Albistea entzun

EUSKAL PRESOAK

Bi preso Euskal Herriratzea eta hiru gerturatzea onetsi dute Espetxe Erakundeek

Gainera, Zueratik Soriara lekualdatuko dute Juan Luis Agirre.

Euskal presoen eskubideen aldeko martxa, urtarrilaren 9an, Donostian.
Euskal presoen eskubideen aldeko martxa, urtarrilaren 9an, Donostian. Jon Urbe / Foku Tamaina handiagoan ikusi

Jon O. Urain -

2021eko maiatzak 21

Espainiako Espetxe Erakundeetako Idazkaritza Nagusiak erabaki du bi euskal preso Euskal Herriratzea, hiru Euskal Herritik gertuago dauden kartzeletara hurbiltzea eta bat lekualdatzea.

Iratxe Yañez izango da Euskal Herriratuko dituztenetako bat. Asturiasen dago preso (385 km), eta Zaballara ekarriko dute. 2010eko urrian espetxeratu zuten, hogei urteko zigorra betetzeko, eta 2025eko urtarrilean beteko ditu zigorraren hiru laurdenak. Bigarren graduan dago, eta hala jarraitzea proposatu du Villabonako kartzelako Tratamendu Batzordeak.

Bestalde, Valentina Morisoli presoa Madrildik Arabara hurbilduko dute. 2020ko azarotik dago preso, behin-behinean.

Gerturatzeen kasuan, Iker Olabarrieta eta Asier Arzalluz daude Sevilla II-ko espetxean (990 km), baina biak gerturatuko dituzte Logroñora (170 km). Olabarrieta 2005eko martxoan kartzelatu zuten, hogei urteko zigorra betezteko, eta iazko martxoan bete zituen zigorraren hiru laurdenak. Harentzat ere bigarren gradurako progresioa onartu dute. Arzalluz, berriz, 30 urteko zigorra betetzen ari da 2009ko azarotik, eta hiru laurdenak 2023ko apirilean beteko ditu. Bigarren graduan egongo da aurrerantzean hura ere.

Andoni Goikoetxea, berriz, Dueñasko kartzelatik (310 km) El Duesora (170 km) gerturatuko dute. 2019ko apirilaren 25ean espetxeratu zuten, zazpi urteko zigorra betetzeko, eta hiru laurdenak 2024ko uztailean beteko ditu. Lehen gradutik bigarrenera igaroko da, Espetxe Erakundeek hala onartu eta gero.

Gainera, Juan Luis Agirre presoa lekualdatuko dute, Zueratik (245 km) Soriara (260 km). 30 urteko zigorra betetzen ari da 2002tik, eta iazko martxoan bete zituen hiru laurdenak. Bigarren gradurako progresioa proposatu du harentzat Zuerako Tratamendu Batzordeak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©EH BILDU

EH Bilduk estatutuaren «agortzea» nabarmendu du; PSE-EEk, ekarpenak

Maddi Ane Txoperena Iribarren

Urkulluk azaldu du «bete gabe» dagoela eta 30 eskumen lekualdatzeke daudela oraindik ere. PPk estatutuaren «deuseztatze» nahia salatu du

Urkullu, gaur, herritarren galderak erantzuten. ©Irekia

Urkulluk esan du «bateragarriak» direla pentsio minimoa hobetzea eta AHTa egitea

Edu Lartzanguren

Herritarrek eginiko hogei galderari erantzun dio Iñigo Urkullu lehendakariak, '#UrkulluTopaketa' egitasmoaren barruan.

ERCko eledun Marta Vilalta. ©Toni Albir / EFE

ERC: aurrekonturik ez, ez bada ikus-entzunezkoetan %7,5 bermatzen katalanarentzat, euskararentzat eta galizierarentzat

Edu Lartzanguren

Esquerrak ohartarazpena bidali dio Espainiako Gobernuari, eta ostiralera arteko epea eman dio gaztelera ez diren hizkuntzentzako kuota ezartzeko Ikus-entzunezkoen Legean.

ETArena izan zitekeen aspaldiko zulo bat aurkitu dute Ataunen

ETArena izan zitekeen aspaldiko zulo bat aurkitu dute Ataunen

Berria

Herritar batek aurkitu zuen Aitzarte edo Ataungo Domoan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.