Errusiak COVID-19aren aurkako lehen txertoa erregistratu du

Vladimir Putin Errusiako presidenteak adierazi du «immunitate egonkorra» lortzeko modua ematen duela, baina Osasunaren Mundu Erakundeak arretaz hartu du albistea. Munduko kutsatu kopuruak hogei milioiren langa gainditu du gaur.

Vladimir Putin, Errusiako presidentea, artxiboko irudi batean.
Vladimir Putin, Errusiako presidentea, artxiboko irudi batean. ALEXEI DRUZHININ / KREMLIN POOL / EFE Tamaina handiagoan ikusi

Munia El Marhoum Iruretagoiena -

2020ko abuztuak 11

Koronabirusaren aurkako lehen txertoa erregistratu du Errusiak, gaur. Vladimir Putin Errusiako presidenteak adierazi duenez, munduko lehen herrialdea izan da: «Gaur goizean erregistratu da, munduan lehen aldiz, COVID-19aren aurkako txertoa». Putinek ziurtatu duenez, Errusiak aurkeztu duen txertoa «eraginkorra» da, beharrezko proba guztiak gainditu ditu, eta birusaren aurkako «immunitate egonkorra» lortzeko bidea zabalduko du.

Errusiako Osasun Ministerioak, adierazpenen ondoren zabaldutako ohar batean, azaldu du bi dosiko txertoa dela, eta «bi urte ere hartzen» dituen «immunitate iraunkorra» ematen duela. Hain zuzen ere, Putinek Ministroen Kontseiluan azaldu duenez, haren alaba izan zen txertoa hartzen lehenengoetarikoa. «Lehenengo dosiaren ondoren, 38º-ko sukarra izan zuen», adierazi du Putinek. Bigarren dosiaren ondoren, «tenperatura igo zitzaion, baina gero normaltasunera bueltatu zen», eta orain «ongi sentitzen da, eta antigorputz kopuru handia du». 

Eskerrak eman dizkie Putinek txertoa lortzeko prozesuan lan egin duten zientzialariei eta «lehen pausoa eman duten guztiei», eta gehitu «oso garrantzitsua» dela Errusiarentzat eta «mundu guztiarentzat». Denbora gutxian «sendagaia masiboki ekoizten» hasi ahal izatea espero du Kremlineko buruak. Gainera, argitu du txertoa hartzea ez dela derrigorrezkoa izango, eta «hala nahi duenak» jarri ahalko duela, «bere borondatez». Gainontzeko herrialdeek COVID-19aren aurkako txertoak lortuko dituztela espero du Putinek.

Pandemiako kutsatu kopuruak hogei milioiren langa gainditu duen egunean eman du txertoaren berri Errusiako presidenteak. Hildakoak, berriz, 736.000 baino gehiago dira, Johns Hopkins Unibertsitateak zabaldutako datuen arabera. Horrez gain, hamabi milioi lagunek birusa gainditu dute.

Egun, Errusia laugarrena da kutsatze gehien dituzten herrialdeen artean. Azken datu ofizialen arabera, 897.599 positibo daude, atzo baino 4.945 kasu gehiago. Apirilaren amaieratik 5.000 kasu baino gutxiago zenbatzen diren lehenengo aldia da.

OMEren oharra

Osasunaren Mundu Erakundeak (OME) erantzun egin die Kremlingo buruaren adierazpenei, eta arretaz hartu du albistea. Adierazi du Errusiako txertoak ere erakundeak ezartzen dituen azterketak pasatu beharko dituela, gainontzeko txertoen antzera. «Aurrerapausoak azkartzeak ez du zalantzan ipini behar segurtasuna», esan du Tarik Jasarevic OMEko bozeramaileak. 

Jasarevicek jakinarazi du harremanetan daudela Errusiako agintariekin eta beste herrialde batzuekin, txertoen inguruko ikerketen aurrerapenak gainbegiratzeko. Horrez gain, erakundean «pozik» daudela esan du, txertoa edukitzeko egiten ari diren «garapen azkarrarekin», eta haietako batzuk «seguruak eta eraginkorrak» izatea espero du.

Iragan astean, OMEk iragarri zuen txertoen bilaketan zeintzuk ziren ikerketa aurreratuenak; Errusiakoa ez zegoen haien artean. Nazioarteko erakundearen arabera, sei dira ikerketarik garatuenak: Txinako laborategietan aurrera eramaten ari diren hiru txerto, Ameriketako Estatu Batuetako bi —Pfizer eta Moderna enpresenak—, eta Erresuma Batuetako Astra Zeneca konpainiarena —Oxford Unibertsitatearekin batera ari dira lanean—.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

PCR proba bat, Gurutzetako ospitalean. ©Luis Jauregialtzo, FOKU

Positibo kopuruak goia jo du Nafarroan

Uxue Rey Gorraiz

Beste 749 kasu atzeman dituzte Hegoaldean, eta nabarmen ugaritu dira Nafarroan: 362 kutsatu detektatu dituzte azken egunean. 501 lagun daude erietxeratuta Hego Euskal Herrian, eta 82 gaixo daude ZIUetan.

Zestoa, artxiboko irudi batean. ©Gorka Rubio / Foku

Eraikin publikoak eta tabernak itxi dituzte Zestoan

Berria

28 kasu baieztatu dituzte azken egunetan, eta neurri murriztaileak hartu dituzte agerraldiari aurre egiteko asmoz. Datozen egunetan egoera «kontrolatzea» espero dute.

Iñigo Urkullu omenaldian ©Eusko Jaurlaritza

Koronabirusaren biktimak omendu dituzte Gasteizen

Uxue Rey Gorraiz

Iñigo Urkullu lehendakariak gidatu du ekitaldia. Pandemiarengatik hildakoak gogoratu ditu, eta elkartasuna adierazi die familiei. «Elkarrizketa soziala» bultzatu dadin galdegin du, bizikidetza sozialaren berreraikuntzarako.

Sindikatuen eta Sareren elkarretaratzea, presoen egoeraren harira Bilbon. ©Marisol Ramires/FOKU

Hainbat espetxetan komunikazioak eten dituztela salatu dute Sarek eta Etxerat-ek

Maria Ortega Zubiate

Presoek eta haien senideek “garai oso zailak” bizi dituztela adierazi dute bi elkarteek, eta pandemiak “salbuespenezko erregimenaren aplikazioa” areagotzen duela. Positibotzat jo dituzte Eusko Legebiltzarrean eta Espainian espetxe politika aldatzeko egindako adierazpenak.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna