Noiz sortua: 2020-06-04 20:04:03

HILBERRIA

Bixente Serrano Izko idazle eta historialaria hil da

72 urte zituela hil da. Urteetan idatzi izan ditu bere iritziak BERRIAn.

Bixente Serrano Izko, Iruñean, 2016an.
Bixente Serrano Izko, Iruñean, 2016an. Iñigo Uriz / Foku Tamaina handiagoan ikusi

Jon O. Urain -

2020ko ekainak 4

Bixente Serrano Izko idazle, politikari eta historialaria (Saratsa, Nafarroa, 1948) hil da gaur arratsaldean. Gaixorik zegoen, eta ebakuntza bat egin behar izan zioten duela egun batzuk. Okerrera egin zuen, ordea, eta gaur arratsean zendu da, erietxean; 72 urte zituen.

Hainbat arlotan jardundakoa izan zen Serrano Izko; frankismoaren amaieran, preso hartu zuten ETAko kide izatea egotzita, eta Segoviako espetxeko ihesaldian parte hartu zutenetako bat izan zen. ETApm-k armak uztean, Euskadiko Ezkerran sartu zen, baina, alderdia PSE-EErekin batu ostean, politikagintza utzi eta historia irakasle hasi zen Iruñean.

2004an itzuli zen politikaren lehen lerrora; urte horretan eta 2008an, Nafarroa Baiko hautagaia izan zen Espainiako Senaturako, eta diputatu izan zen kongresuan 2015eko ekainetik abendura bitartean, Uxue Barkosek utzitako lekua betetzeko. «Subjektu gisa, Nafarroan zentratu behar dugu apustua», esan zuen orduan kazeta honek eginiko elkarrizketa batean.

Serrano Izkok urteak eman ditu bere iritziak BERRIAn argitaratzen, eta literatur kritikaria ere izan zen 2007tik 2012ra bitartean; Nafar periferiatik bloga ere elikatuz joan da urtez urte; duela bi aste pasakoa da azken sarrera.

Koldo Martinez Geroa Baiko kideak eman du albistearen berri: «Pena handiz, Bixente Serrano Izko bihotzeko laguna, euskaltzale porrokatua, militante sutsua, idazlea, pentsalaria, historialaria, irakaslea, diputatua, Geroa Baiko kidea eta batez ere pertsona bikaina zendu dela esan behar dizuet. Beti gure gogoan!», idatzi du Martinezek sare sozialetan. BERRIAk galdetuta, Martinezek azaldu du «hainbat borrokatako kide» izan zuela Serrano, eta nabarmendu du «laguna, umila, apala, hurbilekoa» zela: «Historialaria eta historiagilea izan zen».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

ENDIKA PORTILLO / FOKU ©Lehen arretako profesionalen protesta bat, iaz, Gasteizen.

Hildako bat eta 15 kutsatu gehiago izan dira, datu ofizialen arabera

Ane Eslava

Egoera «kontrolpean» dagoen arren, «zuhurtzia» eskatu du Nekane Murga Jaurlaritzaren Osasun sailburuak. Nafarroan ez da kasu berririk egon. Lehen arretako langileek protesta egin dute Bilbon.

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna