ETBk eskolako edukiak emango ditu

Eusko Jaurlaritzak eta EiTBk irakaskuntza indartzeko hezkuntza saio bat jarriko dute abian.

Lezoko herri eskolako ikasleak, artxiboko irudi batean.
Lezoko herri eskolako ikasleak, artxiboko irudi batean. Andoni Canellada / Foku Tamaina handiagoan ikusi

Jon O. Urain -

2020ko martxoak 26 13:12

Eusko Jaurlaritzak eta EiTBk Bitartean, etxetik ikasten izeneko saioa prestatu dute, horren bidez eskolako edukiak eman ahal izateko. Saioa Lehen Hezkuntzako 1. eta 4. maila arteko ikasleentzat izango da batik bat, eta ETB3n eta Eitb.eus-en emango dute datorren astelehenetik aurrera, hilak 30, 09:00etatik 12:00etara.

Jaurlaritzak zabaldu duenez, programaren helburua "ikasleen hezkuntza-prozesua erraztea" izango da, batez ere, etxean euskarri teknologikorik ez duten haurrena. Eskainiko diren edukiak Lehen Hezkuntzako ikasle guztientzat izango dira, baina, batez ere, etapa horretako 1. eta 4. maila bitarteko neska-mutilentzat. Saioa euskaraz izango da, eta dagozkien curriculumei lotutako edukiak bilduko ditu.

Basurto ikastetxe publikoan grabatuko dituzte saioak, 30 minutuko ataletan, maila bakoitzari dagozkion edukiak lantzeko. Jaurlaritzaren eta hedabide publikoaren asmoa da saioa interaktiboa izatea. "Era horretan, ikasleek euren galderak, zalantzak edo iradokizunak egin ahal izango dituzte, eta haien erantzunak programan zehar edo hurrengo emankizunetan eman ahal izango dira".

Atalei dagokienez, sustatzaileen asmoa da askotariko gaiak jorratzea. Esaterako, Irakurketarekin goxatzen atalean, egunero, ordu laurden bat eskainiko diote irakurketaren ulermenari, testu ugari oinarri hartuta. Euskararen gaia Hitzak jolasean tartean landuko da. Ahozkotasunak izango du lehentasuna (hitz jolasak, aho korapiloak, ikerketa proposamenak, errezetak, komikiak eta ipuinak sortu, bitxikeriak…), idatzizko adierazpena alde batera utzi gabe. Bestalde, Mugi-mugi atalak konfinamendu aldian gorputza lantzeko ariketak proposatuko ditu.

Hari-mataza tartean, matematika jorratuko dute: buruketak, mahai jolasak, jolas matematikoak, matematikaren eragina egunerokotasunean, buruzko kalkulurako estrategiak, abakoen erabilera, bitxikeria matematikoak, eragiketak egiteko estrategiak…Ingelesa ere landuko dute, errutina, hiztegia, esaldi laburrez, irakurketaz, olerkiez, ipuin animatuez, marrazki bizidunez, albiste laburrez eta abarrez lagunduta. Gizarte zientziak, teknologia, zientzia eta musika izango dira beste ikasgaietako batzuk.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

LABi-ren Aholku Batzordearen bilera. ©Mikel Arrazola / Jaurlaritza

Eguberrietan, gehienez hamar pertsona biltzea proposatu du Jaurlaritzak

Berria

Eguberrietarako, herrietatik ateratzeko debekua kentzea eta egun horietan antolatuko diren ekitaldi guztiak bertan behera uztearen alde egin du Gasteizko gobernuak. Gainera, abenduaren 24ko eta 31ko gauean 01:00etarako etxeratzeko agindua eman nahi du.

Pedro Sanchez Espainiako gobernuburua laborategi batean, San Sebastian de los Reyes hirian (Espainia). Modernaren txertoa fabrikatuko dute han. ©Fernando Calvo / Efe

Modernak txertoa merkaturatzeko baimena eskatu die AEBei eta EBri

Berria

Enpresak adierazi du ez duela kalterik atzeman txertatutakoen artean eta eraginkortasun handia duela kasurik larrienetan.

ELAko ordezkarien batzarra, Donostian. ©Andoni Canellada/FOKU

Gipuzkoako zahar etxeetan grebara deitu dute ELA eta LAB sindikatuek

Maria Ortega Zubiate

Abenduaren 10 eta 11rako egin dute deialdia; 2018tik ari dira mobilizazioetan, eta 244 greba egun egin dituzte ordutik.

Antigenoen testak Zarauzko ospitalean. ©Gorka Rubio, FOKU

518 kasu zenbatu dituzte Hego Euskal Herrian

Uxue Rey Gorraiz

Abuztu erdialdetik aitzina erregistratutako positibo kopururik apalena atzeman dute Hegoaldean: 518. Nabarmen egin du behera test kopuruak: 7.500 proba egin dituzte, bezperan baino 3.000 gutxiago. Igandean egindako testen %7k eman dute positibo.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna