Migratzaileak

2.400 migratzaile bizi diren kanpaleku bat hustu du Frantziako Poliziak

Paris inguruan dago kanpalekua. Azken bost urteetan halako 65 operazio egin dituzte.

Polizia kanpalekura iritsi den unea.
Polizia kanpalekura iritsi den unea. @prefet93 Tamaina handiagoan ikusi

Iosu Alberdi -

2020ko azaroak 17 14:14

Ehunka migratzaile bizi diren kanpamentutik aterarazteko operazioa egin du gaur goizean Frantziako Poliziak, Paris inguruan, Stade de France futbol zelaitik gertu. Abuztutik gaur arte gora egin du han bizi den lagun andana, baina jendarmeek husteari ekin diote. France terre d'asile erakundearen arabera, 2.400 lagun inguru bizi ziren atzo arte.

Poliziak Twitter bidez adierazi du «kanpamentua ebakuatzeko» agindua: «Babespean jarriko dira denen segurtasuna eta osasuna bermatzeko, batez ere, COVID-19aren aurrean». 07:00 aldera hasi dira lekua husten, eta, jendarmeez gain, estatuko agenteek eta laguntza humanitarioa eskaintzen duten elkarteek hartu dute parte. Dozenaka autobus erabili dituzte lekua husteko, eta inguruko 26 gimnasio eta bestelako eraikinetara mugitu dituzte. Hala, goizean zehar, 70 autobus inguru atera dira eremutik. Frantziako Gobernuak gaineratu du COVID-19 probak egingo dizkietela, eta positiboak bakartu egingo dituztela.

Didier Lallement Parisko Poliziaren prefetak adierazi du halako kanpalekuak ez direla «onargarriak». Lallement bera gogor mintzatu zen duela urtebete ere, antzeko beste operazio batean: «Ez dut onartuko mota horretako instalaziorik egotea hemen edo Parisko beste toki batean». Frantziako Barne ministro Gerald Darmaninek ere operazioaren aldeko hitzak izan ditu: «Nire aginduz, 2.000 lagun osasun egoera negargarrian bizi diren legez kanpoko kanpaleku bat ebakuatzen jarraitzen du polizia prefeturak».

Migratzaileak autobusetan sartzen, gaur goizean. / @PREFET93

Kanpalekuan bizi diren migratzaile gehienak gizonezkoak dira, batez ere, Afganistandik, Sudandik, Etiopiatik eta Somaliatik iritsitakoak. Asko asilo eskatzaileak dira, eta kanpaleku horretara iritsi aurretik, Paris kanpoaldeko beste batzuetatik igarotakoak. Horiek ere hustuak izan dira, banan-banan.

Izan ere, ez da Frantziako Gobernuak halako zerbait agintzen duen lehen aldia. Azken urteetan ohikoak dira halako operazioak Paris inguruan, nagusiki, hiriaren ipar-ekialdean. 2015etik, 65 kanpaleku hustu dituzte. Esaterako, otsailean Porte de la Villeten zegoen beste kanpaleku batetik 400 migratzaile inguru lekualdatu zituzten. Iazko azaroan, berriz, beste hiru operaziotan, 2.000 migratzaile bota zituzten bizi ziren kanpalekuetatik. «Immigrazio ilegalaren» aurkako operaziotzat jo zituzten.

Giza eskubideen aldeko 30 elkarte inguruk —besteak beste, Cimade-k—, «ziklo amaigabe eta suntsitzailea» salatu dute: «Duela bost urtetik, halako ebakuazioak gertatzen ari dira, behin eta berriz, nahiz eta ostatu emateko sistemaren funtzionamendua txarra izan». Haien ustez, erakunde publikoek erabaki berbera hartzen dute gaur egun ere, aurreko operazioak «eraginkorrak ez izan arren», eta gauza bakarra lortzen dute: jendea «sakabanatzea».

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Bidaiari gutxi batzuk Londresko Heathrow aireportuko korridore batean, iragan astelehenean. ©NEIL HALL / EFE

Birus mugagabea nola mugatu

Julen Aperribai

Erresuma Batuak eta Europako Batasuneko zenbait herrialdek bidaiarien mugimenduak murrizteko eta kontrolatzeko neurriak zorroztu dituzte, koronabirusaren aldaera berrien hedapena galarazteko. Txertoa jaso izana herritarren joan-etorriak baimentzeko irizpidetzat hartzea proposatu du Greziak.

«Ezin zaio kasuen igoera, itsu-itsuan, aldaera berriari soilik egotzi»

«Ezin zaio kasuen igoera, itsu-itsuan, aldaera berriari soilik egotzi»

Julen Aperribai

Imazek dioenez, Erresuma Batuan atzemandako birusaren aldaera izan da transmisioa azkartu duten faktoreetako bat, baina ez bakarra. Haren arabera, ospitaleratzeak etengabe hazi dira herrialdean, azaro amaieratik.

Varanda koroa, 2017an, Xuxako katedralean; bi aldiz bonbardatu dute. ©J. C. V.

Gutunik ez Xuxatik

Joan Cabases Vega

Libanon, milaka armeniar negarrez ari dira Azerbaijanen kontra porrot egin dutela-eta Karabakh Garaiko gerran, eta atzerapausotzat daukate beren existentziaren aldeko borrokan.
Pakistanen Shaheen-2 misil nuklearraren artxiboko irudia. ©EFE

Arma nuklearrak debekatzeko ituna indarrean sartu da gaur, 51 herrialdetan

Gorka Berasategi Otamendi

Ez dute hitzarmena sinatu arma nuklearrak dituzten herrialdeek. AEBek Errusiarekin duten akordio nuklearraren berritzea negoziatuko dute; otsailaren 5ean amaituko da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.