezpenean. Luis Jauregialtzo/Foku Tamaina handiagoan ikusi

Jon O. Urain -

2020ko otsailak 27

Eusko Legebiltzarreko hauteskundeei begira, primarioak egin ditu Ahal Dugu-k, Elkarrekin Podemos koalizioaren lehendakarigaia nor izango den erabakitzeko. Prozesu horretan bi hautagai lehiatu dira: Rosa Martinez eta Miren Gorrotxategi, eta herenegun amaitu zen afiliatuek botoa emateko epea. Gorrotxategi izan da nagusi; botoen %56 eskuratu ditu, eta Martinezek, berriz, %43.

Gorrotxategik Espainiako Kongresuan eta Senatuan garatu du bere ibilbide politikoa, azken bost urteetan. Hain justu, Madrilgo zuzendaritzak babestutako hautagaitzat aurkeztu du bere burua, eta, hautagaitza aurkeztu zuenetik, alboan izan ditu Espainiako Gorteetan diharduten diputatuak: Pilar Garrido, Juantxo Lopez de Uralde eta Roberto Uriarte. 2017an, Ahal Dugu-ren idazkaritza nagusirako hautagaitza aurkeztu zuen, baina Lander Martinezek eskuratu zuen kargua.

Abadiñokoa da (Bizkaia), eta 52 urte ditu. Konstituzio Zuzenbideko irakaslea da Euskal Herriko Unibertsitatean. Zubiak izena izan du haren hautagaitzak, horiek eraiki nahi zituelako primarioetara aurkeztutako sektoreen artean eta gizartean: «Zubi lana egiteko indar bat izan behar du Ahal Dugu-k, etxe barruan zein kanpoan».

Gorrotxategik Rosa Martinez zuen arerio, EAEko zuzendaritzak babestutako hautagaia. Besteak beste, Rosa Martinezek Lander Martinez Ahal Dugu-ko idazkari nagusia lagun zuela aurkeztu zuen hautagaitza, eta primarioak galdu izanak ataka zailean jarri du EAEko zuzendaritzaren posizioa.

Gorrotxategi, esker oneko

Lehendakarigaiak, sare sozialetan, eskerrak eman dizkie «primarioetan parte hartu duten pertsona guztiei, Podemos demokraziaren eta gardentasunaren erreferente gisa eraikitzeko» lanean aritzeagatik.

Rosa Martinezek, berriz, amaitutzat jo du Elkarrekin Podemosen eginiko ibilbidea —taldearen koordinatzailea zen Eusko Legebiltzarrean—. Uste du «aro polita» izan dela eta «lan handia» egin dutela, «akordioak lortuta eta Elkarrekin Podemos euskal politikaren eragile zentral bihurtuta». Martinezen esanetan, hori posible izan da talde parlamentarioaren lan «bikainari» eta alderdiko zuzendaritzaren mailari esker: «Etxeko lanak eginda eta lorpen garrantzitsuak erdietsita goaz». Lehendakarigai izateko nahikoa babes lortu ez arren, esker onez mintzatu da Martinez, eta zorte ona opa dio Gorrotxategiri, Ahal Dugu-ren proiektua «baliagarria eta garrantzizkoa» izan dadin euskal herritarrentzat.

Albiste gehiago

Apirilaren 1ean eguneratua, 14:00etan. ©BERRIA

Koronabirusaren azken datuak

Berria

Euskal Herrian 9.358 gaixok eman dute positibo koronabirusaren proba eginda, administrazioen arabera. 501 hil dira. COVID-19 gaitza izandako 2.134 pertsonari eman diete alta. Grafikoak, albiste barruan.

Etxeetara elikagaiak eramateko taldeak antolatu dituzte Milanen. ©Matteo Corner / EFE

Izurriak 823.626 pertsona kutsatu eta 40.598 hil ditu munduan

Berria

Dagoeneko 501 pertsona hil ditu gaitzak. Hego Euskal Herrian 9.335 kasu diagnostikatu dituzte. Sindikatuek gutun bat bidali diote Denis Itxaso Madrilek EAEn duen ordezkariari, besteak beste zentralizazioa bertan behera uzteko eskatzeko, eta Maddalen Iriartek mahai bat eratu nahi du erabakiak hartzeko

1983ko abuztuan, Busturian, uholdeetan. ©BERRIA

Zer egin krisi bati aurre egiteko?

Enekoitz Esnaola

Jaurlaritzako eta Nafarroako lehendakariek, euskal gatazkako indarkeriaz gain, zenbait garai sozial gogor ere bizi izan dituzte 40 urteotan: uholdeak, sute eta istripu larriak, krisi ekonomikoak... Carlos Garaikoetxeak, Jose Antonio Ardanzak, Patxi Lopezek eta Uxue Barkosek lehendakari gisara bizi izan zituzten krisietan izandako esperientziak kontatu dizkiote BERRIAri. Garrantzia eman diote gertutasuna eta sentsibilitatea izateari, baita neurriak hartzeari ere.

Herrialdeka, Bizkaian aurkeztu dituzte dosier gehien. ©Marisol Ramirez / Foku

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna