Albistea entzun

Aste Santuan tabernen barnealdeak ixteko agindu du Nafarroako Gobernuak

Nafarroak koronabirusari kontra egiteko neurriak gogortuko ditu apirilaren 1etik, eta apirilaren 8ra arte izanen dira indarrean. Muga berriek ostalaritzari eta merkataritzari eraginen diete, batik bat.

Tabernen barnealdeak itxiak izanen dira Aste Santuan Nafarroan. Irudian, Iruñeko ostatu bat.
Tabernen barnealdeak itxiak izanen dira Aste Santuan Nafarroan. Irudian, Iruñeko ostatu bat. Iñigo Uriz/FOKU Tamaina handiagoan ikusi

Uxue Rey Gorraiz -

2021eko martxoak 26 16:42

Nafarroako Gobernuak zorroztu eginen ditu izurriteari aurre egiteko neurri murriztaileak; hala jakinarazi du Osasun kontseilari Santos Indurainek. «Datozen egunak bereziki kalteberak izanen dira pandemiaren inpaktuari dagokionez, eta premiazkoa da mugak gogortzea». Gobernuak iragarri duenez, Aste Santuan tabernetako barnealdeak itxiak izan beharko dira herrialdean, eta, gainera, murriztu eginen da komertzioetan gehienez bil daitekeen lagunen kopurua. Zehazki, merkataritza gune handietan gehienezko edukiera %40 zen orain arte; neurri berriak indarrean sartutakoan, berriz, %30 izanen da.

Indurainek zehaztu duenez, neurri berriak apirilaren 1ean sartuko dira indarrean, «beranduenez», eta hilaren 8ra arte izanen dira ezarriak, oraingoz. Kontseilariaren esanetan, gobernuak orduan erabakiko du neurriei eutsi edo ez.

Hilabete joan da Nafarroako Gobernuak ostalaritzako neurri murriztaileak leundu eta barnealdea zabaltzea baimendu zuenetik. Irekiera baimendua egon den asteetan, gobernuak %30ean zuen ezarria gehienezko edukiera espazio horietarako. Guztiz itxita egonen dira datorren astetik aurrera, eta Indurainek onartu du neurria «kolpe latza» izanen dela sektorearentzat. Dena dela, argudiatu du besteak beste hori dela kutsatzeak eteteko bidea. «Ez da gehiagotan errepikatu beharrik; jakina da mugikortasunaren eta harreman sozialen areagotzeak kutsatzeen goraldia dakarrela berekin», azaldu du.

 

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Baionako terraza bat, artxiboko irudian ©Bob Edme/ Iparla

Uztailaren 9an diskotekak irekiko dituzte Ipar Euskal Herrian

Berria

Dantzalekuetan sartzeko ezinbestekoa izango da osasun ziurtagiria aurkeztea. Kontzertu aretoetako neurriak, berriz, ekainaren 30ean malgutuko dituzte, edukiera %75era zabalduta.

Gotzone Sagardui Eusko Jaurlaritzako Osasun sailburua artxiboko irudi batean. ©Jaizki Fontaneda/FOKU

Hegoaldetik joandako biztanleak txertatzeko irizpideak zorroztuko dituzte Lapurdin

Maria Ortega Zubiate

Maider Arostegi Miarritzeko alkateak adierazi du Hegoaldetik joandako biztanleen gorakadak neurriak zorroztea ekarriko duela. Gotzone Sagardui Jaurlaritzako Osasun sailburuak adierazi du ez dutela prozesu horren berri.

Hainbat herritar Gasteizko kale batean. ©Jaizki Fontaneda

Beste 119 COVID-19 kasu atzeman dira Hegoaldean

Uxue Rey Gorraiz

2020ko uztail erdialdetik erregistratutako kutsatu kopururik apalena da. 5.000 proba inguru egin dira; beraz, %3 da positiboen ehunekoa.

Bi txitek tamaina handia zuten jada, eta horrek zaildu egiten zion haien amari haiek babestea. ©Urdaibai Bird Center

Hil egin dira Urdaibain jaio ziren bi arrano arrantzaleak

Paulo Ostolaza

Jaio eta hogei egunera hil dira; ezin izan zioten eutsi joan den ostiralean Urdaibai astindu zuen ekaitzari. Arduradunen arabera, txiten heriotza «naturaltzat» hartu behar da.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna