Euskal presoak

Brievako kartzelak ziegan gelditzea onartu die Marixol Iparragirre eta Lola Lopezi

Koronabirusaren krisia dela eta, telefonoz deitzera soilik aterako dira ziegatik. Gorka Fraile espetxetik kanpo egongo da apirilaren hasiera arte.

Brievako (Espainia) kartzela.
Brievako (Espainia) kartzela. Tamaina handiagoan ikusi

Enekoitz Esnaola -

2020ko martxoak 23

Marixol Iparragirre eta Lola Lopez Brievako (Espainia) espetxean dauden euskal presoek, koronabirusaren gaitza dela eta, ziegatik ez irteteko eskaera egin zioten atzo kartzelako zuzendaritzari, eta hark onartu egin die eskaera. Telefonoz deitzera baino ez dira aterako ziegatik —COVID-19arengatik, astean lau dei gehiago dituzte orain: hamabi denera, zortzina minutukoak—. Jatekoa bertara eramaten diete. Iparragirreren eta Lopezen moduluan dauden bi preso sozial ere ziegan geratuko dira; aldiz, beste hirurek ez dute neurri hori eskatu. Higiene neurri batzuk hartu ditu Brievako kartzelak, eta esan du espetxean inor ez dagoela gaitzak kutsatuta.

Gorka Fraile euskal presoa, berriz, apirilaren 5era arte etxean egongo da, Iruñeko kartzelara joan gabe. Urte hasieran, hirugarren gradua eman eta Nafarroako hiriburuko kartzelara ekarri zuten, eta, geroztik, egunez kalera atera ahal da. Koronabirusaren krisiagatik, Espainiako Barne Ministerioak erabaki du hirugarren graduan dauden presoak ez direla, oraingoz, espetxera itzuliko. Gobernuak asteon beste bi astez luzatuko du alarma egoera —apirilaren 12ra arte—, eta ikusiko da Fraileri ere epea luzatuko dioten.

Koronabirusaren krisiagatik, bisita oro kendu du Espetxeetako Zuzendaritzak. EH Bilduk, Etxerat-ek eta Sarek eskatu dute baldintzapean aske uztea euskal preso eriak eta 70 urtetik gorakoak.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Kezka adierazi dute lehen arretako hainbat langilek. Argazkian, Bilboko Areilza anbulatorioa. ©ARITZ LOIOLA / FOKU

«Osasun sistemak eztanda egingo du»

Maialen Arteaga

Lehen arretako zentroen estutasunak azaleratu ditu COVID-19ak, eta aspaldiko aldarriak hauspotu ditu. Pandemiaren «bigarren olatua» iritsi dela aitortu du Eusko Jaurlaritzak, baina osasun etxeetan langileen erdiekin eta «lan gainkargarekin» dabiltzala salatu dute.

Bizkaiko zahar etxe bateko egoiliarrak artxiboko irudian. ©Marisol Ramirez/FOKU

Hemezortzi kasu atzeman dituzte Zamudioko zahar etxe batean

Berria

Donostiako eta Bilboko bi zahar etxeetan ere positiboak izan dira.

San Mames zelaia hutsik, Athleticen eta Leganesen arteko partidan, uztailaren 16an. ©Marisol Ramirez / Foku

Beste zazpi positibo euskal taldeen artean

Berria

Athleticen sei jokalarik eman dute positibo, eta Osasunan, berriz, Jagoba Arrasate entrenatzaileak. Alaveseko hiru jokalariri ere detektatu diete COVID-19 gaitza.

PCR probak egin dizkiete Donostiako Ramuntxo Berri tabernan izandakoei. ©Gorka Rubio / FOKU

Beste 505 positibo izan dira Hego Euskal Herrian

Berria

COVID-19a zuten zazpi pertsona hil dira azken astean Araban, Bizkaian eta Gipuzkoan. Probak egingo dizkiete Nafarroako egoiliar guztiei irailean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna