Albistea entzun

Koronabirusa

Azken bost hilabeteetan birusarekin jende gutxien hil den astea izan da aurrekoa

65 pertsona hil dira COVID-19ak jota azken astean Hego Euskal Herrian, iragan astean baino 25 gutxiago. Beste 397 kasu positibo atzeman dituzte astearteko probetan.

Gurutzetako ospitaleko ZIU gela bat, artxiboko irudi batean.
Gurutzetako ospitaleko ZIU gela bat, artxiboko irudi batean. Marisol Ramirez/FOKU Tamaina handiagoan ikusi

Uxue Rey Gorraiz -

2021eko martxoak 3 09:24

Heriotzei dagokienez, nabarmena izan da beherakada Hego Euskal Herrian. Nafarroako Gobernuak eta Eusko Jaurlaritzak emandako informazioaren arabera, iragan den iganderaino 65 lagun hil ziren astebetean koronabirusak jota Hegoaldean, hau da, otsailaren 22tik 28ra bitartean. Adierazle horretan aspaldi erregistratu den daturik apalena da Hegoaldeko osasun agintariek jakinarazi berri dutena: zehazki, irailaren bukaeratik ez da inoiz zenbatu kopuru txikiagorik Hegoaldean. Osakidetzak eta Osasunbideak emandako datuen arabera, azken astean hildako 65etatik 61 Araba, Bizkai edo Gipuzkoakoak dira, eta gainerako laurak Nafarroakoak dira. Gainera, igandetik aitzina foru erkidegoan izandako heriotzei buruzko datuak eguneratu ditu Nafarroako Gobernuak: azken egunetan beste bost pertsona zendu dira gaitzak jota.

Kutsatuen datuei dagokienez, atzo beste 397 COVID-19 kasu zenbatu ziren Hegoaldeko testetan. PCR probak eta antigeno testak aintzat harturik, guztira 10.280 proba egin ziren asteartean, eta horien guztien %3,9k eman zuten positibo. Lurraldez lurralde, Bizkaian 174 kasu atzeman zituzten; Gipuzkoan, 93; Araban, 66, eta Nafarroan, berriz, 57.

Bestalde, ospitaleetako egoerari buruzko informazioa eguneratu dute Jaurlaritzak eta Nafarroako Gobernuak: emandako datuen arabera, atzo 51 lagun erietxeratu zituzten koronabirusaren sintomak larriagotuta Hegoaldean. Hala, azken hamalau egunetako datuei so, egunean 49 pertsona ospitaleratu dituzte batez beste Hegoaldean. Gainera, azken datuen arabera, oraintxe 321 pertsona daude Hegoaldeko zentroetako gela arruntetan erietxeraturik. Berriz, 147 daude ZIU zainketa intentsiboetako unitateetan, bezperan baino sei gehiago.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Janssen txertoaren banaketa atzeratu egin dute EBn, AEBetako tronbo kasuak argitu artean

Janssen txertoaren banaketa atzeratu egin dute EBn, AEBetako tronbo kasuak argitu artean

Arantxa Iraola

AEBetako CDC eta FDA osasun erakundeek txertoa jartzeari uzteko eskatu dute, hainbat tronbo kasu «arraro eta larrirekin» lotura dutelakoan. Osakidetza bihar da lehen dosiak jasotzekoa.

Aurtengo Herri Urrats edizioa aurkezteko pentsaurrekoa egin dute goizean, Kanbon. ©Guillaume Fauveau

30 Herri Urrats Ttiki eginen dituzte maiatzaren 9an, herriz herri

Oihana Teyseyre Koskarat

Egoera sanitarioagatik ikastola bakoitzak bere egitaraua prestatuko du Boga lelopean. Seaskak, bestalde, ikastola bat irekiko du Bardozen, irailean. 

Labiren batzorde teknikoaren bileraren buru izan da gaur Iñigo Urkullu lehendakaria ©Adrian Ruiz de Hierro /Efe

Urkulluk baztertu egin du, oraingoz, Labiren bilerara deitzea

Edurne Begiristain

Eusko Jaurlaritzak uste du indarrean dauden neurri murriztaileak betetzea nahikoa dela birusaren hedapena eteteko.

Guardia Zibila Nafarroaren mugetan kontrolak egiten, artxiboko irudi batean. ©RAQUEL MANZANARES, EFE

Nafarroako lau herri itxiko dituzte: Arbizu, Etxarri Aranatz, Lodosa eta Alesbes

Uxue Rey Gorraiz

Herriak ostegunetik egonen dira itxita, eta neurria bi astez izanen da indarrean, gutxienez. Gainera, testak egitera deitu dituzte Etxarri Aranazko eta Alesbesko hainbat herritar.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna