Polizia arrazakeria AEB-etan

AEBak astindu ditu polizia zuri batek afro-amerikar bat hiltzeraino itotzen duela erakusten duen bideoak

Minneapolisko Poliziak George Floyd hil zuen herenegun, atxilotu ostean lurrean belauna lepoan jarrita, atxilotuak behin eta berriz esan zuen arren ezin zuela arnasa hartu. Lau polizia kaleratu dituzte.

Jon Ordoñez Garmendia -

2020ko maiatzak 27

George Floyden heriotzak AEBetako Poliziaren arrazakeria jarri du berriro mahai gainean. Herenegun, Minneapolisko Poliziak Floyd atxilotu zuen, ustez saltoki batean hogei dolarreko billete faltsu bat erabiltzeagatik; salaketa jaso, eta auto baten barruan «drogatuta» zegoela jakinarazi zieten. Autotik atera, lurrean etzan, eskuburdinak ipini, eta polizietako batek belauna jarri zion lepoan. Bideo batean ikusi eta entzun daitekeenez, Floydek behin baino gehiagotan esaten du ezin duela arnasa hartu. Poliziak, ordea, ez zuen aldatu jokabidea, eta, azkenean, Floydek konortea galdu zuen. Poliziaren bertsioak dio nabaritu zutela «zailtasun medikoak» zituela eta anbulantzia bati deitu ziotela. Ospitalean hil zen. Bideoa: Floyd nola itotzen duten erakusten duen bideoa (irudi gogorrak dira):

Floyden hilketa gertutik ikusi zuten inguruan zeuden lekukoek, eta sare sozialetan zabaldu diren bideoen gertutasuna izugarria da. «Mesedez, mesedez, ezin du arnasa hartu. Mesedez», entzuten da argi eta garbi, baina poliziek ez dute ezer egiten. Lepoan eta gorputz guztian mina duela ere esaten du Floydek hil aurretik, eta ura eskatzen du. Emakume ahots batek bideoan esaten du sudurrean odola duela, gainera. Beste gizon bat poliziari mintzatzen zaio, eta esaten dio ez diola arnasa hartzen uzten eta altxatzeko lurretik. Ondoan beste polizia bat dago zutik, jendea ez dadila hurbildu zaintzen, eta horri ere esaten diote: «Gozatzen ari zara». Lekukoek poliziei leporatzen diete Floyd ez dela erresistitzen ari eta polizia autoan sar zezaketela denbora horretan arazorik gabe. Beste lekuko batek pultsua hartzeko eskatzen die poliziei, eta une batean esaten du: «Orain ez du erantzuten, ez da mugitzen».

Protestak izan dira bart

Bart gauean, 24 ordu geroago, jendetza bildu da Minneapolisen, Floyd hil zen lekuan, eta inguruan dagoen polizia etxe batean amaitu zen protesta. Istiluak izan ziren, eta poliziak negar gasa bota zuen, The Star Tribune egunkariaren arabera. Kalean soilik ez. Floyden heriotzak alderik alde astindu du AEBak, eta gogora ekarri du 2014an gertatu zen antzeko beste kasu bat, Eric Garnerrena. Orduko horretan, atxilotuak, afro-amerikarra hori ere, 11 aldiz errepikatu zion poliziari ezin zuela arnasa hartu. Hura ere hil zuten.

Jacob Frey Minneapolisko alkateak iragarri du kaleratu egin dituztela Floyden hilketan nahastuta dauden lau poliziak, tartean belauna lepoan jarrita ito zuena. «AEBetan afro-amerikarra izatea ezin da heriotza zigor bat izan. Bost minutuz ikusten dugu nola estutzen dion lepoa polizia zuri batek gizon beltz bati», adierazi du Freyk. FBI eta Minnesota estatua gertatutakoa ikertzen hasi dira.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Emakume bat, atzo, Iruñeko Estafeta kalean. ©VILLAR LOPEZ / EFE

Nafarroako Gobernua maskararen nahitaezko erabilera aztertzen ari da

Amaia Ramirez de Okariz Kortabarria

Azken egunotako kutsatuen gorakadak kezka eragin du, eta maskaren erabilerari buruzko arauak berriz aztertuko ditu aste honetan. Eskoriatzan, hilik aurkitu dute positibo eman zuen gizonezko bat

Sanferminak bertan behera geratu diren arren, zuri-gorriz jantzitako gazte bat, maskararekin, Iruñean. ©Jesús Diges

Koronabirusaren agerraldiak

Berria

Koronabirusaren aurreneko olatua makaldu eta konfinamendua arintzen hasi ondoren agerraldi gehiago ditu gaitzak. Ekainetik aurrera gutxienez hamahiru agerraldi izan ditu COVID-19ak.

Bi langile Donostian desinfekzio lanak egiten. ©Jagoba Manterola, Foku

Donostiako Etxadi kiroldegia itxi dute langile batek positibo eman ondotik

Berria

Donostia Kirola Eusko Jaurlaritzako Osasun sailarekin ari da hartu beharreko neurriak zehazten. 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna