Noiz sortua: 2020-06-01 18:37:01

Hegoaldean ez da gaixorik hil azken 24 orduetan

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Gasteizko Txagorritxu ospitaleko Mikrobiologiako langileak, proba serologikoak aztertzen.
Gasteizko Txagorritxu ospitaleko Mikrobiologiako langileak, proba serologikoak aztertzen. Gorka Rubio / Foku Tamaina handiagoan ikusi

Andoni Imaz -

2020ko ekainak 1

Maiatzaren 24an gertatu zen lehenengoz, eta gaur berriz: Hego Euskal Herrian ez da inor hil koronabirusaren eraginez. Gainera, Araban, Bizkaian eta Gipuzkoan ez dute positiborik atzeman PCR proba eginda. «Pandemia hasi zenez geroztik lehen aldiz eman dezakegu albiste hau», esan du Nekane Murga Eusko Jaurlaritzako Osasun sailburuak gaurko prentsaurrekoan. Nafarroan beste bost kasu detektatu dituzte, aurreko egunetan baino gutxiago. Hiru egun dira Nafarroan COVID-19 gaitzaren eraginez inor hiltzen ez dela.

Araban, Bizkaian eta Gipuzkoan, hamahiru pertsonak eman dute positibo serologia bidezko test azkarretan; horiek iraganeko infekzio bat adieraz dezakete. Nafarroan, berriz, beste lau pertsonari detektatu dizkiete birusaren aurkako antigorputzak. Dena dela, Eusko Jaurlaritzak eta Nafarroako Gobernuak emandako datuak ez datoz bat Espainiako Osasun Ministerioak emandakoekin. Jaurlaritzako Osasun Sailaren arabera, PCR bidezko 13.518 positibo atzeman dituzte; ministerioaren arabera, 13.511. Nafarroan, handiagoa da aldea: Osasun Departamenduak 5.299 kasu zenbatu ditu, eta ministerioak, 5.259.

Joan den astean, birusaz kutsatutako 45 lagun hil ziren Hegoaldean. 2.066 pertsona hil dira ia hiru hilabetean, martxoaren 4an erregistratu baitzuten lehen hildakoa, Bizkaian. Ospitaleetako egoera ere asko apaldu da azken asteetan, baina ZIU zainketa intentsiboetako unitateen egoera ez da horrenbeste baretu. Egun, 29 paziente ari dira artatzen Arabako, Bizkaiko eta Gipuzkoako erietxeetako ZIUetan; bezperan baino bi gehiago; Nafarroan, 11, bat gehiago.

Igandean koronabirusaz kutsatutako hamar lagun ospitaleratu zituzten, eta denera 277 pertsona daude erietxeko gelan. 74 Araban, bezperan baino hiru gehiago; 117 Bizkaian, bezperan baino sei gehiago; 35 Gipuzkoan, bezperan bezala; eta 51 Nafarroan, bezperan baino bat gehiago.

Eusko Jaurlaritzaren arabera, koronabirusaren proban positibo eman dutenen %83 osatu dira dagoeneko, 16.510 lagun. Nafarroan, gaixotutako 6.012 pertsonari eman diete sendagiria.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna