Albistea entzun

4.300 erregulazio dosier baino gehiago

Gutxienez 28.000 langileri eragingo diete enpresak aurkezten ari diren lan erregulazio txostenek.

Langile bat beharrean, Bilbon.
Langile bat beharrean, Bilbon. Marisol Ramirez / Foku Tamaina handiagoan ikusi

Jon O. Urain -

2020ko martxoak 21

Egunetik egunera luzatzen ari da lana aldi baterako erregulatzeko txostena aurkezten ari diren enpresen zerrenda: jada 4.300 baino gehiago dira. Nafarroako Gobernuko bozeramaile Javier Remirezek jakinarazi du mila pasa direla herrialde horretan, eta, Jaurlaritzaren arabera, 3.382 dira Araban, Bizkaian eta Gipuzkoan. Euskal Autonomia Erkidegokoek 28.000 langileri baino gehiagori eragingo diete. Datu hori ez du zehaztu Nafarroak, baina aurreratu du erregistratutako lehen 300 espedienteek 5.000 langileri eragingo diotela. Hurrengo egunetan emango dituzte datuak, baina "eragina oso handia" izango dela aurreratu du gobernuak.

Zehazki, enplegua aldi baterako erregulatzeko 485 dosier aurkeztu dituzte Araban, eta 5.076 langileri eragingo die. Horien artean dago Mercedes. Bizkaian 2.029 lantokitan ezarriko dute dosierra —17.823 behargini—, eta Gipuzkoan, 868 txosten —5.947 langile—.

Nafarroako datua lan erregulazio txosten guztiena da, eta Jose Maria Aierdi bigarren presidenteordeak zehaztu du "gehienak" direla aldi baterako, eta "gutxi batzuk" erregulazio espedienteak direla. Era berean, esan du 2012an aurkeztutako txostenak baino gehiago direla oraingoak. "Ezohiko egoera bat da".

Enplegua erregulatzeko txostenei buruz, Silvia Ganbarte abokatuari eginiko elkarrizketa argitaratu zuen atzo BERRIAk.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Iberdrolaren Wikinger parke eolikoa, Alemaniako uretan. ©IBERDROLA

INDUSTRIA KRESAL HAIZETAN

Irune Lasa

Energia berriztagarriak behar dira, gero eta gehiago, ahalik eta gehien. Argindar 'garbia' lortzeko itxaropena itsasoko haize errotetan dago neurri handi batean, eta, bereziki, haize errota flotagarrietan. Eta hor dago euskal industria.
 ©ARITZ LOIOLA / FOKU
Bretainiako hainbat arrantzalek sorgailu eolikoen oinarriak jartzen dituen itsasontzia inguratu zuten maiatzean. ©BERRIA
Artxiboko irudian, laneko heriotza bat salatzeko elkarretaratzea Iruñean ©Inigo Uriz / Foku

Behargin bat hil da Bergaran

Irune Lasa

Markinako behargin bat hil da Bergarako Fagor Ederlanen lantokian «lan istripu ez traumatikoan», salatu du LAB sindikatuak. Beharginak 44 urte zituen.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.