Albistea entzun

Sorkuntza

Euskal sortzaileen emanaldiak eskainiko ditu BERRIAk astelehenetik aurrera BERRIA Aretoa proiektuaren bidez

Kultura agenda ia osoa bertan behera utzi du koronabirusaren zabalpenak Euskal Herrian, eta horri zirrikitu bat eman nahiko dio BERRIAren areto digitalak.

Mikel Martinez aktorea zango da BERRIA Aretoan egongo den sortzaileetako bat
Mikel Martinez aktorea zango da BERRIA Aretoan egongo den sortzaileetako bat Mikel Martine Tamaina handiagoan ikusi

Iñigo Astiz -

2020ko martxoak 15 10:11

Sortzaileek euren sofatik mundura egingo dituzte hamar minutu inguruko emanaldiak. Besteak beste, Anari, Morau, Mursego, eta Birkit musikariak, Mikel Martinez aktorea eta Dorleta Kortazar ipuin kontalariek saio bana eskainiko dute.

Mahomak mendira joaterik ez duenean, mendia eraman behar Mahomarenganaino. Hori dio esaera zaharrak, eta, hain zuzen, hori da BERRIA egunkariak astelehenetik aurrera hedabidearen webgunean martxan jarriko duen BERRIA Aretoaren helburua.

Koronabirusaren eraginez kultur ekitaldi ia guztiak bertan behera geratu diren honetan, BERRIA sortzaileen etxeraino sartuko da, kulturgile horien sorkuntza hedatzen jarraitzeko; sofatik mundura. Diziplina guztietako sortzaileek hartuko dute parte emanaldietan, eta, besteak beste, konfirmatuta daude jadanik Anariren, Morauren, Mursegoren eta Birkiten kontzertu digitalak eta Mikel Martinez aktorearen eta Dorleta Kortazarren saioak.

Zerrenda haziz joango da egunez egun, eta astelehenetik aurrera jakinaraziko da zehatzago programaren nondik norakoa. Zuen proposamenak bidaltzeko idatzi kultura@berria.eus helbidera, gaiari dagokion lekuan «BERRIA Aretoa» idatzita, eta jarriko gara zuekin harremanetan. Atea irekitzear da, beraz, agian, eta soilik agian, aste batzuez, digitalki bakarrik bada ere, irekita egon ahalko den areto bakarra.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

James Hetfield abeslaria eta Kirk Hammett gitarrista, ekainaren 16an, Danimarkan. ©TORBEN CHRISTENSEN / EFE

Zalantza egunen ondotik, San Mamesen izango da gaur Metallica

Itziar Ugarte Irizar

Niña Coyote eta Chico Tornado, Nothing But Thieves, The Hellacopters eta Weezer ere ariko dira. 45.000 zalerentzako tokia dago
Bisitari bat Donostiako Ekain galerian, Amable Ariasen zenbait lanekin irekitako erakusketan. ©JUAN CARLOS RUIZ / FOKU

Nekez zeharkatzen diren ateak

Itziar Ugarte Irizar

Ahotik ahora dabil esaldia galeristen artean: «Garai zailak dira». Ez da berria sektorearen apaltzea, arte salmentaren urritzea, baina azken bi urteetako giro nahasiak eta arteak gizartean izan duen lekualdatzeak formula berriak lantzera behartu ditu sektoreko askotariko profesionalak.

Ikusten?

Ikusten?

Arantxa Iturbe

Gaur hasten da BERRIAren aurtengo udako narrazio artikulu sorta. Arantxa Iturbe da lehen egilea.

 ©Exprai

Ikusten?

Arantxa Iturbe

Alegian (Gipuzkoa) jaio zen, 1964an, eta ibilbide luzea du kazetaritzan zein literaturan. Batik bat, narrazioa jorratu du: Ezer baino lehen (Elkar, 1992) izan zuen lehen ipuin liburua, eta Lehenago zen berandu (Alberdania, 1995), Bakarrizketan (Alberdania, 2001), Kontu-jaten (Alberdania, 2006) eta Honetara ezkero (Susa, 2017) plazaratu ditu gero. Koadernoa zuri (Elkar) eleberria argitaratu zuen 2017an, eta antzerkia da egilearen hurbileko beste alorra.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...