Albistea entzun

Elkartasuna

Saharar herriaren askatasunaren aldeko martxa abiatu dute Irunen

Hego Euskal Herrian egingo diren bi ibilbidek lurraldeko hainbat puntu igaroko dituzte datozen egunetan, bakoitzean jarduerak antolatuz

Martxa aurkezteko agerraldia, Irunen.
Martxa aurkezteko agerraldia, Irunen. @LAB_Nazioartea Tamaina handiagoan ikusi

Iñaki Agirre -

2021eko maiatzak 20 14:32

Saharar herriaren kausarekin bat datozen hainbat elkarte, sindikatu eta erakundek Mendebaldeko Sahararen askatasuna aldarrikatzeko martxa abiatu dute gaur Irunen. Ekainaren 7ra bitarte, Hego Euskal Herriko hainbat puntu igaroko dituzte, bakoitzean jarduerak antolatuz, eta ordutik aurrera Madrilerako bidea egingo dute, han Espainiako Estatuko zutabeekin bat egiteko.

Egitasmo honekin, Afrikako herrialdeak lau hamarkada luzez jasan duen Marokoren okupazioa salatu eta herrien arteko elkartasunari dei egin nahi diote. Gaur Irunen eginiko agerraldian azaldu dutenez, «Mendebaldeko Saharak, Espainiako antzinako probintziak, 45 urte baino gehiago daramatza erbestealdi, errepresio eta okupazioan murgilduta, nazioarteko zuzenbidearen araberako irtenbiderik gabe», eta egungo «gerra egoeraren» amaiera eskatzeko, martxaren aldarriak jasotzen dituen zortzi puntuko manifestu bat aurkeztu dute parte hartzaileek.

Idatzi horretan, «Marokoko armadak saharar biztanleria zibilaren aurka egindako erasoak» gaitzesteaz gain, Euskal Herriko enpresek Mendebaldeko Saharan egiten duten «espoliazio jarduera» gelditzeko eskatu dute, horrek «sahararren oinarrizko eskubideen zapalketa sistematikoaren konplize zuzenak» bilakatzen dituela argudiatuz, eta horiek salatzeko deia egin diete lurraldeko alderdi eta sindikatuei.

Halaber, Espainiak Afrikako herrialdearen potentzia administratzaile gisa dituen betebeharrak «behingoz» bete ditzala exijitu diote Madrilgo gobernuari, Marokoko armadara bideratutako armen salmenta eta donazioak etetearekin batera, eta preso politiko sahararrak «lehenbailehen» aske geratzeko bitartekaritza bat eskatu dio.

Bestalde, nazioarteko komunitateari ere mintzatu zaizkio, giza eskubideen nazioarteko behatzaileen, Gurutze Gorriaren Nazioarteko Batzordearen eta NBEko Giza Eskubideen Goi Komisarioaren Bulegoaren premiazko esku hartzea eskatuz, Marokok Mendebaldeko Saharako lurralde okupatuetan egin dituen «gizateriaren aurkako krimenak» salatu eta amaiera eman diezaieten.

Bi ibilbide eta hainbat jarduera

Gaur Irundik abiatu den martxak Gipuzkoako, Bizkaiko eta Arabako hainbat herri igaroko ditu, eta ekainaren 6an Gasteizera iritsiko da. Nafarroan, berriz, ekainaren 4tik 7ra bitarte egingo dute ibilbidea, Berriozartik Los Arcosera. Bi ibilbide horietan igaroko dituzten herriak eta egingo dituzten jarduera guztiak Saharar Herriaren Askatasunaren Martxak duen webgunean kontsultatu daitezke.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Martin Villa, iazko irailaren 3an Servini epailaren aurrean deklaratu ostean, auto barruan. ©JUANJO MARTIN / EFE

Martin Villa, Servinik auzipetua

Arantxa Iraola

Auto batean auzipetu du 1976ko Gasteizko hilketengatik eta German Rodriguezenarengatik

Suhiltzaileak lanean, Gasteizen, artxiboko irudi batean. ©Endika Portillo / Foku

Gizon bat hil da Donostian, taberna batean piztutako sute batean

Berria

Gros auzoko Gure Txoko tabernako sukaldean piztu da sua, goizeko 9:00ak aldera. Taberna itxita zegoen.

Kongresuko hitzaldietako bat, atzo, Hernanin. ©GORKA RUBIO / FOKU

Demokrazia Komunalaren Aldeko Nazioarteko Sarea aurkeztu dute

Jone Arruabarrena

«Kapitalaren logikarekin eta zapalkuntza modu guztiak» amaitzeko erez aritu dira, Hernanin

Nekane Lekuona. / ©Andoni Canellada, Foku

Minbiziaren ondorioak samurtu nahian umeei

Maria Ortega Zubiate - Gipuzkoako Hitza

Aspanogi elkarteak eskatu berri du protokolo bat ezar dezatela minbizia gainditu duten haurrei jarraipena egiteko. Gaixotasuna gainditu duten haurren %70ek jasaten dituzte ondorioak gerora.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.