Albistea entzun

Milagro itxi egingo dute ostiralean, baita herriko taberna eta jatetxeak ere

Azken hamalau egunean, 100.000 biztanleko 1.874ko positibo tasa izan du herriak. Udalarekin adostuta hartu du neurri hori Nafarroako Gobernuak.

Tuterako Ospitalea. /
Tuterako Ospitalea. / Iñigo Uriz/Foku Tamaina handiagoan ikusi

Jon Ordoñez Garmendia -

2021eko martxoak 24

Nafarroako Gobernuko Osasun Sailak jakinarazi duenez, ostiraletik aurrera itxiera perimetrala ezarriko du Milagron, eta herriko taberna eta jatetxeek ateak itxi beharko dituzte. Udalarekin batera hartu du neurria gobernuak, positibo tasa handia dela eta. 3.400 biztanle ditu Milagrok, eta azken hamalau egunetan 1.874ko tasara heldu da 100.000 biztanleko. Azken zazpi egunak aintzat hartuta, tasa 1.610ekoa da.

Nafarroako Gobernuak kutsatzeen gorako joera atzeman du. Atzo baheketa egin zuten 44 eta 64 urte bitarteko milagrotarrekin, eta beste hogei positibo agertu dira. Ondorioz, ostiraletik ezingo da Milagron sartu edo atera, ohiko salbuespenengatik ez bada (lana, ikasketak, zaintza eta osasuna), eta herriko taberna eta jatetxeek ateak itxi beharko dituzte.

Bihar gauerdian sartuko dira indarrean neurri horiek, eta hasiera batean bi aste iraungo dute, apirilaren 11 arte, egun hori barne. Egoeraren arabera, luzatu, egokitu edo bertan behera utziko dituzte.

Erkidego osoan indarrean diren neurri murriztaileak apirilaren 9ra arte luzatzea erabaki du gobernuak gaur, eta ez du baztertu neurriak gehiago gogortzea pandemiaren bilakaerak okertzen jarraituz gero.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Kontseiluak deituta maiatzean Bilbon egindako elkarretaratzea, Irungo Udaltzaingoaren lan eskaintzaren inguruan izandako polemikaren harira. ©MARISOL RAMIREZ / FOKU

CCOOk helegitea jarri dio udaltzainen lan poltsari, B2 maila eskatzen dutelako

Julen Aperribai

Euskara maila «meritua» izan dadin nahi du sindikatuak. Kontseiluak gogoratu du administrazioek herritar denen hizkuntza eskubideak bermatu behar dituztela

Hainbat ikasle EHUko Ibaetako campusean eginiko manifestazioan. ©Gorka Rubio, FOKU

Eraso sexistagatik salatu zuten irakaslea, «telelanera» behartua

Ion Orzaiz

EHUk espedientea ireki dio irakasleari, baina eskolak ematen segituko du, «telematikoki» bada ere. Emakume batek hainbat gizonen artean jipoitu dutela salatu du Gasteizen

PCR probak, Gasteizko Txagorritxu ospitaleko laborategi batean. ©G.RUBIO / FOKU

Astebetean %27 handitu da positibo kopurua Hego Euskal Herrian

Edurne Begiristain

Azken zazpi egunetan 1.193 kasu detektatu dituzte. Ospitaleratutako gaixo kopurua %32 handitu da epe berean: 128 eri daude gaitzarekin

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.