Noiz sortua: 2020-03-25 14:21:53

EHUk uztailaren 6tik 8ra egingo du selektibitatea

NUPen, ekain amaieran egingo dute ohiko deialdia. Ezohiko deialdia uztailaren 20tik 22ra izango da EHUn, eta Nafarroan ez dute datarik zehaztu.

Nafarroako Unibertsitate Pubikora sartzeko probak, iazko ekainean, Iruñean.
Nafarroako Unibertsitate Pubikora sartzeko probak, iazko ekainean, Iruñean. Iñigo Uriz / Foku Tamaina handiagoan ikusi

Jon O. Urain -

2020ko martxoak 25

Unibertsitatera sartzeko probak uztailaren 6tik 8ra bitartean egingo dituzte Araban, Bizkaian eta Gipuzkoan. Espainiako Hezkuntza ministro Isabel Zelaa erkidegoetako ordezkariekin bildu da, eta epe bat ezarri die, ekainaren 22tik uztailaren 10era bitartekoa. Bertan parte hartu dute Carlos Gimeno Nafarroako Hezkuntza kontseilariak eta Cristina Uriarte Jaurlaritzako Hezkuntza sailburuak.

Tarte horretan, Euskal Herriko Unibertsitateak uztailaren 6tik 8ra egingo du ohiko deialdia, eta uztailaren 20tik 22ra ezohikoa. Ohiko deialdiaren emaitzak uztailaren 15ean jakinaraziko dituzte, eta ezohikoenak, hilaren 29an. Gimenok, berriz, azaldu du Nafarroako Unibertsitate Publikoak ekain amaieran egingo duela ohiko deialdia, eta uztailaren bigarren hamabostaldian ezohikoa, data zehatzik eman gabe. Sare publikoko eta itunpeko 4.489 ikasle daude deituta proba horretara Nafarroan.

Jaurlaritzak adierazi duenez, «bere eskumen berezitasunagatik definitutako eskumen eremuan oinarrituta, Euskadi arduratuko da egungo probak egokitzeaz, ebaluazio irizpideak berrikusteaz edo proba mota malgutzeaz. Lan hori Euskal Herriko Unibertsitatearekin koordinatuta egingo da». Uriartek azaldu du «oso garrantzitsua» dela data zehaztea, hezkuntza komunitateak lanak antolatu ditzan.

Hego Euskal Herrian, aurreko astean jakinarazi zen hautaproba atzeratzeko erabakia, baina zehazteke zegoen ikasturte honetan egingo ote ziren, eta noiz. Adostu dute «azterketa eredua salbuespen egoerara» egokitzea, horrek ikasleei eragin ez diezaien. Espainiako Hezkuntza Ministerioak eman du albistearen berri, ohar batean; halaber, jakinarazi du Lehen Hezkuntzako hirugarren eta seigarren mailetan bertan behera utzi dituztela eta DBHko laugarren mailan egin ohi diren ebaluazio diagnostikoko probak.

Lan eskaintza, aurten

Bileran, Uriartek azaldu du Hezkuntza Saila Enplegu Publikorako Eskaintza atzeratzeko aukera aztertzen ari dela. Ekainaren 20rako dago aurreikusita lehen azterketak egitea. Gertaeren bilakaeraren arabera, Eusko Jaurlaritzak data hori atzeratu dezake, «baina betiere Derrigorrezko Bigarren Hezkuntzako eta Lanbide Heziketako irakasle teknikoentzako enplegu eskaintza publikoari eusteko konpromisoari eutsiz».

Nafarroak, berriz, "aurreratuta" dauzka zeregin administratiboak, eta egokitu egin daiteke erkidegoek erabakitako edozein datara.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Koronabirusaren azken datuak

Koronabirusaren azken datuak

Berria

Euskal Herrian 13.406 gaixok eman dute positibo koronabirusaren proba eginda. 905 hil dira. COVID-19 gaitza izandako 4.972 pertsonari eman diete alta. Grafikoak, albiste barruan.

Diputatuak saioren hasieran, minutu bateko isilunean. / ©Mariscal, EFE

Alarma egoera luzatzea onartu du Espainiako Kongresuak

Berria

EAJk iragarri du bilera horretan egongo dela. EH Bildu, berriz, ez da joango. Konfinamenduan apirilaren 26ra arte luzatu dute Hegoaldean.

Gasteizko farmazia bat. / ©Endika Portillo, Foku

Egun beltzenetan bigarrena izan da atzokoa, hildako kopuruari dagokionez

Ekhi Erremundegi Beloki - Ane Eslava

Gutxienez 59 pertsona hil dira Euskal Herrian azken 24 orduetan koronabirusak jota. 900 hildakoen langa gainditu da. 462 positibo gehiago atzeman dituzte Hegoaldean.

350 diputatutik 43 joan dira Espainiako Kogresura ©mariscal / EFE

EAJk atea ireki dio Sanchezek proposatutako itunean parte hartzeari; EH Bildu ez da joango

Irati Urdalleta Lete

Apirilaren 26ra arte luzatu dute alarma egoera, eta Sanchezek aurreratu du uste duela hamabost egun barru berriro alarma dekretua luzatu beharko duela

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna