Noiz sortua: 2020-06-28 22:13:03

Herrietako bozak

Elkargoko lehendakariak Baionako aginte makilari eutsi dio

Etxegarai alde aski handiarekin nagusitu zaio arerio bakarrari, Henri Etxetori.

Jean Rene Etxegarai garaipena ospatzen
Jean Rene Etxegarai garaipena ospatzen Guillaume Fauveau Tamaina handiagoan ikusi

Iñaki Etxeleku -

2020ko ekainak 28

Duela sei urte, 26 bozen aldea zuten bigarren itzulian Etxegarai zentro eskuinekoak eta Etxeto sozialistak. Aldi honetan, 1.027 bozen aldea atera dio Etxegaraik (%53,8) Etxetori (%46,2), eta auzapez karguan egoteko aukera du. Emaitza tinkia espero zen, baina, Mathieu Berge juntaturik ere, Etxetok ez du erdietsi auzapezgora heltzeko zuen xedea.

Zaila da erratea Baiona Berde eta Elkarkidea zerrendako bozak nola banatu diren (doi-doietarik erabaki zuen Etxetorekin ez joatea). Hain segur, bi hautagaiek ukan dituzte zerrenda zatituko batzuen eta besteenak.

Pentsa daiteke Etxagarai izanen dela Euskal Elkargoko lehendakaritzarako hautagai nagusia, hots, orain arte kargu hori eraman duen bera. 2017an sortu zelarik, Ipar Euskal Herriko auzapezen itzulia eginik lortu zuen gehiengoa lehendakari izateko. Ikusi beharko da, haatik, Baionako alkatetzaren eta Elkargoko buruzagitzaren artean hautua eginen duenetz; izan ere, anitz kritika egin zaio bi karguak batera eramateari buruz Etxegarairi.

Elkargoko lehendakaritzarako, gainera, kontrako hautagaiak ager dakizkioke: azken egun hauetan, Alain Iriart Hiriburuko auzapezak jakinarazi du lanean hasia zela hautetsiak ikusiz lehendakari postuari begira. Kritika gogorrak egin zizkion, gainera, Etxegarairen kudeatzeko moldeari. Bizkitartean, ikusi beharko da hautagaitza hori atxikiko duen orain, Etxegaraik Baionan berriz irabazi ondoren.

Azpimarratu behar da, halere, abstentzio handia izan dela Baionan bigarren itzulian: %56,57.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Covid-19 daukaten gaixoak zaintzen duten bi erizain besarkatzen 55 egun gaixo zeraman gizon bat sendatzean. ©Andoni Lubaki / Foku

Koronabirusaren azken datuak

Berria

Euskal Herrian 31.166 gaixok eman dute positibo guztira, koronabirusa atzemateko probaren bat eginda. Horietatik 2.150 hil dira. Grafikoak, albiste barruan.

Udaletako eta Eusko Jaurlaritzako ordezkariak, Zumarragan bilduta. ©/ Ordiziako Udala

Ordiziako fokuan 35 pertsona kutsatu dira oraingoz, eta alkateak «autokonfinatzeko» eskatu du

Irati Urdalleta Lete - Jon Ordoñez Garmendia

Beste hemeretzi positibo daudela jakinarazi du Osasun Sailak, eta dagoeneko mila PCR baino gehiagoren emaitzak jaso dituzte. Alkateak "kutsatze komunitario bat" dagoela esan du.Murgak baztertu egin du konfinamendua ezartzea, baita joan-etorriak mugatzea ere. Itxi zituzten Haka, Miami eta Kebab tabernetako zerbitzariek negatibo eman dute. Biharko azoka bertan behera utzi du Udalak, eta kiroldegia, jolas parkeak eta liburutegia itxi ditu.

Jair Bolsonaro. ©Joedson Alves / EFE

Bolsonarok positibo eman du COVID-19an

Oihane Puertas Ramirez

«Bikain» dagoela adierazi du Brasilgo presidenteak. Hura izan da COVID-19aren eragina ukatu izan duten agintarietako bat, eta horrek ekarri du Brasil herrialde kutsatuenetako bat izatea.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna