Sare publikoan ikasgelara itzultzeko agindu du Jaurlaritzak

Hezkuntza Saileko Administrazio eta Zerbitzuen Sailburuordetzak eman du agindua; horren arabera, ikuskaritzan eta irakaskuntzaren ikerketan diharduten langileak bihar itzuliko dira lanera.

Gasteizko San Martin ikastetxea, itxita.
Gasteizko San Martin ikastetxea, itxita. Jaizki Fontaneda / Foku Tamaina handiagoan ikusi

Jon O. Urain -

2020ko maiatzak 20

Jaurlaritzako Hezkuntza Sailak agindutakoaren arabera, ikuskaritzakoak eta ikerkuntzaren arlokoak izango dira itzultzen lehenak. Astelehenean, berriz, Derrigorrezko Bigarren Hezkuntzako laugarren mailako ikasleek, Batxilergokoek eta Lanbide Heziketakoek itzuli beharko dute aurrez aurreko eskoletara, hala egitea erabakitzen duten ikastetxeetan.

Efe berri agentziak eman du aginduaren berri; ikastetxe bakoitzak maila horietako irakasleei jakinarazi beharko die noiz itzuli behar duten aurrez aurreko lanera; edozein modutan, Hezkuntza Sailak zehaztu duenez, irakasle horiek 25a baino geroago itzul litezke, aurrez aurreko eskola batzuk egun batzuk geroago hasiko direlako.

DBHko gainerako mailetako irakasleek, Lehen Hezkuntzakoek eta Haur Hezkuntzakoek modu «mailakatuan» bueltatu beharko dute ikasgeletara, ekaineko lehen astean zehar, zentroek erabakitzen dutenaren arabera. Hezkuntza Sailaren arabera, ekainaren 5erako amaituta beharko luke itzulera prozesuak. Agindua atzo sinatu zuen Jaurlaritzak, eta jada helarazi die ikastetxeei eta sindikatuei.

Salbuespen gisa, telelanarekin jarraitu ahal izango dute egoera «berezian» dauden irakasleek edota itzultzea ezinezkoa egiten duten «baldintzak» dituztenek. Lan osasunari buruzko langileei egokituko zaie irakasle horiek identifikatzea, eta langileak txosten bat aurkeztu beharko du, justifikatzeko zaurgarria dela COVID-19arekiko. 14 urtetik beherako haurrak, menpekoak edo adinekoak euren kargura dituztenek ere argudiatu ahal izango dute ezin direla aurrez aurreko lanera itzuli, baina, horretarako, ziurtagiriren bat aurkeztu beharko dute.

Sindikatuak, «aldebakarreko» erabakien kontra

Agindu hori ikusirik, ohar bateratu bat argitaratu dute Steilas, ELA, LAB, CCOO eta UGT sindikatuek, ikasturte amaiera «seguru, adostu eta kalitatezko baterako proposamena» egiteko eta Hezkuntza Sailari eskatzeko «alde bakarrez hartutako erabakiak geldiaraz» ditzala. Proposamenaren ardatz nagusietako bat da «bai osasun protokoloetan eta gainerako dokumentazioan jasotako prozedurak eta bai edukiek dituzten gabeziak osatzea», sindikatuekin negoziatuta; horrez gain, Hezkuntza Sailari eskatu diote ikastetxe guztientzat irizpide bera ezartzeko, «ikastetxe bateko eta besteko ikasleen arteko arrakalarik sortu edo areagotzea» galarazteko.

Aurrez aurreko eskoletara itzuli behar diren ikasleak bi multzotara mugatu nahi dituzte sindikatuek: selektibitateko azterketa prestatu behar duten 2. Batxilergoko ikasleak, batetik, eta «arrakala digitalaren ondorioz konfinamenduaren ondorio kaltegarriak modu gehigarri batean jasan» eta errefortzuak behar dituztenak, bestetik.

«Jokaera arduragabea» izatea egotzi diote Hezkuntza Sailari, eta oharra egin dute: «Ikastetxeren batean osasuna bermatu gabe aurrez aurreko ikasketak abian jarriko balira, sindikatuok gure esku dauden tresna guztiak abian jarriko ditugu langile eta ikasle horien osasuna babesteko».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Txagorritxuko erietxean, COVIDaren test serologikoak aztertzen. ©G. RUBIO / FOKU

Eritasunari buruzko lezio berrikusia

Arantxa Iraola

Asko falta da oraino, baina COVID-19aren inguruko ezagutzak egunero ari dira argitzen, osatzen; ondorioz, izurriaren hasieran gaitzaz esan ziren hainbat gauza zahartuta eta atzeratuta geratu dira guztiz. Etengabeko berrikusketa eskatzen du gai honek.

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Pentsionisten elkarretaratzea Bilboko Justizia Jauregian. ©Aritz Loiola

Pentsiodunek pandemiako testigantzen txosten bat aurkeztuko diote EAEko Fiskaltzari

Maialen Arteaga

Irailaren 7an bilduko dira fiskalarekin pandemiako testigantzak eta datuak biltzen dituen txostena helarazteko

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna