Noiz sortua: 2020-06-21 19:41:06

Burujabetza

Plazak «berreskuratu» dituzte Nafarroako hainbat herritan

Gure Esku dinamikak deituta, aldarriak zintzilikatu dituzte herritarrek, ekaineko lehen asteburuan beste 50 herritan egin bezala.

BERRIA -

2020ko ekainak 21

Gure Esku dinamikak «plazak berreskuratzeko» deia egin die, gaurko, Nafarroako hainbat herritako biztanleei. Eta, horri erantzunez, aldarriak kartoi pusketatan idatzi, eta plazetan zintzilikatu dituzte, besteak beste, Arbizun, Bakaikun, Etxarri-Aranatzen, Lakuntzan, Oteitzan, Beran, Lizarran eta Goizuetan.

Hamaika Gara egitasmoaren harira, autodeterminazio erreferenduma egiteko sinadura bilketa handia prestatzen ari dira udazkenerako. Ekaineko lehenengo asteburuan, Euskal Herriko beste 50 herritan egin zuten plazak berreskuratzeko ekintza. Lehen saioa Bilbon eta Lezon egin zuten. Hurrengo egunean, jendetsuenetako bat Donostiakoa izan zen. Bulebarrean elkartu diren herritarrek aldarriak utzi zituzten lurrean: «Euskal errepublika duina», «Espetxeak hustu», «Gure erabakia», «Osasuna ezin da negozio bat izan», besteak beste.

COVID-19aren izurriak are nabarmenago egin du burujabetzaren beharra, Gure Esku-ren arabera, eta osasungintza publikoa zein beste alor guztietan hemen erabaki ahal izateko eskubidea funtsezkoa dela erakutsi du.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Osasun langileak lanean, Gurutzetako ospitalean. ©MARISOL RAMIREZ / FOKU

Auzitegi Nagusiak dio Osakidetzak ez zuela babes baliabide nahikoa

Ainhoa Larretxea Agirre - Irati Urdalleta Lete

Osakidetzak «ontzat» jo du ebazpena, «ez dituelako aintzat hartu sindikatuen eskaera gehienak». ESK sindikatuak jarri zuen salaketa, eta ekainaren 16an egin zuten epaiketa

Larrialdi zerbitzuek behin-behineko ospitale bat jarri dute Lleidan. ©Ramon Gabriel / Efe

Kataluniako Gobernuak konfinamendua ezarri die 200.000 herritarri

Berria

Lleidako eskualde batean koronabirusaren zortzi agerraldi detektatu dituzte. Eguerdian jarri dute indarrean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna