324 kasu atzeman dituzte Hego Euskal Herrian

Kasuen beherakada orokorra izan da herrialde guztietan: Araban 44 kasu detektatu dituzte (-31); Bizkaian, 180 (-31); Gipuzkoan, 35 (-29); eta Nafarroan, 59 (-87). Nafarroako Gobernuak ez du neurri orokorrik ezarriko oraingoz. «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa», adierazi du Santos Indurain Osasun kontseilariak.

Santos Indurain kontseilaria prentaurreko batean, artxiboko irudian.
Santos Indurain kontseilaria prentaurreko batean, artxiboko irudian. Jesus Diges/EFE Tamaina handiagoan ikusi

Berria -

2020ko abuztuak 11

Maria Txibite Gobernuko presidentearekin eta Iruñeko alkateekin bildu ostean, azken orduetako datuak aurreratu ditu Santos Indurain Osasun kontseilariak prentsaurrekoan. Indurainek jakinarazi du 59 kasu atzeman dituztela Nafarroan. Atzoko kasuekin alderatuta, beherakada nabarmena izan da: 146 positibo izan ziren atzo. Kontseilariak adierazi du «berri hobeak» direla gaurkoak, baina ohartarazi du bilakaera gorabeheratsua izango dela, eta «zerra hortzak» egongo direla: «Atzokoa ez zen alarma guztiak pizteko modukoa, eta gaurkoa ez da kriskitinak jotzekoa». 

Hego Euskal Herrian 324 kasu detektatu dituzte azken orduetan: atzo baino 175 gutxiago. Positiboen beherakada orokorra izan da, herrialde guztietan egin baitute behera. Nafarroako kasua da nabarmenena, baina gainerakoetan ere apalagoak izan dira datuak: Bizkaian, 180 kasuren berri eman dute, atzo baino 31 gutxiago; Araban, 44 kasu izan dira, 31 gutxiago; eta Gipuzkoan, 35, 29 gutxiago. Jaurlaritzak jakinarazi du erkidegotik kanpo bizi diren sei pertsonak ere positibo eman dutela.

Positiboek behera egin badute ere, ospitaleratze kopurua handitzen ari da oraindik ere: 23 lagun sartu dira erietxeetan azken orduetan, horietako zortzi zaintza intentsiboetako unitateetan. Maiatzaren 14tik pertsona gehien ospitaleratu dituzten eguna izan da. Beste datu bat ere ekarri du egunak: pertsona bat hil da birusaren ondorioz Tuterako osasun eremuan. Indurainek azaldu du ospitaleratze kopurua handitzea kezkagarria dela beti, horrek adierazten baitu kasuak «larriagoak» direla, eta lotuta dagoela kutsatutakoen adinaren igoerarekin. Halaber, Nafarroako osasun sistemaren «fidagarritasuna» nabarmendu du kontseilariak. 

915 PCR datu aztertu ditu azken orduetan Basurtuko ospitaleko mikrobiologiako zerbitzuak, eta 81 positibo izan direla jakinarazi du Jaurlaritzako Osasun Sailak. Galdakaoko Muguru tabernako agerraldiarekin lotuta sei positibo daude guztira, eta Gasteizko Xixilu tabernarekin lotuta 21. Bestalde, Lasarte-Orian iragan astean positibo eman zuten klausura komentu bateko zortzi mojak, eta atzo 81 test egin zituzten agerraldiarekin lotuta. Emaitza guztiak negatibo izan dira, baina Jaurlaritzak jakinarazi du hasieran negatibo eman zuen batek sintomak dituela eta positibo eman duela.

Jaurlaritzako Osasun Sailak erabaki du bertan behera uztea Eibar, Zarautz (Gipuzkoa) eta Ermuko (Bizkaia) neurri murriztaileak, herri horietako egoera epidemiologikoak hobera egin baitu egunotan. Bergaran eta Tolosan (Gipuzkoa), aldiz, neurriek indarrean segituko dute.

Neurri orokorrik ez Nafarroan

Maria Txibitek ere hitz egin du goizeko agerraldian, eta adierazi du gobernuak ez duela neurri zorrotzagorik ezarriko oraingoz, baina argitu du horretarako garaia iritsiz gero ezarriko dutela. Halere, zehaztu du neurriak udalerrien egoeraren arabera egokituko dituztela: «Mahai gainean jartzen ditugun neurriak ikuspuntu epidemiologikotik aztertu eta arrazoitu behar dira». Nafarroa osoari eragiten dioten neurri orokorren aurka azaldu da presidentea, epaileek bertan behera utz ditzaketelako.

Txibitek eskua luzatu die alkateei, eta adierazi du «legearen babesa» dutela neurriak ezartzeko. Erabakiak hartzeko beldurrik ez izateko eskatu die: «Gobernuak berak baino neurri murriztaileagoak har ditzakete».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna