Albistea entzun

Nabarmen goratu da izurriak eragindako heriotzen kurba

Espainiako Estatistika Institutuak grafiko bat argitaratu du, erakusteko izurriak nola eragin duen heriotza tasan.

Heriotza kopurua asteka, Araban, Bizkaian eta Gipuzkoan.
Heriotza kopurua asteka, Araban, Bizkaian eta Gipuzkoan. INE Tamaina handiagoan ikusi

Edu Lartzanguren -

2020ko ekainak 3

Grafiko klikagarri batekin, Espainiako Estatistika Institutuak ikusgai jarri du 2020. urtean astez aste heriotza tasan izan den aldaketa. Institutuak esan duenez, datuek ez dituzte bereizten COVID-19 gaitzak hil dituenak; heriotza guztiak islatzen ditu, kausa bereizi gabe. Baina aukera ematen dute ikusteko zein aldaketa handia gertatu den izurriaren aste horietan.

Hego Euskal Herriko datuetan, ikusten da igoera nabarmena 2020ko 13. astetik 18.era. Nafarroan gertatu da anomaliarik handiena: %34,52koa da aldea, hurrengo irudiak erakusten duenez.


Nafarroako heriotza tasaren aldaketa. INE

Herrialdean 3.150 heriotza pilatu dira denera. Heriotza gehien izandako aurreko urtea 2018a izan zen, 2.510 hildakorekin. Aurten, beraz, 640 pertsona gehiago hil dira.

Hurrengo aldaketarik handiena Arabakoa da: %25,54. Datuek erakusten dute heriotza kurba lehenago hasi zela igotzen Araban, eta hori bat dator izurriak Hego Euskal Herrian eduki duen eboluzioarekin, lehenengo kasuak, eta fokuak, Araban atzeman baitzituzten.


 

Arabako heriotza tasaren aldaketa. INE

Araban 1.474 heriotza pilatu dira denera. Han ere, heriotza gehien izandako aurreko urtea 2018a izan zen, 1.202 hildakorekin. Aurten, beraz, 272 pertsona gehiago hil dira Araban.

Hurrengoa Bizkaia da, %15,17ko aldaketarekin.


Bizkaiko heriotza tasaren aldaketa. INE

Bizkaian 5.969 heriotza pilatu dira denera. Heriotza gehien izandako aurreko urtea 2018a izan zen, 5.317 hildakorekin. Aurten, beraz, 652 pertsona gehiago hil dira.

Aldaketarik txikiena Gipuzkoan gertatu da: %9,97.


Gipuzkoako heriotza tasaren aldaketa. INE

Gipuzkoan 3.213 heriotza pilatu dira denera. Hildako gehien izandako aurreko urtea 2018a izan zen, 3.103 hildakorekin. Aurten, beraz, 210 pertsona gehiago hil dira Gipuzkoan.

INEk azaldu duenez, heriotza gertaturiko lekuaren arabera sailkatzen da, eta ez hildakoaren bizilekua kontuan hartuta. Horregatik, baliteke herrialde batean erroldaturiko pertsona bat beste batean zenbatu izana, han hil bada.

Gaurtik aurrera, hildako kopuruak astez aste kalkulatzeko «egitasmo esperimental» bat jarri du martxan institutuak. Erregistro Zibiletatik jasotako datuak erabiliko dituzte, eta heriotzen estatistika historikoekin parekatuko dituzte. Izurriak zenbat pertsona hil dituen kalkulatzea da egitasmoaren helburua.

BERRIAk apirilaren 25ean argitaratu zuenez, COVID-19aren datu ofizialek aitortzen duten baino 570 lagun gehiago hil ziren hilabete horretan. Martxoaren 16tik apirilaren 16ra 4.500 lagun zendu ziren Euskal Herrian, espero baino 1.800 gehiago. Datu ofizialen arabera, aldi horretan 1.250 hil ziren koronabirusaz: %45 gehiago ziren zenduak, ordea.

Euskal Herriko datu ofizialen arabera, 2.068 hil ditu koronabirusak, baina COVID-19 diagnostikoarekin hil direnak bakarrik hartu dituzte kontuan estatistika horretan. Benetako kopurua dezente handiagoa dela pentsa daiteke, eta litekeena da gaur INEk argitaraturiko grafikoek laguntzea ezkutuko heriotza horiek kalkulatzen edo, gutxienez, ikusarazten.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Osasun ziurtagiriaren erabilera onetsi du Frantziako Kontseilu Konstituzionalak

Oihana Teyseyre Koskarat

Osasun langileak txertatzera behartzearekin ere ados da. Baionan eta Donibane Garazin, kexu
Onkologikoko langileen protesta. ©ONKOLOGIKOKO ENPRESA BATZORDEA

EH Bilduk eskatu du Onkologikoko langileak osasun publikoan sartzeko

Maria Ortega Zubiate

Koalizioak salatu du Eusko Jaurlaritzako Osasun Sailak «eskura dituen osasun profesional eta baliabideak ez erabiltzea eta utzikeriaz jokatzea»
 ©JON URBE / FOKU

«Beti egongo dira arazoak gorroto delituak frogatzeko»

M. A. T. I.

Bi arazo nagusi ikusten ditu Mikel Mazkiaran abokatu eta Gipuzkoako SOS Arrazakeriako kideak: gorroto delituak definitzeko zailtasuna eta horiek frogatzeko ezina. Eguneroko arrazakeriaren aurka ekiteko deia egin du: «Hori da benetako diskriminazioa».
<b>Bilbo.</b> Arrazakeriaren aurkako manifestazio bat, martxoan, Bilbon. ©ARITZ LOIOLA / FOKU

Ezberdina izatearen zigorra

Maddi Ane Txoperena Iribarren

Azkenaldian areagotu egin dira arraza, etnia, erlijioa, desgaitasuna edota sexu eta genero identitatea dela-eta eginiko erasoak Euskal Herrian. Hamar lagunetik batek baino ez ditu salatzen

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna