Kultur azpiegiturak

Donostiako Kutxa Kultur Artegunea ekainaren 2an irekiko dute, Nestor Basterretxearen erakusketa batekin

Kubo-Kutxa aretoa irailera arte ez dute zabalduko. Juan Luis Goenagari eskainitako atzera begirako erakusketarekin abiatuko da.

'Nestor Basterretxea. Argazkigintzaren bitartez' erakusketa egongo da irekita Artegunean.
'Nestor Basterretxea. Argazkigintzaren bitartez' erakusketa egongo da irekita Artegunean. Juan Carlos Ruiz / Foku Tamaina handiagoan ikusi

Berria -

2020ko maiatzak 28

Kutxa Fundazioak datorren astean berrekingo dio bere jardunaren zati bati, eta horrela, besteak beste, Donostiako Tabakalerako Kutxa Kultur Artegunea ekainaren 2an, asteartean, irekiko ditu berriro ateak. Larrialdi egoera ezarri zenerako irekita zegoen erakusketa (Nestor Basterretxea. Argazkigintzaren bitartez) ikusi ahalko da datorren astetik aurrera. Urriaren 12ra arte egongo da zabalik. Pello Agirre da erakusketako komisarioa, eta artistaren obra fotografikoa du oinarri.

Eureka Zientzia Museoak ere ateak irekiko ditu datorren astelehenean, eta %50eko edukiera izango du. 10:00etatik 19.00 arte egingo da irekita astelehenetik ostiralera, eta 11:00etatik 20:00etara.

Museoko instalazioei dagokienez, Planetariumak eta Volta eta Darwin aretoek % 30ean funtzionatuko dute; simulagailuen aretoa itxita egongo da oraingoz; Animalia, irekita, baina bisita gidaturik gabe; gune komunetan ez da animaziorik egongo (segway-ak, fakirraren ohea…), baina kafetegia zabalik izango da.

Gainera, Energia Txinpartak areto berritua inauguratuko dute, eta, ia hogei urtez errendimendu osoan egon ondoren, hamazazpi modulu erabat eguneratuta dituela itzuliko da. Diseinu berriak eta elektrizitatearen sekretuak ulertzeko moduak erakutsiko ditu, museoaren ezaugarriari eutsiz: zientziarekin ondo pasatzea, alegia.

Museoan hartuko diren segurtasun neurriei dagokienez, sarreran ilarak antolatuko dira, segurtasun-distantzia bermatzeko lurrean seinaleztatutako segurtasun eremuekin, eta leihatilak bereizita: leihatila orokorra, lehentasunezko leihatila (Museoaren Lagunak, online salmenta, aniztasun funtzionala dutenentzat eta 70 urtetik gorakoentzat), Planetariuma (txarteldegietan aurrez tiketa erosita) eta berriz sartzeko aukera (sarrera lortuta izanik, museotik irten eta gero berriro sartu nahi dutenentzat).

Kutxa Kultur Gauak programa ere berriro jarriko dute abian, ekainaren 12an, Tabakalerako laugarren solairuan, Zabaltza terrazan. Bertan, kontzertuak, dantza eta antzerki emanaldiak, topaketak, disko festa, tailerrak eta beste egingo dituzte uda osoan.

Kubo-Kutxa aretoa, irailean

Kubo-Kutxa aretoak irailean ekingo dio bere jardunari, Juan Luis Goenagaren atzera begirakoarekin, Mikel Lertxundi dela komisarioa. Euskal margolari honen lehen atzera begirako handiak bere ibilbide osoko piezak bilduko ditu, bereziki nabarmenduta paperean egindako lana. Joan den martxoan elkarrizketa egin zion BERRIAk Goenagari.

Bestalde, COVID-19aren krisiaren ondorioz, Kutxa Fundazioko Arte Sailak Jose Ramon Amondarainen atzera begirakoa 2021era atzeratzea erabaki du. Francisco Javier San Martin komisario duen atzera begirako honek euskal artistaren ibilbide luzea erakutsiko du ikuspegi ezberdin batetik, artista bere ibilbidearen hasieratik lantzen ari den hiru dimentsioko lana lehen planoan jarriz. Erakusketak artista honen lan-metodologia eta iturriak ere erakutsiko ditu.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Haurrak eta hezitzaile bat Baztango haur eskolan. ©JAGOBA MANTEROLA / FOKU

Haur eskolak talde iraunkorrekin abiatuko dira Nafarroan

Olatz Esteban Ezkati

Lau egoera posible irudikatu ditu Hezkuntza Sailak, eta COVID-19aren bilakaeraren arabera ezarriko da bat edo beste. Jantoki zerbitzua bermatuko dutela esan du gobernuak

Pentsiodunek agerraldia egin zuten, atzo, Justizia jauregiaren aurrean, Bilbon. ©ARITZ LOIOLA / FOKU

Pentsiodunek pandemiako testigantzen txostena aurkeztuko diote fiskaltzari

Maialen Arteaga

Irailaren 7an bilduko dira Arabako, Bizkaiko eta Gipuzkoako fiskalarekin, pandemiako testigantzak biltzen dituen txostena emateko

Langile bat, Garesen, piperra biltzen iaz. ©Jesus Diges / efe

Nafarroan, PCR probak egingo dizkiete sasoikako langileei

Joxerra Senar

Abuztutik urrira bitartean, ardorako mahats bilketan edo bestelako barazki eta fruituen uzta bilketarako Nafarroaz kanpotik etorriko diren langileei probak egingo dizkiete, etan positibo emanez gero, konfinamenduan lagunduko die gobernuak.

Basurtun, PCR probak egiten ©Javier Zorrila / efe

300 positibotik gora Hego Euskal Herrian

Berria

Bizkaian eta Araban gorakada nabarmenak izan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna