Bi kopuru azpimarratu behar balira Angelun (Lapurdi); lehenik, %60, eta bigarrenik, %67.
%60koa izan da abstentzioa. Erdiek baino gehiagok ez dute bozkatu Ipar Euskal Herriko hiri handienetan bigarrenean. Eta bozkatu dutenetan, %67k Claude Oliveren alde egin du. Olive, eskuineko auzapeza; azken sei urteetan jada auzapez zena. Oposizioko beste bi hautagaiei nagusitu zaie, eta erraz; Dervillek %26 egin baitu, eta Pereirak %6.
Emaitzak jakin orduko mintzatu da Olive, eta egindako lanaz "pozik" agertu da. “Elkarrizketa ireki eta eraikigarriak ukan nahi ditugu oposizioko kide guztiekin, konfiantzazko etorkizun baten eraikitzeko, hiri berritzaile batean".
