EUSKAL PRESOAK

Bittor Franco presoaren aita hil da, urrunketarengatik ezin agurtuta

Huelvako espetxean dago Franco.

Irailaren 19an Bilbon presoen eskubideen alde eginiko martxa. ARITZ LOIOLA / FOKU
jon olano
2020ko urriaren 9a
13:41
Entzun

Etxerat euskal presoen senide eta lagunen elkarteak jakinarazi duenez, Bittor Franco Barakaldoko presoaren aita zendu da, eta semeak ezin izan du agurtu presoak urruntzeko politikaren ondorioz. Elkarteak gogorarazi du Huelvako kartzelan dagoela, Euskal Herritik mila kilometrora, eta gaineratu du pertsona maitatu baten galera «are mingarriagoa» dela presoentzat, «bizi dituzten baldintzengatik».

Franco 2005az geroztik dago espetxean, eta otsailetik ezin izan du 2 urteko semea ikusi, «hasiera batean, pandemiak eragindako konfinamenduaren ondorioz, eta, ondoren, Huelvako espetxeak bisitentzat ezarri dituen baldintzen ondorioz».

Horrela, eta dolumina azaltzearekin batera, Etxerat-ek adierazi du euskal presoak «lehenbailehen» eraman behar dituztela Euskal Herriko espetxeetara eta aske utzi behar dituztela «gaixotasun larriak dituztenak, 65 urtetik gorakoak eta kondena betea duten baina legeria arrunta aplikatzen dioten presoak».

Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.