Noiz sortua: 2020-04-08 11:49:13

Eusko Jaurlaritzak bertan behera utzi ditu hezkuntzako lan deialdiak

Ez du zehaztu noiz izango diren, baina Uriartek erran du zaila iruditzen zaiola azterketak uda aitzinetik egitea.

Irakasleak azterketa batean, Barakaldoko BECen.
Irakasleak azterketa batean, Barakaldoko BECen. Monika Del Valle/FOKU Tamaina handiagoan ikusi

Ainhoa Larretxea Agirre -

2020ko apirilak 8

Ekainaren 20an egin behar zuten lanbide heziketako eta bigarren hezkuntzako 1.148 lanposturen eskaintza, baina, azkenean, Eusko Jaurlaritzako Hezkuntza Sailak erabaki du bertan behera uztea. Gaur goizean eman du erabaki horren berri Cristina Uriarte sailburuak, Radio Euskadin egin dioten elkarrizketa batean. Ez du zehaztu noiz egingo diren, baina aurreratu du ez duela uste probak uda aitzinetik egingo direnik. Nafarroan, aurten egitekoak ziren lan eskaintzak 2021era atzeratu dituzte. 

Uriartek elkarrizketan azaldu duenez, koronabirusaren krisia hasi zenetik ibili da Hezkuntza Saila aztertzen ea aukerarik ba ote zegoen egunak mantentzeko. Azkenean, ordea, azterketa bertan behera uztea erabaki du. Uriartek adierazi duenez, ez dute neurririk hartu orain arte «presazko» erabakiak ekiditeko.

Uriartek iragarri du Hezkuntza Saila gaur bertan bilduko dela sindikatuekin, erabakiaren nondik norakoak aztertzeko, eta horren ondotik hartuko dutela erabakia. 

Nafarroaren bide beretik

Nafarroako Gobernuak martxoaren 30ean hartu zuen lan eskaintza urtebete atzeratzeko erabakia. Carlos Gimeno Hezkuntza Kontseilariak nabarmendu zuen ez dela betetzen «gutxieneko osasun baldintzarik» ekainean egiteko. Gainera, Gimenok azaldu zuen hautagai askok, konfinamenduaren ondorioz, ezin dutela behar bezala prestatu azterketa, eta horietako hainbat gaixo daudela. Oroitarazi zuen, halaber, azterketa horiek prestatzeko akademiak itxita daudela. Faktore horiek guztiak kontuan hartuta erabaki zuen gobernuak lan deialdia atzeratzea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 26an eguneratua, 20:00etan. ©BERRIA

Koronabirusaren azken datuak

Berria

Azkeneko 24 orduetan zazpi pertsona hil dira COVID-19 gaitzaren eraginez, 11 positibo atzeman dituzte PCR probekin, eta lau gaixo ospitaleratu dituzte. Euskal Herrian 28.634 gaixok eman dute positibo guztira, koronabirusa atzemateko probaren bat eginda. Horietatik 2.027 hil dira. Grafikoak, albiste barruan.

Berra adinekoen egoitza. ©JON URBE / FOKU

Ekainaren 8tik egin ahalko dira bisitak Gipuzkoako zahar etxeetan

Berria

Egoiliar bakoitzeko senide bakarra joan ahal izango da bisitan, eta segurtasun neurriak zorroztuko dituzte. Gipuzkoako zahar etxeetan 167 pertsona hil dira izurria hasi zenetik; gaur egun 22 eri daude, bi egoitzatan.

Maiatzaren 11an igaro zen lehen fasera Hegoaldea ©Marisol Ramirez, Foku

Hegoaldea lehen fasera igaro izanaren arrazoiak eman ditu Espainiako Gobernuak

Ainhoa Larretxea Agirre

Espainiako Osasun Ministerioak zehaztu du egoera epidemiologiko «ona» izan dela Nafarroa pasatzeko arrazoia; Osakidetzak pazienteak artatzeko duen «gaitasun handia», berriz, Araba, Bizkaia eta Gipuzkoa igarotzekoa. Maiatzaren 11n aldatu zen lehen fasera Hegoaldea.

Txagorritxu ospitaleko laborategiko irudi bat. ©Gorka Rubio / Foku

Datuen peskizan (eguneko laburpena)

Pello Urzelai

Beste zazpi pertsona gehitu behar dira koronabirusarekin hildakoen zerrendara. Bost EAEn, bi Nafarroan. PCR bidezko 11 positibo berri agertu dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna