Ingurumena

Aralarko larreen «kontrol eza» salatu du Landarlanek

Ingurumen elkarteak adierazi du ibilgailuak aritu direla pistetatik kanpo, eta eremuan kontrolak ezartzeko eskatu dio mankomunitateari.

Gurpil markak Aralarren, pistetatik kanpo.
Gurpil markak Aralarren, pistetatik kanpo. Landarlan Tamaina handiagoan ikusi

Iosu Alberdi -

2020ko maiatzak 15

Maiatzaren 1ean ireki ziren Enirio Aralarreko bideak, eta ordutik eremuan izaniko «kontrol eza» kritikatu du Landarlan ingurumen elkarteak. Izan ere, salatu dute ibilgailuak aritu direla pistetatik kanpo, azken hilabeteetako «lasaitasuna» zapuztuz. Horrez gain, «kezkagarritzat» jo du Aralar Natur Parkeko goi larreetara igoko diren animalien kopuruaren igoera. 

Landarlanek Enirio-Aralarko mankomunitateari eskatu dio ibilgailuen kontrolak areagotzeko inguruan, eta gainerako herritarrentzat mendian ibiltzeko jarraibideak emateko, koronabirusaren eragindako «alarma egoera arintzen doan neurrian».

Enirio-Aralarko abeltzainen eta ingurumen plataformen arteko gorabeherak aspalditik datoz. Ekologistek behin baino gehiagotan salatu dute abeltzainek pistetatik kanpo egiten dituztela bideak. Horien beharrei erantzuteko baimendu zuen mankomunitateak pisten zabaltzea ere. 2018an hasi zituzten Eniriotik Igaratzara doan bideko obrak. 2,7 kilometroko bidea da, eta Enirio eta Doniturrietako bordak lotzen ditu. Ekologistek, ordea, lanen aldeko botoa eman zuten zazpi udal ordezkariren aurkako salaketa jarri zuen, eta Tolosako (Gipuzkoa) epaitegia ari da auzia ikertzen. Izan ere, Landarlan eta Eguzki elkarteen esanetan, besteak beste, legez babestutako zuhaitzak bota ziren lan horietan.

Ordezkariek eta abeltzaintzako hainbat sindikatuk «mendi bide bat egokitzearen alde bozkatzeagatik» auzipetu izana gaitzetsi zuten, baina Aralar Bizirik plataformak adierazi zuen «ingurumen legediaren aurka bozkatzeagatik» daudela egoera horretan. Kasu hartan, eremuan eginiko «txikizioa» gaitzetsi zuen Aralar Bizirik-ek: «Lehen 4x4 ibilgailurik pasatzen ez zen tokian hiru-lau metro zabaleko pista bat egin dute, auto atoidunak eta kamioiak pasatzeko modukoa».

Gora, behera beharrean

Aurten, 130 abeltzainek eskuratu dute larreak erabiltzeko baimena. Denera, 17.311 ardi, 985 behi eta 862 behor igoko dira, aurreko urtean baino 30 ardi, 48 behi eta 84 behor gehiago, Landarlanen arabera. Elkartearen esanetan, 2019ko larreen planaren aurkakoa da kopuru hori, horren arabera, bost eta zazpi urte bitartean behiak 550-650 burura murriztu beharko liratekeelako, eta behorrak 350-400ra. Halere, «albiste ontzat» hartu dute abeltzainei osasun gidak eskatu izana, «aspaldi» egin beharreko gauza zela nabarmendu arren. Kritiko agertu dira, baina, Abaltzisketa, Altzaga, Arama, Beasain eta Lazkaoko udal ordezkariekin. «Ulertezintzat» jo dute mankomunitateari «lege agindua ez betetzeko» eskatu izana.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langile bat pertsona bati PCR proba egiten, herenegun, Ordizian. ©Jon Urbe / Foku

58 dira Ordiziako agerraldiarekin lotutako kasuak

Iosu Alberdi - Irati Urdalleta Lete

Positibo emandakoek ezingo dute bozkatu Ordizian. Bai, ordea, haien kontaktu zuzenek. Araban beste foku bat izan den ikertzen ari da Osasun Saila, azken orduetan bederatzi kasu atzeman ostean.

Nafarroako Gobernuko Osasun kontseilari Santos Indurain. ©Jesus Diges / Efe

23 positibo detektatu dituzte Tuterako agerraldian

Igor Susaeta

Beste agerraldi bat gertatu da Iruñean, eta bost pertsona kutsatuta daudela baieztatu dute

Agerraldien ondorioz, jolas parkeak itxita daude berriro Ordizian. ©Juan Carlos Ruiz / Foku

Osasun Sailak «neurriak aurreikusi» dituela «egiaztatu» du Hauteskunde Batzordeak

Berria

Ordiziako agerraldiaren harira, osasun eta boto eskubideak bermatze aldera EH Bilduk eginiko eskaera aztertu du batzordeak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna