Albistea entzun

Datuak

Hegoaldean gutxienez 23 pertsona zendu dira gaitzarekin astebetean

Osakidetzak eta Osasunbideak beste 308 kasu positibo zenbatu dituzte. Positiboen ehunekoa %3,2 izan da astearteko testetan.

COVID-19a atzemateko antigeno testak Zarautzen (Gipuzkoa), artxiboko irudi batean.
COVID-19a atzemateko antigeno testak Zarautzen (Gipuzkoa), artxiboko irudi batean. Gorka Rubio/FOKU Tamaina handiagoan ikusi

Uxue Rey Gorraiz -

2021eko ekainak 9

Birusarekin loturiko heriotzei buruzko informazio eguneratua eman dute Hego Euskal Herriko agintariek. Nafarroako Gobernuak eta Eusko Jaurlaritzak emandako informazioaren arabera, maiatzaren 31tik ekainaren 6ra bitarteko astean gutxienez 23 lagun hil dira gaitzak jota. Horiek horrela, bilakaerak azken hiru asteetako joerari eutsi diola erakusten dute datuek: maiatz erdialdetik, birusarekin astebetean hildako kopuruak ez du gainditu 30 kasuren langa. Zehazki, joan den astean zendutakoetatik lau Nafarroakoak ziren; gainerakoak Araban, Bizkaian edo Gipuzkoan hildakoak dira.

Gainera, transmisioari dagokionez, atzo COVID-19a atzemateko 9.625 diagnostiko proba egin ziren Hego Euskal Herrian, eta horietako %3,2k eman zuten positibo: 308k, alegia. Gaur arte, eguneko zenbatutako kutsatu kopurua 300 kasuren langatik behitikoa izan zen hiru egunez jarraian, eta eten egin da joera hori. Hala eta guztiz ere, egunetik egunera izan daitezkeen gorabeherez gainera, bilakaerak beheranzko joeran segitzen du, abiada motelean bada ere. Zehazki, azken bi asteetako datuei so, Hegoaldean eguneko 356 kasu atzematen dira batezbesteko.

Atzoko testek utzitako datuak lurraldeka aztertuta, Bizkaian atzeman zuten positibo gehien: 155 izan ziren. Gipuzkoan, 61 kasu detektatu zituzten; Nafarroan, 54, eta Araban, 34.

Azken datuen arabera, beste mugarri bat erdietsi da kutsatzearen bilakaeran; Hego Euskal Herriko lurraldeen intzidentzia tasak behera eta behera ari dira, eta, aurreneko aldiz, lauak dira 200etik beherakoak. Gipuzkoan, 100.000 biztanleko 192 kutsatu atzeman dituzte azken hamalau egunetan; Bizkaian, 189; Araban, 158; Nafarroan, 133.

Ospitaleen presioa, arintzen

Osakidetzak eta Osasunbideak emandako datuen arabera, atzo 26 lagun ospitaleratu zituzten gaitzaren sintomak larriagotuta. Horiek aintzat hartuta, guztira 236 lagun daude Hego Euskal Herriko erietxeetan; horietako 93 ZIU zainketa intentsiboetako unitateetan dira.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Euskararen erabilera %7 eta %52 artekoa da EHUko eremu ez-formaletan

Erredakzioa

Soziolinguistika Klusterrak hamazazpi fakultatetan euskara zenbat erabiltzen den behatu du, Euskara Errektoreordetzak eskatuta
Zenbait herritar Iruñeko txertaketa gunean, Nafarroako Unibertsitate Publikoko kiroldegian. ©JESUS DIGES / EFE

Hego Euskal Herriko biztanleen %35ek osatua dute txertaketa pauta

Uxue Rey Gorraiz Oihana Teyseyre Koskarat

Osakidetza datorren astean hasiko da 40 urtetik beherakoak txertatzen. Hegoaldeko herritarrak Iparraldean txertatzeko irizpideak lauso dira
Claudia Venceslao eta Luis Maria Salgado, atzo, agerraldian. ©ENDIKA PORTILLO / FOKU

EH Bilduk arau bat ondu du egoitza pribatuetako baldintzak «duintzeko»

Edurne Begiristain

Arabako egoitza zentroak ituntzeko proposamena landu du. Eragile eta sindikatuei aurkeztuko die zirriborroa, irailean erregistratu aurretik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna